Barium
Barium adolah unsua kalimo pado golongan 2 nan marupoan logam alkali tanah nan lunak nan bawarna keperakan. Barium indak pernah ditamukan di alam sabagai unsua bebas karano reaktivitas kimianyo nan tinggi. Hidroksidanyo, nan dikana dalam sajarah pra-modern sabagai barita, indak tajadi sabagai mineral, tatapi dapek dibuek jo caro maangekan barium karbonat.
Mineral barium alami nan paliang umum tajadi adolah barit (barium sulfat, BaSO) jo witerit (barium karbonat, BaCO), kaduonyo indak laruik dalam aia. Nama barium barasa dari turunan alkimia "baryta", dari Yunani, nan bararti "barek." Barik adolah bantuak ajektif dari barium. Barium diartian sabagai unsua nan baru pado taun 1774, tatapi baru direduksi manjadi logamnyo pado taun 1808 jo muncuanyo elektrolisis.
Barium mamiliki babarapo aplikasi industri. Sacaro historis, digunoan sabagai panangkok untuak tabuang vakum. Inyo adolah komponen dari YBCO (superkonduktor suhu tinggi) jo elektrokeramik, nan ditambahkan ka baja jo basi tuang untuak mangurangi ukuran butiran karbon di dalam struktur mikro. Senyawa barium ditambahkan ka dalam kambang api untuak maagiah warna ijau. Barium sulfat digunoan sabagai aditif nan indak laruik pado fluida pengeboran sumua minyak, nan jo dalam bantuak nan labiah murni, saparti zat radiokontras sinar-X untuak pencitraan sistem pencernaan manusia. Ion jo senyawa barium nan laruik adolah baracun, nan alah digunoan sabagai rodentisida.
Sifek fisika
suntiang
Barium adolah logam lunak putiah keperakan, mamiliki warna ameh katiko ultra murni.[1]:2 Warna putiah keperakan logam barium capek mailang pado oksidasi di udaro, maasilkan lapisan oksida abu-abu galok. Barium mamiliki bobot jenis mancagah jo marupoan konduktor listrik nan baik. Barium ultra murni sulik bana disiapkan, dek karano itu banyak sifek barium nan alun ditentukan sacaro tapek.[1]:2
Pado suhu jo takanan ruangan, barium mamiliki struktur kubik bapusek pado tubuh, jo jarak barium–barium 503 pikometer, mangambang jo pamanasan pado laju sakitar 1,8×10-5/°C.[1]:2 Iko adolah logam nan lunak bana jo kekerasan Mohs 1,25.[1]:2 Titik lelehnyo 1,000 K (730 °C; 1,340 °F)[2]:4–43 talarak di antaro unsua stronsium nan labiah ringan (1,050 K or 780 °C or 1,430 °F)[2]:4–86 dan radium yang lebih berat (973 K or 700 °C or 1,292 °F);[2]:4–78 namun, titik didihnya 2,170 K (1,900 °C; 3,450 °F) malampaui stronsium (1,655 K or 1,382 °C or 2,519 °F).[2]:4–86 Massa jenisnya (3,62 g·cm−3)[2]:4–43 lagi-lagi barado di antaro stronsium (2,36 g·cm−3)[2]:4–86 dan radium (~5 g·cm−3).[2]:4–78
Reaktivitas kimia
suntiangBarium sacaro kimiawi saroman jo magnesium, kalsium, sarato stronsium, tatapi labiah reaktif. Barium salalu manunjuakkan tingkek oksidasi +2, kacuali babarapo spesies molekuler langka nan indak stabil nan hanyo tercirikan dalam fase gas saparti BaF.[1]:2 Reaksi jo kalkogen sangat eksotermal (malapeh energi); reaksi jo oksigen atau udaro tajadi pado suhu kamar, dek karano tu barium disimpan di dalam minyak atau atmosfir inert.[1]:2 Reaksi jo nonlogam lainnyo, saparti karbon, nitrogen, fosfor, silikon, jo hidrogen, umumnyo basifek eksotermal nan balanjuik pado pamanasan.[1]:2–3 Reaksi jo aia sarato alkohol malapehan gas hidrogen:[1]:3
Barium bareaksi jo amonia untuak mambantuak kompleks saparti Ba(NH''";.[1]:3
Logam iko mudah diserang dek kabanyakan asam. Asam sulfat adolah pangacualian karano pasivasi manghentikan reaksi jo mambantuak barium sulfat nan indak laruik di permukaan.[3] Barium manyatu jo babarapo logam, tamasuak aluminium, seng, timbal, jo timah, mambantuak intermetalik jo paduan.[4]
Rujuakan
suntiang- ↑ a b c d e f g h i Kresse, Robert; Baudis, Ulrich; Jäger, Paul; Riechers, H. Hermann; Wagner, Heinz; Winkler, Jocher; Wolf, Hans Uwe (2007). "Barium and Barium Compounds". di dalam Ullman, Franz. Ullmann's Encyclopedia of Industrial Chemistry. Wiley-VCH. doi:.
- ↑ a b c d e f g Lide, D. R. (2004). CRC Handbook of Chemistry and Physics (edisi ke-84th). Boca Raton (FL): CRC Press. ISBN 978-0-8493-0484-2.
- ↑ Müller, Hermann (2007). "Sulfuric Acid and Sulfur Trioxide". di dalam Ullman, Franz. Ullmann's Encyclopedia of Industrial Chemistry. Wiley-VCH. doi:.
- ↑ Ferro, Riccardo; Saccone, Adriana (2008). Intermetallic Chemistry. Elsevier. p. 355. ISBN 978-0-08-044099-6. https://archive.org/details/intermetallicche00ferr.