Bagar Hiu

Bagar Hiu adolah makanan lauak pauak untuak urang Melayu Bengkulu. Makanan ko adolah makanan palengkap nasi yang biaso dimakan sahari-hari pado waktu makan siang hari atau malam hari. Urang Melayu Bengkulu suko jo makananko, karano sajak ketek alah tabiaso mamakan makanan yang bahan mantahnyo barupo lauak. Lauak adolah hasia alam dari wilayah Melayu tu. Contohnyo yang alah tau dek urang , urang Melayu Bengkulu yang tingga di daerah pantai kabanyakan bakarajo sabagai nalayan. Jadi lauak yang di dapek jo nalayan tu, salain untuk di juaan ka pasa tapi jugo digunoan untuak kaparaluan makanan keluarganyo.

Bahan-bahan yang digunoan Untuak mambuek Bagar Hiu:

1. Bahan utamo: Lauak hiua yang ketek-ketek, alasannyo mamakai lauak hiua yang ketek supayo labiah lamak dan lezat daripado lauak hiua gadang
2. Bahan pandukuang: Daun mangkuak, asam jawa, daun ruku-ruku, daun limau, daun salam, minyak goreang, katumba, marica, jintan, ada maniah, palo, cangkeh, langkueh, sipadeh, Kunyiak, kayua manih, bawang merah jo bawang putiah, karambia goreang

Paralatan yang digunoaan untuak mambuek Bagar Hiu;

1. Pisau tajam untuak mambukak kuliknyo dan mamotong lauak hiua tu
2. Baskom
3. kuali

Untuak mambueknyo sadolah bahan tu dibuek sademikian rupo. Partamo-tamo lauak hiua yang alah tasadio dibarasihan yang caronyo dibarasihan kuliknyo, dipotoang kamudian dicuci jo aia barasiah, sudah tu lauaknyo dimasuakan kadalam baskom sabanta. Sasudah tu karambia, kayua manih, sipadeh, laos, kunyik sadolahnyo digiliang. Sasudah haluih, masuakkan kasado bahan yang tadi kadalam baskom yang barisi lauak hiua yang alah dibarasihan tadi. Baga Hiua biasonyo dihidangan basamo nasi putiah dan diagiah palangkap samba sayua. Caro manghidangannyo mamakai piriang cambuang yang dilatakkan di meja makan basamo jo makanan lainnyo yang ka dimakan.