Ayan

Ayan atau panyakik ayan adolah gangguan sistem saraf pusat akibaik pola aktifitas listrik utak nan indak normal, karano itu bisa timbua kajang-kajang, taraso parilaku jo sensasi nan indak biaso sampai hilang kasadaran.

Panyakik Ayan
Namo lain	Panyakik kajang-kajang
Spesialisasi	Neurologi
Gejala	Pariode manggareteknyo nan kuat
Durasi	Jangko panjang
Panyabab	Indak dikatahui, cidero utak, struk, tumor utak, infeksi utak, cacat lahia
Diagnosis	Elektroensefalogram, mangasampingkan kamungkinan panyabab lainnyo
Parawatan	Ubek, operasi, parubahan pola makan
Prognosis	Takandali 70%
Frekuensi	39 juta/ 0.5% (2015)
Kamatian	125,000 (2015)

Gangguan pola aktifitas listrik pado tak saraf bisa dikaranokan kalainan pado jaringan, indak saimbangnyo zat kimia dalam utak, atau dari faktor lainyo.

Panyabab

Panyakik ayan ko adolah kalainan heterogen nan tando - tandonyo bisa di cagah jo dikandalian sampai bateh wakatu tatantu. Panyakik ayan ko bisa manyarang ka padusi atau laki-laki. Badasarkan panyababnyo, panyakik ayan bisa digolongkan manjadi duo, epilepsi idiopatik jo epilepsi simptomatik. Epilepsi idiopatik ko adolah epilepsi nan panyababnyo indak dikatahui. Sadangkan epilepsi simptomatik adolah epilepsi nan tajadi dek panyakik lain nan manyababkan karusakan pado utak.

Panyabab nan mandasari bana panyakik ayan ko bisa diidentifikasi sabagai masalah genetik, struktural atau metabolisme. Tapi panyabab nan paliang banyak, panyakik ayan ko indak dikatahui panyababnyo.

Genetik

Genetik dikatahui salah ciek dari banyak faktor nan mangakibaikkan panyakik ayan, sacaro langsuang maupun indak langsuang. Babarapo panyakik ayan disababkan dek karusakan gen tungga (1-2%), nan banyak adolah akibaik interaksi babarapo faktor gen atau lingkuangan.

Pado kasus anak nan lahia kamba identik, jikok ado salah surang nan madarito panyakik ayan, kamungkinan gadang (50-60%) nan surang lai mandarito panyakik ayan pulo. Tapi jikok kambanyo indak identik, mako faktor resikonyo hanyo 15%. Resiko nyo ko labiah gadang kamungkinan untuak nan kajang umum daripado kajang fokal. Jikok kaduo urang kamba tu mandarito panyakik ayan, mako kamungkinan nyo adolah mandarito jinih panyakik ayan nan samo.

Sekunder

Panyakik ayan bisa lo tajadi dek akibaik kondisi dari panyakik lain, misalnyo tumor, stroke, cidero di kapalo, infeksi sistem saraf pusat, abnormalitas genetik, atau akibaik karusakan utak katiko malahiakan. Antaro 6% sampai 20% kasus ayan diyakini dek cidero di kapalo. Cidero utak ringan maningkekan rasiko ayan kiro-kiro 2 kali lipek,sadangkan untuak cidero utak barek bisa maningkekan rasiko tujuah kali lipek.

Sindrom

Pandarito nan manggigik lidah katiko sadang mangalami kajang-kajang

Ado babarapo sindrom panyakik ayan nan biasonyo dikalompokkan manuruik umua katiko awalnyo bangkik, yaitu : periode neonatus, anak-anak, urang gadang, jo sarangan nan indak ado hubungannyo jo umua. Pangklasifikasian sabab panyakik ayan ka dalam suatu sindrom tatantu banyak tajadi pado anak-anak daripado urang gadang. Tipe-tipe itu adolah epilepsi Roland benigna (2,8 per 100.000), epilepsi absans anak-anak (0,8 per 100.000) jo epilepsi mioklonik juvenil (0,7 per 100.000).

Faktor resiko

Ado babarapo faktor nan bapotensi maningkeknyo rasiko kanai panyakik ayan. Diantaronyo adolah:

• Ado riwayaik kajang katiko ketek. Kajang ko bisa disababkan dek damam tinggi katiko ketek.
• Umua.
• Genetik. Riwayaik kasihatan dari sanak kaluarga bisa mamicu timbuanyo panyakik ayan.
• Demensia.
• Infeksi di utak.
• Parnah kanai cidera di kapalo.
• Stroke atau panyakik vaskular (panyakik pambuluah darah).

