Balai Kota Cirebon
Balai Kota Cirebon atau dijuluki dek masyarakaik satampek sabagai Balai Udang marupoan kantua bagi Wali Kota Cirebon, Jawa Barat. Gedung iko marupoan salah satu bangunan berarsitektur kolonial di Indonesia. Desainnyo manunjuakan pangaruh gaya seni Mazhab Amsterdam dari Belanda.
Sijarah suntiang
Balai Kota Cirebon dibangun jo langgam arsitektur Art Deco nan terpengaruh dek gaya modern Mazhab Amsterdam dari Balando. Pambangunannyo diprakarsai dek Kepalo Dinas Pekerjaan Umum Cirebon Joost Jacob Jiskoot (1896–1987), samantaro rancangannyo dikarajoan dek duo urang arsitek yakni H.P Hamdl jo CFH Koll. Fondasi bangunan ditagakan pado tangga 26 Juni 1926, samantaro pangarjoannyo dilakukan dari 1 Juli 1926 inggo 1 September 1927.[1]
Gedung iko samulo dibangun untuak Raadhuis atau Dewan Perwakilan Kota Cirebon. Sangkek baru dibangun, gedung iko acok digunoan pulo sabagai tampek patamuan jo alek parnikahan kalangan bangso Eropa. Barulah samanjak pamerintahan militer Japang inggo maso kemerdekaan, gedung iko manjadi pusek pamerintahan Kota Cirebon.[1]
Arsitektur suntiang
Gedung Balai Kota Cirebon tagak di lahan saluas 15.770 meter persegi jo tembok bawarna putiah. Sacaro terpisah, bangunannyo tadiri dari bangunan inti jo bangunan panunjang mambantuak sayok pado kiri jo kanannyo. Bangunan inti tadiri dari duo lantai. Di mukonyo, tadapek portico nan babantuak satangah lingkaran. Pado sisi kiri jo kanannyo, tadapek hiasan patung Anthon Maas dalam bantuak udang, marujuak pado industri udang nan bakambang di Cirebon nan membuek kota itu dikenal sabagai Kota Udang.[2]
Ruangan bangunan inti dihiasi kaco patri nan punyo babagai hiasan nan manunjuakan pangaruh dari Nieuwe Kunst jo gaya seni Mazhab Amsterdam.[3] Selain itu, tadapek bantuak pilaster nan bacirikan Tuscan, arsitektur Romawi Klasik nan punyo hiasan moulding pado kepalo tiangnyo.[1]
Referensi suntiang
- ↑ a b c "Balai Kota Cirebon". Dinas Pariwisata dan Kebudayaan Provinsi Jawa Barat. 27 Desember 2011. Diarsipkan dari versi asli tanggal 2020-06-20. Diakses tanggal 30 Maret 2015.
- ↑ (Balando) "Het Raadhuis van de Gemeente Cheribon". Tropenmuseum. Diakses tanggal 30 Maret 2015.
- ↑ (Balando) Het Indische Bouwen: Architectuur en Stedebouw in Indonesie: Dutch and Indisch Architecture 1800–1950. Helmond: Gemeentemuseum Helmond. 1 April 1990. p. 27. https://books.google.co.id/books?id=wUa4nQEACAAJ&dq=het+indische+bouwen&hl=en&sa=X&ei=JNkYVdHMCcS2uASovIDQDg&redir_esc=y. Diakses pado 30 Maret 2015.