Baribeh itam asia (Ursus thibetanus), juo dikenal sabagai baribeh bulan[1] atau baribeh dado putiah adolah spesimen baribeh baukuran sadang, sabagian gadang baadaptasi dalam kehidupan arboreal, dan tadapek di selatan Asia, Korea, timur laut Cina, Timur Jauh Rusia, Honshū dan Shikoku, Japang. Baribeh iko digolongkan IUCN sabagai spesimen rentan, tautamo disebabkan dek deforestasi dan paburuan aktif untuak diambiak bagian tubuhnya. Sacaro morfologi, spesimen iko sangek saroman jo babarapo baribeh prasijarah dan dianggap dek babarapo ilmuwan sabagai nenek moyang dari spesimen baribeh lain nan masih ado. Meskipun sabagian gadang herbivora, baribeh itam Asia bisa sangek agresif taadok manusia. Rudyard Kipling manggambaakan baribeh iko sabagai "spesimen paliang aneh dari spesimen ursine."

Baribeh atau Beruang itam

Taksonomi suntiang

Habitat baribeh-itam asia acok kali di katinggian labiah dari 13.000 kaki di Pagunungan Himalaya. Baribeh iko mamiliki bulu putiah taba manyarupoi kaluang di dado dan bulu itam panjang di lihia. Bulu di sapanjang tubuhnyo bawarna itam legam.

Spesimen iko mamiliki kekerabatan dakek jo baribeh itam Amerika,[2] dan mereka juo basifek generalis (mampu bakambang dalam babagai kondisi lingkungan dan dapek mamanfaatkan babagai sumber daya nan babeda, misalnyo heterotrof jo diet bavariasi. Sabagai contoh, di Iran mereka mamakan buah zaitun, buah ara, serangga dan tunas dari kurma dan kadang tajadi bentrokan jo patani katiko mereka mamanjek pohon-pohon kurma.

binatang iko mamiliki morfologi nan samo jo baribeh lainnyo, jo kapalo gadang dan mato ketek. Ukuran baribeh itam Asia antaro 130–190 cm. Baribeh jantan dan betino dapek dibedakan badasarkan barek badan mereka. Samantaro binatang jantan mancapai 110-200 kilogram, binatang betino hanyo mamiliki barek sajumlah 50-125 kilogram.

Parangai suntiang

Baribeh itam Asia adolah binatang diurnal (aktif di siang hari), maskipun mereka dapek manjadi nokturnal (aktif di malam hari) apobilo di dakek tampek tingga manusia. Mereka biasonyo hiduik dalam kalompok kaluarga nan tadiri dari duo binatang dewasa dan duo anak. Mereka adolah pamanjek batu dan pohon nan baik dan akan mamanjek naik untuak maagiah makan, istirahat, mailakan matohari dan musuh, serta hibernasi. Beberapa baribeh tuo mungkin agak kasulikan untuak mamanjek. Satangah dari hiduik mereka diaabihkan di pohon: di wilayah Ussuri, baribeh itam dapek mahabihkan sampai 15% waktu mereka di ateh pohon. Baribeh itam Asia mamatahkan cabang dan rantiang untuak ditampekan di bawah diri mereka katiko sadang makan di pohon, sahinggo taliek saparti sarang di ateh pohon mereka. Baribeh itam Asia akan baistirahat untuak jangka pendek pado sarang di ateh pohon satinggi limo baleh kaki atau labiah. Baribeh itam Asia indak hibernasi di area mereka. Mereka mungkin hibernasi di area utara nan labiah dingin, meskipun beberapa baribeh hanyo akan pindah ka dataran randah. Hampia sadoalahnyo batino buntiang malakukan hibernasi. Beruang itam mampasiapkan sarang mereka untuak hibernasi pado patangahan Oktober, dan akan lalok dari November sampai Maret. Sarang mereka dibuek jo manggali kalua pohon berongga (anam puluh kaki di ateh tanah), gua-gua atau lubang di tanah, kayu barongga, atau lereng pagunuangan nan curam dan cerah. Mereka mungkin juo manampeki sarang atau lubang nan ditinggaan baribeh coklat. Baribeh itam Asia condong mambuek sarang di katinggian randah dan pado lereng nan labiah saketek curam daripado baribeh coklat. Baribeh itam betino muncua dari sarang labiah lamo daripado jantan, dan baribeh itam betino jo anak muncua labiah lamo lai daripado batino lajang.[3] Baribeh itam Asia condong kurang banyak bapindah dibandingkan jo baribeh cokelat. Jo makanan nan cukuik, baribeh itam Asia dapek manetap di daerah jo lueh sakitar 1–2 km², dan kadang labiah ketek sakitar 0.5–1 km².

Panyebaran dan tampek tingga suntiang

Baribeh itam biasanyo manghuni hutan gugur, gurun, dan rimbo campuran. Mereka jarang tingga di katinggian lebiah dari 12,000 kaki (3,700 m). Mereka biasonyo tingga di katinggian 11,480 kaki (3,500 m) di Pagunuangan Himalaya pado musim panas dan akan naiak ka katinggian 4,920 kaki (1,500 m) di musim dingin. Kadang mereka tadapek di pamukaan lauik di Japang. Baribeh itam Japang di daerah rimbo Honshu dan Shikoku mandapek sebutan "insinyur ekosistem". Sabuah studi baru mangklaim, katiko mereka manyingkapkan cabang-cabang pohon, akan mamungkinkan cahayo untuak mancapai tanaman lain. Manjadikan tanaman yang tatutuik kanopi rimbo mampu tumbuah jo baik.[4]

Status hukum suntiang

Baribeh itam Asia tadaftar sabagai satwa nan dilinduangi dalam Palindungan Hukum Nasional Margasatwa Cina, nan mangatua bahwa siapa se nan baburu atau manangkok baribeh tanpa izin akan dikanakan hukuman barek.

Meskipun baribeh itam dilinduangi di India karano sadang tadaftar sabagai Satwa Rentan, sangek sulik untuak maadili mereka nan dituduah paburuan baribeh itam karano kurangnyo saksi dan kurangnyo Laboratorium Forensik Margasatwa untuak mandeteksi kaaslian bagian-bagian binatang atau produk nan disita. Salain tu, karano luehnyo pabatasan India jo negara lain saparti Pakistan, Tibet, Cina, Nepal, Bhutan, Bangladesh dan Myanmar, mako sulik untuak polisi pabatasan tersebut nan acok di daerah pagunuangan.

Rujuakan suntiang

  1. Sy Montgomery (24 September 2002). Search for the golden moon bear: science and adventure in Southeast Asia. Simon & Schuster. ISBN 978-0-7432-0584-9. http://books.google.com/books?id=KEGhDjZXMOwC. Diakses pado 26 September 2011. 
  2. Macdonald, David (1984). The Encyclopedia of Mammals: 1. London: Allen & Unwin. p. 446. ISBN 0-04-500028-x. http://www.amazon.com/dp/0871968711. 
  3. Seryodkin; I. V.; et al. (2003). "Denning ecology of brown bears and Asiatic black bears in the Russian Far East" (PDF). Ursus. 14 (2): 153–161. Diarsipkan dari versi asli (PDF) tanggal 2022-10-09. Diakses tanggal 2019-09-08. 
  4. "How Bear engineer Japanese forests". Diakses tanggal 5 Agustus 2015.