Batang Barus, Gunuang Talang, Solok

Batang Barus adolah sabuah nagari nan barado di Kecamatan Gunung Talang, Kabupaten Solok, Sumatera Barat. Nagari ko talatak di pinggang Gunung Talang, barado di sakita katinggian ± 1500 meter dari permukaan laik jo topografi daerah berbukik-bukik.

Batang Barus
Nagari
Nagara	Indonesia
Provinsi	Sumatera Barat
Kabupaten	Solok
Kecamatan	Gunung Talang
Kodepos	27365
Laweh	185 km
Panduduak	8001

Nagari Batang Barus marupoan nagari nan alah lamo ado. Badasarkan katarangan informan katiko partamo Belanda masuak ka daerah Sumatera Barat tersebut alah ado pamukiman masyarakaik. Musajik tatuo nan ado di daerah tasabuik badirii pado tahun 1599. Kamudian nagari ko mangalami transformasi. Sabalum tahun 1979 nagari ko di kelola dek pamarintah nagari. Kamudian dek dibarlakuannyo UU no 5 taun 1979, nagari ko dipacah manjadi 3 desa. Salanjuiknyo sasudah taun 2000 sistem pamarintahan nagari kambali diterapkan di Nagari Batang Barus. Nagari ko kambali terdiri dari 3 jorong yakni Jorong Kayu Aro, Jorong Lubuak Selasih dan Jorong Kayu Jao.

Nagari Batang Barus adolah salah satu nagari dari 74 nagari nan ado di Kabupaten Solok, talatak di pusat Ibukota Kabupaten Solok nan barado di lereang Gunung Talang jo jarak ±5km dan babateh langsuang jo Kota Padang. Nagari Batang Barus badampiangan jo Nagari Koto Gaek, Nagari Koto Gadang Guguk jo Nagari Aia Batumbuak. Samanjak Nagari Batang Barus sabagai pusat ibukota kabupaten Solok, jumlah panduduak meningkek sacara pesat, tabukti dari jumlah panduduak dari taun ka taun samakin maningkek. Salain itu, Nagari Batang Barus juga marupoan nagari talueh di Kecamatan Gunung Talang, jo lueh 185,00km².

Masyarakaik nan partamo kali menampekan Nagari Batang Baruih pado awalnya baladang  disakita Mesjid Tuo sahinggo dinamoan Koto Tuo. Satalah mangalami paningkekan jumlah panduduak mako para Tokoh Niniak Mamak sapakaik mamabantuak Nagari Batang Baruih.

Di Batang Barus sajak taun 1983 area pakabunan nan digunoan oleh Belanda samaso panjajahan kambali dikambangan oleh PT PN VI. Kabun kurang labiah salueh 669 HA nan ditanami jo teh. Teh hasil pakabunan PT PN VI di Kayu Jao nan labiah dikenal jo pakabunan danau kamba mutunyo sangaik rancak jo manjadi salah satu komoditi utamo untuak ekspor. Teh ko marupoan nan tabaiak di dunia tarutamo di Indonesia.

Awalnyo kawasan ko merupoan hutan biaso, lalu disulap manjadi kabun teh oleh salah satu parusahaan Belanda yaitu Namiodee Venotchaat Handie Verininging pado taun 1925 sampai 1928. Dalam proses pangarajoan pambuatan kabun teh ko melibaian ratusan pekerja paksa dari pulau Jawa.

Kelembagaan

Dalam upayo mambardayakan masyarakaik di nagari, maka dapek di bantuak lambago- lambago kamasyarakatan sasuai jo kabutuhan. Lembaga kemasyarakatan merupakan mitra pemerintah nagari dalam aspek parancanaan, palaksanaan dan pangandalian pambangunan nan batumpu pado masyarakaik nan ditatokan jo Paraturan Nagari atas prakarsa masyarakaik Nagari nan basangkutan. Nagari Batang Barus mampunyoi lambago masyarakaik nan marupoan anggota masyarakaik setampek sacaro sukarela untuak baparan sarato dalam pambangunan. Nagari Batang Barus tamasuak nagari nan aktif dalam bidang kelembagaan masyarakaik diantaranyo Kerapatan Adat Nagari (KAN), Pemuda Karang Taruna, Lembaga Pemberdayaan Masyarakat (LPM), Badan Musyawarah Nagari (BMN), Tim Penggerak Pembinaan Kesejahteraan Keluarga (TP-PKK) dan Badan Usaha Milik Nagari (BUMNAG). Seluruh lambago masyarakaik tasabuik aktif jo bargerak dibidangnyo masiang-masiang.

Geografis

Nagari Batang Barus barado pado katinggian antaro 700 sampai 900 dari pamukaan lauik jo jarak tampuah 30 km dari lauik. Nagari Batang Barus mampunyai lueh wilayah 18500.5 Ha nan tabagi kadalam 3 jorong jo babatehan dengan :

Utara	Nagari Koto Gaek dan Sungai Jernih
Selatan	Kabupaten Pesisir Selatan
Barat	Kota Padang
Timur	Nagari Aia Batumbuk

Sacaro geografis Nagari Batang Barus talatak di lereang Gunuang Talang nan mampunyoi katinggian 700 sampai 900 m dari permukaan lauik, sahinggo nagari ko mampunyoi hawa sajuak jo candaruang dingin jo suhu 20°C - 27°C jo mempunyoi curah hujan nan cukuik tinggi yaitu 2434 mm partahun. Dengan topografi babukik jo berlembah karano talatak di gugusan Bukit Barisan, nagari ko adolah sabuah kawasan patanian, padagangan, pakantoran, serato kawasan wisata karano alamnyo nan indah dan lahan yang subur.