Pangubatan

Antikonvulsan

Panangan nan paliang ancak untuak panyakik ayan adolah maagiah ubek antikonvulsan. Ubek ko kamungkinan gadang di agiah saumua iduik. Ubek antikonvulsan ko diagiah tagantuang kapado jinih kajangnyo, sindrom ayan, pangubatan lain nan sadang dijalankan, masalah kasihatan masing-masing pandaritonyo, umua, sarato gaya kasaharian.Awal-awal pangubatan nan disarankan adolah pangubatan tungga, tapi jikok indak ancak baru disarankan pangubatan lainnyo.

Jinih antikonvulsan nan labiha murah adolah fenobarbital nan haragonyo kiro-kiro Rp60.000 dalam satahun. Organisasi Kasihatan Dunia (WHO) manjadikan saran partamo di nagara bakambang sarato nan banyak di pakai di situ.

Efek sampiang dari ubek ko pado pandarito, tagantuang kapado caro jo sumber data nan dikumpuakan sarato dosis pamakaiannyo. Babarapo efek sampiang nan timbua karano pamakaian ubek ko adolah mangantuak, oyong-oyong katiko bajalan, suasana hati nan indak lamak sarato bisa barubah.

Rujuakan

Daptar Pustaka

• "Epilepsi". Alodokter. 2014-08-20. Diakses tanggal 2020-12-21. 

• Halodoc (2019). "Penyakit Epilepsi - Gejala, Penyebab, dan Cara Mengobatinya". halodoc.com. Diakses tanggal 22 Desember 2020. 

• "Epilepsy". www.who.int (dalam bahasa Inggris). Diakses tanggal 2020-12-25. 

• Berg, AT (April 2010). "Revised terminology and concepts for organization of seizures and epilepsies: report of the ILAE Commission on Classification and Terminology, 2005–2009". Epilepsia. 51 (4): 676–85. doi:10.1111/j.1528-1167.2010.02522.x. PMID 20196795. 

• National Institute for Health and Clinical Excellence (January 2012). "Chapter 9: Classification of seizures and epilepsy syndromes". The Epilepsies: The diagnosis and management of the epilepsies in adults and children in primary and secondary care. National Clinical Guideline Centre. pp. 119–129. http://www.nice.org.uk/nicemedia/live/13635/57784/57784.pdf. 

• Bhalla, D.; Godet, B.; Druet-Cabanac, M.; Preux, PM. (Jun 2011). "Etiologies of epilepsy: a comprehensive review". Expert Rev Neurother. 11 (6): 861–76. doi:10.1586/ern.11.51. PMID 21651333. 

• Pandolfo, M. (Nov 2011). "Genetics of epilepsy". Semin Neurol. 31 (5): 506–18. doi:10.1055/s-0031-1299789. PMID 22266888. 

• Neligan, A (2012). "The epidemiology of the epilepsies". Handbook of clinical neurology. 107: 113–33. doi:10.1016/B978-0-444-52898-8.00006-9. PMID 22938966. 

• National Institute for Health and Clinical Excellence (January 2012). "Chapter 3: Key priorities for implementation". The Epilepsies: The diagnosis and management of the epilepsies in adults and children in primary and secondary care. National Clinical Guideline Centre. pp. 55–56. http://www.nice.org.uk/nicemedia/live/13635/57784/57784.pdf. 

• Elaine Wyllie (2012). Wyllie's Treatment of Epilepsy: Principles and Practice. Lippincott Williams & Wilkins. p. 187. ISBN 978-1-4511-5348-4. http://books.google.ca/books?id=j9t6Qg0kkuUC&pg=RA1-PA187. 

• Ilangaratne, NB (2012 Dec 1). "Phenobarbital: missing in action". Bulletin of the World Health Organization. 90 (12): 871–871A. doi:10.2471/BLT.12.113183. PMID 23284189. 

• Moshé, edited by Simon Shorvon, Emilio Perucca, Jerome Engel Jr. ; foreword by Solomon (2009). The treatment of epilepsy (edisi ke-3rd ed.). Chichester, UK: Wiley-Blackwell. p. 587. ISBN 9781444316674. http://books.google.ca/books?id=rFFzFzZJtasC&pg=PA587. 

• {cite journal|last=Perucca|first=P|coauthors=Gilliam, FG|title=Adverse effects of antiepileptic drugs.|journal=Lancet neurology|date=September 2012|volume=11|issue=9|pages=792–802|pmid=22832500|doi=10.1016/S1474-4422(12)70153-9|ref=CITEREFPerucca,P2012}