Wikipedia

Athari Gauthi Ardi

Athari Gauthi Ardi adolah saurang pangusaho jo politikuih Partai Amanat Nasional (PAN). Inyo salah ciek dari ampek padusi nan masuak ka Senayan DPR RI tahun 2019-2024 dari Sumatera Baraik, nan tigo lainnyi iolah Nevi Zuairina, Lisda Hendrajoni jo Rezka Oktoberia.[1] Athari Gauthi Ardi lahia di Padang, 15 April 1992 dan marupokan anak paliang tuo pasangan Epyardi Asa jo Emiko.[2] Apaknyo Epyardi Asra sajak tahun 2021-2024 manjabai jadi Bupati Solok.[3]

Athari Gauthi Ardi

Maso Sikolah suntiang

Maso kaciak Athari hinggo baranjak ramajo dihabihan di Jakarta. Athari tamaik di SD Muhammadiyah 24 Jakarta tahun 2003, lalu lanjuik ka SMP Al-Azhar 12 Rawamangun tahun 2006 taruih masuak ka SMA 70 Jakarta tahun 2009. Salapeh itu inyo masuak parguruan tinggi. Inyo parnah masuak kuliah di jurusan Manajemen, Universitas Binus (2011-2012)[4], jurusah Hukum di Universitas Pelita Harapan (2020)[5], jo jurusan Hukum lo baliak di Universitas Bung Karno (2021)[6] namun ndak tamaik. Inyo baru salasai manamaikan kuliah di jurusan Hukum tahun 2022 di Universitas Swasta Indonesia.[7]

Dunio Usaho suntiang

Athari mamulai karia di dunio usaho sajak masih mudo. Awalnyo sabagai Finance and Administration[8] lalu jadi manager di PT Kaluku Maritama Utama tahun 2013-2017[9] dan sampaik pulo jadi Direktur PT Kaluku Transport Utama sajak tahun 2015-2017[10]. Inyo parnah juo talibek di PPILIDI Muda[11] sabagai Wakil Katua Umum sajak tahun 2018.[8]

Tajun ka Politik suntiang

Athari partamo kali mancubo mancaleg ka DPR RI jo PPP mawakili Sumatera Baraik di Pemilu 2014 namun gagal luluih ka Sanayan.[12] Manjalang Pamilu 2019, inyo bae pindah ka PAN nan katiko itu nyo manjabaik sabagai salah saurang Wasekjen di pantai nan balambang matohari tu[13] dan pancalegan ko didukuang panuah samo apaknyo yaitu Epyardi Asra[14] nan kudian hari manjadi Bupati Solok 2021-2014.[15]

Dalam Pamilu 2019 tu nyo masuak Dapil Sumbar 1[16] lalu barhasil maraih suaro sabanyak 82.982 suaro nan marupokan suaro tabanyak dari partainyo.[17] Di Sanayan, Athari dilatakan jo partainyo di Komisi V (limo)[18] nan mambidangi Infrastruktur, Trasnportasi, Daerah Tatingga jo Transmigrasi, Meteorologi, Klimatologi jo Geofisika.[19] Salamo kampanye Athari mangaku ndak mamakai politiak pitih namun langsuang tajun ka masyarakaiak tujuah bulan sabalun Pamilu 2019 dimulai.[20]

Athari Gauthi acok turun ka lapangan dan babarapo kali turun ka Solok jo apaknyo nan alah manjabaik sabagai Bupati untuak maninjau banyak hal.[21] Athari mampu mambaok pitih miliaran rupiah dari pusek untuak Sumbar malalui Program Mampacapek Paningkekan Tato Guni Aia jo Irigasi (P3TGAI) untuak mambangun daerah tampek nyo tapiliah. Dana maningkek 100% dari sabalunnyo nan bararti itu sakitar 40 miliar pitih masuak dibaok anak mudo tu sabagai lagislator nan tapiliah 2019 silam.[22] Athari juo mambaok dana dari pusek untuak pambangunan jalan Kapujan manuju Rimbo Data di Solok sakitar 36 miliar nan alah mulai dikarajoan di akhir tahun 2023 kapatang.[23] Kini mamasuki akhia tahun jabatannyo, inyo bafokus manjalankan mandek nan nyo dapek dari masyarakai Sumbar[24] sambari manyiapkan diri untuak mancaleg 2024 nan kadatang kamudian.[25]

Kawin suntiang

Athari Gauthi Ardi kawin jo bujang nan banamo Arradityo Sugiarto lalu dari hasil pakawinan tu nyo dapek duo urang anak[1] dan dihadiri banyak tokoh.[26]

