Bebai Maghing

Bebai Maghing adolah samacam makanan ketek yang dapek disarobokan pado masyarakaik Lampung. Sacaro Harfiah "bebai maghing" artinyo "Padusi Pamaleh" tapi ado juo nan mangecekan makanan ko namonyo "biak injak". Biak artinyo "barek", Injak artinyo "jago". Jadi, Biak Injak artinyo "barek jago".

Mangko Baitu, mukasuik dari kue Bebai Maghing atau Biak Injak adolah kue yang dibuek dek sakketmaralompok padusi atau amak-amak yang inda paralu ka situ kamari, cukuik sambia duduak-duduak lamak dan bamaleh-malehan. Bebai Maghing itu dimakan dek masyarakaik Lampung untuak makanan atau cadangan.

Bahan Mambuek Bebai Maghing

• Bareh puluik (bahannyo bisa didapekan dengan caro mambalinyo di pasa, di lapau, di supermarket, atau samo caro nan lainnyo)
• Pisang masak
• Gulo putiah atau gulo merah
• Garam
• Daun pisang (untuak mambungkuih makanan tu)

Pisang yang digunoan untuak mambuek Bebai Maghing itu, bisa dari jenis pisang apo sajo yang pantiang pisangnyo alah masak bana, sarupo pisang lidi, pisang batu, atau pisang sarai. Sadangkan, daun pisang yang biaso digunoan untuk mambungkuih Bebai Maghing adolah daun pisang batu, karano daun pisang tu indak mudah caia atau hancua. Dulu, pisang dan daun pisang biasonyo didapekan di ladang surang, tapi pado saat kini, ado saparo dari urang yang mambuek dibalinyo. karano indak punyo ladang atau halaman untuak mananam batang pisang.

Caro Mambuek Bebai Maghing

Partamo-tamo cuci bareh puluik samo aia sampai barasiah lalu dikariangan. Salanjuiknyo, pisang ditanggaan kuliknyo dan dihancuaan isinyo. Caro mahancuaan pisang tu bisa dirameh-rameh samo tangan atau di maso kini bisa manggunoan blender. Sataruihnyo, bareh puluik yang alah dikariangan diagiah garam saketek, gulo putiah atau gulo merah yang alah aluihan, tu dicampua samo pisang yang alah dihancuaan tadi dan diaduak sampai rato.

Salanjuiknyo, siapan daun pisang yang alah dibarasiahan, bungkuih adonan dengan caro dilipek dan disobokkan kaduo ujuangnyo dan salah ciek ujuang bungkuihnyo dimasukkan ka dalam lubang bungkuihan ciek lai, tu dirapian sahinggo manjadi bantuak bungkuihan yang rapi dengan gadang kiro-kiro 4 x 8 cm.

Kamudian, kalau sado adonan alah tabungkuih dan dikabek, tu gabuangan sabanyak limo bungkuih dikabek lo baliak pakai tali yang tabuek dari daun pisang atau bisa juo pakai tali nan lain manjadi ciek. Talinyo tu bebas yang pantiang aluih bahannyo, sahinggo indak mambuek rusak bungkuihan adonan nan tadi. Guno bungkuihan adonan tadi dikabek bia indak hancua atau caia katiko diabuih. Sasudah sado bungkuihan takabek dengan rapi, masuakkan bungkuihan nan tadi ka dalam payuak, agiah aia sacukuiknyo dan abuih sampai masak kiro-kiro salamo 1 jam. Kalau alah masak angkek lalu kariangan, sasudah dingin lapehan kabek bungkuihnyo, dan Bebai Maghing siap untuak dihidanggan.