Asam kandis

Asam kandis (Garcinia xanthochymus) tamasuak golongan pohon nan daunnyo salalu hijau (evergreen) dalam arti indak manggugurkan daunnyo di musim gugur. Pohon nan tingginyo bakisar antaro 15m - 30m dan barasa dari India iko masih sakarabat dangan manggih saroto asam gelugur.

Asam kandis
Garcinia xanthochymus
Data
Sumber dari	asam kandis (id)
Status konservasi
Risiko randah
UICN	169575117
Taksonomi
Divisi	Tracheophytes
Subdivisi	Spermatophytes
Klad	Angiosperms
Klad	mesangiosperms
Klad	eudicots
Klad	core eudicots
Klad	Superrosids
Klad	rosids
Klad	Eurosids
Klad	fabids
Ordo	Malpighiales
Famili	Clusiaceae
Genus	Garcinia
Spesies	Garcinia xanthochymus T.Anderson, 1874
Tata namo
Ex taxon author (en)	Hook.f.

Bantuak kasaluruhannyo babantuak ajak piramid, dangan batang utamo tagak dan cabang-cabangnyo tumbuh mandatar. Ajak pohon manggih, kulik batang pohon asam kandis bawarna hitam ka-abuan, bagotah kuniang atau kuniang kacoklatan. Daunnyo lanset mamanjang, sompik, hijau tuo, panjangnyo 12–24 cm. Buahnyo agak mambulek, marunciang, dangan diameter mancapai 9 cm, bawarna jingga pucat atau kuniang pokek. Tapi varietas/jinih nan tumbuah di pulau Sumatra tarutamo Sumatra Salatan manghasilkan buah babantuak bulek dangan ujuang buah cakuang ka dalam, warna buah matang kuniang kacoklatan, saketek bagotah bawarna kuniang hinggo kuniang kacoklatan. Buah nan masih muda bawarno hijau muda. Buah tadiri dari kulik buah dan 4 hingga 5 biji nan masiang-masiang di salimuti dagiang buah.

Tumbuhan iko manyukai naungan dan suasana lombap. Pambungaan biasonyo satalah maso kariang nan cukuik panjang (minimal tigo bulan) dan dapek babunga duo kali satahun.

Pangolahan buah manjadi asam kandis, manuruik pangalaman urang adolah dangan caro barikuik: buah nan olah matang diiris tipih-tipih, lalu dijamua di matohari pokek salamo babarapo hari sampai kariang. Buah asam kandih tahan disimpan bataun-taun. Buah asam kandis nan baik iyolah nan bawarna merah kacoklatan. Buah asam kandis nan sudah bawarna hitam manunjuakan proses pangaringan nan tak samporono: masih lombap tapi olah disimpan.

Asam kandis dimanfaatkan buahnyo. Raso buahnyo masam sadangkan raso kulik buah kelat. Buah asam kandis nan olah dikariangkan umumnyo dijadikan bumbu dapua, selai, campuran kari. Buah segarnyo dapek dibuek acar. Asam kandis banyak dipakai pado masakan dari Sumatera, saparti randang, pindang ikan, dan pindang dagiang. Varietas/jinih asam kandis nan lain iyolah kokam, bumbu nan dihasilkan dari tumbuhan sakarabat (G. indica). Pamanfaatan lainnyo adolah sabagai sumber bahan pawarno.