Rujuakan suntiang

  1. ↑ a b Chaniago, Hasril (ed). 2023. Ensiklopedia Tokoh 1001 Orang Minang. Padang: UMSB Press
  2. ↑ "Profil Athari Gauthi Ardi Wakil Sekretaris Jenderal DPP PAN 2020-2025, Anggota DPR RI Dapil Sumbar I". Tribunnews.com (dalam bahasa Indonesia). 2024-01-17. Diakses tanggal 2024-01-18. 
  3. ↑ Andries (2021-03-19). "Zulkifli Hasan jadi Saksi Pernikahan Anak Epyardi Asda". hantaran (dalam bahasa Indonesia). Diakses tanggal 2024-01-18. 
  4. ↑ "PDDikti - Pangkalan Data Pendidikan Tinggi". pddikti.kemdikbud.go.id. Diakses tanggal 2024-01-18. 
  5. ↑ "PDDikti - Pangkalan Data Pendidikan Tinggi". pddikti.kemdikbud.go.id. Diakses tanggal 2024-01-18. 
  6. ↑ "PDDikti - Pangkalan Data Pendidikan Tinggi". pddikti.kemdikbud.go.id. Diakses tanggal 2024-01-18. 
  7. ↑ "PDDikti - Pangkalan Data Pendidikan Tinggi". pddikti.kemdikbud.go.id. Diakses tanggal 2024-01-18. 
  8. ↑ a b https://www.dpr.go.id/anggota/detail/id/1780 Archived 2020-07-06 di Wayback Machine. (Diakses 18 Januari 2024)
  9. ↑ DKincai, Rhian. "Epyardi Asda Bantah PT. Kaluku Maritima Utama "Anak Emas" PT. Pelindo". Portal Berita Editor (dalam bahasa Indonesia). Diakses tanggal 2024-01-18. 
  10. ↑ "pemilu". Litsus Caleg DPR 2014 (dalam bahasa Indonesia). Diakses tanggal 2024-01-18. 
  11. ↑ http://scholar.unand.ac.id/54559/2/BAB%20I.pdf (Diakses 18 Januari 2024)
  12. ↑ "Athari Gauthi Ardi - Caleg DPR RI Dapil Sumatera Barat I (Sumbar 1), No. 8 | PPP | Wall - Civitasbook.com". civitasbook.com. Diakses tanggal 2024-01-18. 
  13. ↑ https://pan.or.id/2019/10/07/asiapp-ini-dia-kader-milenial-pan-di-parlemen/ (Diakses 18 Januari 2024)
  14. ↑ admin (2019-01-24). "Epyardi Asda : Athari Gauthi Siap Lanjutkan Perjuangan Saya di DPR RI". Sumbar Post (dalam bahasa Indonesia). Diakses tanggal 2024-01-18. 
  15. ↑ "BUPATI SOLOK". solokkab.go.id. Diakses tanggal 2024-01-18. 
  16. ↑ "Athari Ghauthi Ardi , Anggota DPR-RI 2019-2024, PAN". JariUngu.com (dalam bahasa Indonesia). Diakses tanggal 2024-01-18. 
  17. ↑ admin (2019-05-05). "PEMILU 2019, Athari Salip Perolehan Suara Asli". Tribun Sumbar (dalam bahasa Indonesia). Diakses tanggal 2024-01-18. 
  18. ↑ phpmu.com. "Bupati Solok bersama Anggota Komisi V, Athari Gauthi Ardi Temu Ramah dengan Masyarakat Nagari Selayo". solokkab.go.id (dalam bahasa Inggris). Diakses tanggal 2024-01-18. 
  19. ↑ https://www.dpr.go.id/akd/index/id/Tentang-Komisi-V Archived 2023-01-27 di Wayback Machine. (Diakses 18 Januari 2024)
  20. ↑ Media, Kompas Cyber (2019-08-29). "Cerita Athari Gauthi, dari Sumbar Lolos ke Senayan Tanpa Politik Uang". KOMPAS.com (dalam bahasa Indonesia). Diakses tanggal 2024-01-18. 
  21. ↑ phpmu.com. "Anggota DPR-RI Athari Gauthi Ardi bersama Bupati Solok Epyardi Asda Kunjungi Nagari Sungai Nanam". solokkab.go.id (dalam bahasa Inggris). Diakses tanggal 2024-01-18. 
  22. ↑ Agency, ANTARA News (2022-10-14). "Athari bawa puluhan miliar dana pusat ke Sumbar melalui program P3TGAI". Antara News Sumbar. Diakses tanggal 2024-01-18. 
  23. ↑ NKRIPOST (2023-08-12). "Bukti Nyata Perjuangan Athari Gauthi Ardi, Jalan Kapujan-Rimbo Data Solok Senilai 36 Milyar Mulai Dikerjakan". NKRIPOST (dalam bahasa Indonesia). Diakses tanggal 2024-01-18. 
  24. ↑ "Diakhir Masa Jabatan, Athari Gauthi Ardhi Fokus Jalankan Amanah Masyarakat Sumbar" (dalam bahasa Indonesia). Diakses tanggal 2024-01-18. 
  25. ↑ Multimedia, Arosukapost (2023-08-08). "Edisar Dt Manti Basa: Bersatu Demi Kemenangan PAN dan Athari Gauthi Ardi di Pemilu 2024". Arosukapost.com (dalam bahasa Indonesia). Diakses tanggal 2024-01-18. 
  26. ↑ ""Baminantu", Cinangkiak Baralek Gadang, Wakil Ketua MPR RI Saksi Kedua Mempelai". SUARA INDEPENDENT (dalam bahasa Indonesia). 2021-03-19. Diakses tanggal 2024-01-18. 
Diambiak dari "https://min.wikipedia.org/w/index.php?title=Athari_Gauthi_Ardi&oldid=3149555"