Bada mudiak
Bada mudiak adolah salah satu motif tradisional khas Minangkabau nan diambiak dari bantuak ikan ketek atau teri. Maksud dari ikan ketek ko adolah sagarombol ikan ketek manuju hulu sungai, lalu gerakan bada ko sewaktu bergerombol mambuek sabuah barisan nan rapi. Jiko salah satu ikua tajauik lalu pai ka hulu, mako nan lain pun sarantak maikuikannyo. Ukiran "bada mudiak" ko manunjukan disain nan ritmis jo harmonih, dimano samua saarah tanpo ado bantuak lain nan balawanan arah. [1]
Bada mudiak ko manggambarkan baa kehidupan nan kompak jo sasuai, saiyo-sakato, sarasi, rukun, ciek arah dan tujuan pado masyarakat. Dalam iduik sahari-hari diharapkan dari motif "bada mudiak" ko dapek mambarikan kesadaran untuak masyarakat agar iduik rukun dan indak saling batantangan. Jiko kehidupan nan bertolak belakang jo falsafah bada mudiak, mako tidak akan mandatangan ketentraman pado diri surang-surang. [2]
Bangunan tradisional Minangkabau nan punyo ukiran motif bada mudiak adolah rumah gadang Sicamin nan ado di Kabupaten Agam.[3] Makna motif iko hampiang sarupo jo motif itiak pulang patang.
Patatah suntiang
Bak bada sarondong mudiak
Bak punai tabang bakawan
Rujuakan suntiang
- ↑ "Bercadik : Jurnal Pengkajian dan Penciptaan Seni". journal.isi-padangpanjang.ac.id. Diarsipkan dari versi asli tanggal 2019-10-06. Diakses tanggal 2019-10-06.
- ↑ "Ragam Hias Minangkabau". epnri.indonesiaheritage.org. Diarsipkan dari versi asli tanggal 2020-11-17. Diakses tanggal 2019-10-06.
- ↑ Joansa, Yurino (2015). Nama, Penempatan dan Makna Ukiran Tradisional Minangkabau Rumah Gadang Sicamin Kabupaten Agam. Padang: Universitas Negeri Padang.