Badan Keamanan Rakyat

Badan Keamanan Rakyat (atau biaso disingkek BKR) adolah suatu badan nan dibantuak untuak malakukan tugas pamaliharoan keamanan basamo-samo jo rakyaik dan jawatan-jawatan nagara. BKR dibantuak oleh Panitia Parsiapan Kamerdekaan Indonesia atau PPKI dalam sidangnyo pado tanggal 22 Agustus 1945 dan diumumkan oleh Presiden Soekarno pado tanggal 23 Agustus 1945.

Bakeh kantua Badan Keamanan Rakyat di Padang

Dibantuaknyo BKR marupokan parubahan dari hasia sidang PPKI pado tanggal 19 Agustus 1945 nan sabalumnya marencanakan pambantuakan tantara kabangsoan. Parubahan tu akhianyo diputuihan pado tanggal 22 Agustus 1945 untuak indak mambantuak tantara kabangsoan. Kaputusan iko dilandasi oleh banyak patimbangan politik.

Para pamimpin pado wakatu itu mamiliah untuak lebiah manampuah caro diplomasi untuak mandapekan pangakuan terhadap kamerdakaan nan baru sajo diproklamasikan. Tantara pandudukan Japang nan masih basinjato langkok jo mental nan sadang jatuah karano kalah parang, manjadi salah satu partimbangan juo, untuak maindaan bentrokan apobilo langsuang dibantuak sabuah tantara kabangsoan.