Bani Kinanah (bahaso Arab: بنو كنانة‎‎) adolah salah satu kabilah gadang banso Arab nan banyak manetap di Hijaz[1] dan Tihamah, di wilayah baraik Arab Saudi. Dari Bani Kinanah iku turun banyak suku-suku Arab lainnyo, di antaronyo adolah Bani Quraisy nan marupoan suku asa Nabi Muhammad.[2]

Panyebaran suku-suku di Jazirah Arab pado maso awa Islam. Bani Kinanah manatap di sakita kota Makkah.

Tokoh nan manurunan kabilah ko banamo Kinanah bin Khuzaimah bin Mudrikah bin Ilyas bin Mudhar, iyolah salah surang katurunan dari Bani Mudhar, dari Bani Adnan.[2] Kinanah bin Khuzaimah punyo banyak katurunan, namun nan acok disabuik adolah Al-Nadhar, Malik, Milkan, Amir, Amru, dan Abdul Manat.[3]

Cabang-cabang katurunan Bani Kinanah adolah sabagai barikuik:[3]

  1. An-Nadhar
    • Quraisy
  2. Malik
    • Tsa'labah bin al-Harits
      • Firas bin Ghanam
      • Mukhdadj bin Amir
      • Fukaim bin Adi bin Amir
  3. Milkan
  4. Amir
    • Al-Kain
  5. Amru
  6. Abdi Manat
    • Ghifar
    • Bakr
      • Du'il
      • Laits
    • Bal Harits
    • Mudlidj
    • Damra bin Bakr

Salain katurunan An-Nadhar nan sacaro kusuih disabuik Bani Quraisy, sadonyo katurunan nan lain sacaro umum disabuik jo namo Bani Kinanah.[3]

Pado maso pra-Islam, puak-puak Bani Kinanah manatap di sakita kota Makkah; sajak dari Tihamah di barat dayo babateh jo Bani Hudzail, inggo timur lauik babateh jo Bani Asad bin Khuzaimah.[3] Pado maso awa panyebaran agamo Islam, Bani Kinanah dipakiroan turuik bagabuang dalam pasukan-pasukan nan dibantuak dek Umar bin Khaththab,[3] dan taseba ka babagai wilayah kakhalifahan. Banyak di antaronyo nan pindah ka Masia tarutamo pado abaik ka-6 Hijriah,[3] sainggo Masia pun mandapek namo sabuikan Ardh Kinanah (أرض كنانة), 'tanah suku Kinanah'.[4]

Daftar tokoh suntiang

Caliak pulo suntiang

Rujuakan suntiang