Ayub Rais
Ayub Rais | |
|---|---|
| Lahia | 1895 |
| Maningga | 1948 (umur 53) |
| Kabangsaan |  Indonesia |
| Karojo | Pengusaha |
| Dikana dek | - Orang yang berperan penting dalam kehidupan Mohammad Hatta - Pengusaha besar pada masanya |
| Anak | Nelly Rais, John Rais, Iskandar Rais, Juniar Rais, M. Amir Rais, M. Zaenudin Rais, Marzuki Rais, St. Zahara Rais |
| Urang tuo | Rais |
Ayub Rais (lahia di Bukittinggi, Hindia Belanda, taun 1895 - maningga di Bogor, Jawa Barat, taun 1948 pado umua 53 taun) adolah surang padagang atau pengusaha Minangkabau gadang pado maso kolonial atau paruh partamo abaik 20.[1][2] Inyo adolah punyo parusahaan ekspor-impor Malaya Import Maatschappij, jo basamo-samo jo Djohan Soetan Soelaiman, sarato jo Djohor Soetan Perpatih basamo-samo dalam Firma Djohan Djohor di Batavia (kini Jakarta), Hindia Belanda.[1][2] Ayub Rais dikenal sabagai salah surang urang nan ma'inisiasi dalam iduik Mohammad Hatta, tokoh proklamator kamardekaan jo wakil presiden RI partamo.[1][2]
Riwayaik suntiang
Kahidupan awal suntiang
Ayub Rais dilayiekan pado taun 1895 di Bukittinggi, Sumatera Barat. Ayahnyo, Rais, nan parnah tangkok dek pamarentah Hindia Belanda dek karano terlibat dalam Parang Kamang (1908), adolah surang padagang hasil hutan di Payakumbuh, dan adolah sahabat Ilyas Bagindo Marah, kakek dari Bung Hatta. Dek karano hubungan nan sarupo itu, Bung Hatta manyabuik Mak Etika Ayub Rais (Adek ketek Ayub Rais) ka Ayub Rais.[1][3]
Di Batawi, Ayub partamo bana bakarajo sabagai juru tulih saurang padagang babanso Jerman. Dek rajin, inyo diangkek anak samo majikannyo ko, indak hanyo itu tapi inyo diajakan pulo caro badagang.[3] Nan mano dikamudian harinyo Ayub tumbuah manjadi saurang padagang gadang tapi iduiknyo saderhana.
Kutiko Hatta mudo sadang di Batavia sajak pertengahan 1919, Ayub Rais lah nan mangatawui barado biaya iduiknyo, jo juo mangaluwakan Hatta pado buku jo manukarkan tigo buku tantang sosial jo ekonomi, nan marupoan buku patamo nan manjadi dasar pustaka pribadi Hatta. Ayub Rais juo manyuruah Hatta untuak badagang.[4]
Salain itu, Ayub juo mandukuang pandidiakan Bung Hatta. Indak tangguang-tangguang inyo manyisian tabuangannyo untuak mambayia piti sakolahnyo Bung Hatta ka Rotterdam Balando.[5]
Pajalanan karir suntiang
Pado taun 1921, sabalun Hatta payi ka Rotterdam, Balando, untuak mangaji, Ayub Rais mangalami bangkrut dek banyak utang nan indak dibayiakan dek mitra dagangnyo. Akibatnyo inyo indak mampu mambayie utangnyo sainggo harus mangekam salamo anam bulan di pinjaro pamarentah Hindia Belanda.[1]
Sasudah kaluwa dari pinjaro, Ayub mambuek baliak usainyo, dan salapehnyo manubuak parusahaan ekspor-impor Malaya Import Maatschappij. Pado Juli 1932, pado wakatu Hatta pulang dari Belanda sasudah salapan taun kuliah jo manjadi aktivis gerakan kamardekaan, Ayub Rais di bawah mato-mato Balando basuko hati mangambiak Hatta di palabuhan. Inyo salapeh ditabikan jabatan sekretaris direksi di Malaya Import Maatschappij pado Hatta.[1]
Pado bulan Februari 1933, dalam kagiatan dagangannyo, Ayub Rais payi ka Japang jo Hatta. Hatta mandapek sambutan gadang dari media di sinan, bahkan Hatta juo mandapek banyak undangan dari para panghulu Japang, sarupo wali kota Tokyo, menteri pertahanan Japang jo dari parlemen. Tapi, indak lamo sasudah pulangnyo dari Japang pado Mei 1933, Ayub Rais ditawan jo ditahan di pinjaro Cilacap dek pamarentah Hindia Belanda dek karano dianggap bapihak kapado Japang. Inyo baru dilapehkan sasudah Japang masuak ka Hindia Belanda nan mangalahan pihak Belanda.[6]
Maningga dunia suntiang
Dek karano panyakit hati nan alah ditamui inyo sajak dari wakatu tahanan dek Belanda indak dapek disembuhkan, Ayub Rais akhirnya maningga di Bogor, Jawa Barat, pado akhir taun 1948 pado umur 53 tahun.[1]
Pautan lua suntiang
- Zulfikri Suleman. "Demokrasi untuk Indonesia: pemikiran politik Bung Hatta". Penerbit Buku Kompas. Diakses tanggal 1 Januari 2014.
- Hatta, Mohammad (26-12-2023). "Karena Kasih Sepanjang Jalan".
Rujuakan suntiang
- ↑ a b c d e f g "Hatta; Jejak yang Melampaui Zaman" Seri Buku TEMPO: Bapak Bangsa Hatta, Kepustakaan Populer Gramedia. Diakses 26-12-2023.
- ↑ a b c "Minang Saisuak #190 - Trio Minang penakluk Pasar Senen (1930-an)" Surya Suryadi - Singgalang, 14 September 2014. Diakses 26-12-2023.
- ↑ a b wijanarko (2021-08-13). "Karena Kasih Sepanjang Jalan". ekonomi.bunghatta.ac.id (dalam bahasa Indonesia). Diakses tanggal 26-12-2023.
- ↑ Fakhriansyah, Muhammad. "Jarang Orang Tahu Sosok di Balik Sukses Bung Hatta, Siapa?". CNBC Indonesia (dalam bahasa Indonesia). Diakses tanggal 26-12-2023.
- ↑ Jr, Damyan (2023-08-12). "Ini Sosok Pedagang Penyokong Dibalik Kesuksesan Mohammad Hatta - Suluh Desa". Ini Sosok Pedagang Penyokong Dibalik Kesuksesan Mohammad Hatta - Suluh Desa (dalam bahasa Indonesia). Diakses tanggal 26-12-2023.
- ↑ "Bung Hatta di Jepang". Historia - Majalah Sejarah Populer Pertama di Indonesia (dalam bahasa Indonesia). 2021-07-03. Diakses tanggal 26-12-2023.