Antimun
| Mentimun | |
|---|---|
| |
| Mentimun | |
| Klasifikasi ilmiah | |
| Kingdom: | Plantae |
| Division: | Magnoliophyta |
| Class: | Magnoliopsida |
| Order: | Cucurbitales |
| Family: | Cucurbitaceae |
| Genus: | Cucumis |
| Species: | C. sativus |
| Namo binomial | |
| Cucumis sativus L. | |
Antimun, timun, atau ketimun (Cucumis sativus L.; suku labu-labuan atau Cucurbitaceae) marupoan tumbuhan yang manghasilan buah yang dapek dimakan. Buahnyo biasonyo dipanen katiko alin masak bana untuak dijadian sayua atau panyegar, tagantuang jinihnyo. Antimun dapek basuo di sajumlah hidangan dari saluruah dunia jo punyo kanduangan aia yang cukuik banyak di dalamnyo sahinggo bafungsi sabagai panyajuak. Potongan buah antimun bafungsi pulo untuak malembaban muko sarato banyak dipacayo dapek manurunan tekanan darah tinggi.
Habitus antimun barupo herba lamah malato atau satangah marambek jo marupoan tanaman samusim: sasudah babungo sarato babuah, tanaman mati. Pabungoannya barumah satu (monoecious) batipe bungo jantan jo bungo hermafrodit (bakalamin ganda). Bungo patamo yang dihasilan, biasonyo pado usia 4-5 minggu, adolah bungo jantan. Bungo-bungo salanjuiknyo adolah bungo hermafrodit kok patumbuahannyo elok. Ciek tumbuhan dapek manghasilan 20 buah, namun dalam budidayo biasonyo jumlah buah dibatasi untuak manghasilan ukuran buah yang rancak.
Buah bawarna ijau katiko mudo jo larik-larik putiah kakuningan. Samakin buah masak warna lua buah barubah manjadi ijau pucek sampai putiah. Bantuakk buah mamanjang sarupo torpedo. Dagiang buahnyo marupoan pakambangan dari bagian mesokarp, bawarna kuniang pucek sampai jingga tarang. Buah dipanen katiko masih satangah masak jo incek alun masak fisiologi. Buah yang masak biasonyo mangariang sarato incek dipanen, warnanyo hitam.
Manfaaik antimun suntiang
Antimun punyo sifaik diuretik, efek pandingin, jo pambarasiah yang bamanfaaik dek kulik. Kandungan aia yang tinggi; vitamin A, B, jo C; sarato mineral, sarupo magnesium, kalium, mangan, jo silika; mambuekt antimun manjadi bagian pantiang dalam parawatan kulik. Masker wajah yang manganduang sari antimun digunoan untuak mangancangan kulik. Asam askorbat jo asam caffeic yang ado dalam antimun dapek manurunan tingkek retensi aia, yang pado gilirannyo mangurangi pambangkakan di sakitar mato.
Hama jo Penyakit suntiang
Hama yang manyarang tanaman antimun antaro lain: kutudaun Aphis gossypii (Hemiptera: Aphididae), trips Thrips parvispinus (Tysanoptera: Tripidae), kutu kebul Trialeurodes vaporariorum (Hemiptera: Aleyrodidae), langau pangorok daun Liriomyza huidobrensis (Diptera: Agromyzidae), kumbang daun Aulacophora similis (Coleoptera: Chrysomelidae), jo ulat daun Diaphania indica (Lepidoptera: Pyralidae). Salain itu dijumpoi puloajalo buah bengkok, yang disababan dek sarangan kepik Leptoglossus australis (Hemiptera: Coreidae).[1] Penyakik-penyakik pantiang yang tadapek pado lahan patanaman antimun adolah layu yang disababan nematoda puru urek Meloidogyne arenaria, ambun bulu yang disababan Pseudoperonospora cubensis, bercak daun yang disababan Alternaria sp. jo Colletotrichum sp. sarato panyakik mosaik antimun yang disababan Cucumber Mosaic Virus (CMV). Saranggo hama yang banyak manimbulan karusakan barek jo kahilangan hasil panen adolah langau pangorok daun L. huidobrensis jo kutudaun A. gossypii. Kahilangan hasil panen tajadi pulo dek muncuanyo gajalo buah bengkok, yang sabagian disebabkan oleh serangan kepik L. australis.[1] Virus-virus pado tanaman Cucurbitaceae dapek manyebaban kagagalan panen jo karugian ekonomi yang tinggi. Salah satu virus yang tadapek pado Cucurbitaceae jo tabaok jo benih adolah Squash mosaic virus. SqMV babahayo dek dapemanyebaban karugian yang sangaik tinggi jo manjadi paambek dek negara pananam Cucurbitaceae sarupo Indonesia.[2]
Rujuakan suntiang
- ↑ a b "archive copy". Diarsipkan dari versi asli tanggal 2021-10-22. Diakses tanggal 2019-10-06.
- ↑ "archive copy". Diarsipkan dari versi asli tanggal 2021-09-04. Diakses tanggal 2019-10-06.
Pranala lua suntiang
| Wikimedia Commons mampunyoi media nan bahubuangan jo Antimun |
- (Inggirih) Seni Bercocok Tanam antimun dan Melon karya Thomas Watkins
- Survei Hama dan Penyakit pada Pertanaman antimun (Cucumis sativus L.) di Desa Ciherang, Kecamatan Pacet, Kabupaten Cianjur, Jawa Barat Archived 2021-10-22 di Wayback Machine.
- Keberadaan Beberapa Virus dan Efisiensi Tular Benih Squash mosaic virus pada Cucurbitaceae Archived 2021-09-04 di Wayback Machine.