Batu runciang

Batu Runciang adolah tampek wisata yang ado di daerah Silungkang, kota Sawahlunto. Tampek wisata ko diagiah gala dunia Jurrasic ala Sawahlunto. Kecamatan Silungkang kini manjadi ikonik dengan keberadoan kawasan Batu Runciang. Runciang, atau Batu Unciang–kecek warga satampek. Pemandangan di kawasan ko memang rancak: gugusan batu karst atau kapua menjalang tinggi indak baraturan. Maingek an wisatawan tentang tabiang-tabiang purba atau lamo maso Jurrasic.

Kawasan Batu Runcing ko lebih tapeknyo barado di Dusun Sungai Cacang, Desa Silungkang Oso, Kecamatan Silungkang, Kota Sawahlunto. Untuak bisa sampai di kawasan Batu Runciang, dibutuhan waktu kiro-kiro limo baleh minik dari jalan Linteh Sumatera, tapeknyo di Jalan Lintas Tengah KM 20, Silungkang Oso, Simpang Puskesmas Silungkang.

Dari jalan aspal tu, wisatawan harus manyusuri jalan mananjak hinggo sampai ka kawasan Batu Unciang. Kawasan wisata ko dikelola dek warga satampek sejak 2016, dan marupoan spot paliang rancak untuk foto instagram katiko barado di Sawahlunto.

Barado di katinggian dan dari kawasan Batu Runciang, bisa mancaliak jalan Lintas Sumatera dilewat an dek kendaraan yang ba lalu lalang, sarato mangicok keindahan sabagian Kota Sawahlunto yang dikaliliangi dek hamparan hijau bukik-bukik.

Manuruik Zulkifli (50), sabagai urang nan ditoan di Dusun Sungai Cacang, alun ado kato sapakaik basamo untuak mamunguik biaya masuak ka kawasan Batu Runciang. "Yang pantiang anak kamanakan bisa manggaleh di kawasan ko. Tu lah mambantu parekonomian kami," katonyo.

Selain untuak wisata, kawasan Batu Runcing juo dijadian tampek paliang rancak untuak yang hobi panjek tabiang. "Disiko baiak atlet atau yang hobi panjek tabiang acok ka siko untuak melakuan hobinyo," kecek. Zulkifli.

Rujuakan

”https://travel.tempo.co/read/1252567/ini-dia-spot-pariwisata-sumbar-yang-bikin-betah/full?view=ok“ ”http://infopublik.id/read/138447/waduk-pacal-peroleh-9-juta-meter-kubik.html?video=”