Ampang

Ampang marupokan konstruksi nan dibuek untuak manahan laju aia manjadi waduk, danau, atau tampek rekreasi. Ampang acok digunoan untuak mangaliaan aia ka Pembangkit Listrik Tanago Aia. Biasonyo Ampang punyo bagian nan dibauik pintu aia untuak mambuang aia nan indak paralu sacaro batahap.

Kementerian Pekerjaan Umum Indonesia manjalehan ampang sabagai bangunan sarupo tanah, batu, beton, atau pasangan batu nan dibangun salain untuak manahan dan manampuang aia. Bisa juo digunokan untuak manampuang limbah, tambang, ataupun luluak.

Jenis Ampang

Ampang dikalompokan manuruik struktur atau katinggian. Ampang dikealompokan manuruik struktur, tujuan, atau katinggian. Berdasarkan struktur jo bahan nan digunokan, ampang dikalompokan sabagai ampang kayu, "embankment dam" atau "masonry dam" dengan berbagai subtiprnyo. Tujuan dibueknyo tamasuak manyadiokan aia untuak irigasi atau panyadio aia di pakotaan, meningkekan navigasi, manghasilkan tanago hidroelektrik, manciptakan tampek rekreasi atau habitat untuk ikan jo hewan lainnyo, pencegahan banjir dan manahan pammuangan dari tamek industri sarupo pertambangan atau pabrik.

Sadangkan, manuruik katinggian, ampang gadang labiah tinggi dari 15 meter dan ampang utamo labiah dari 150 meter. samantaro itu, ampang randah kurang dari 30 meter, ampang sadang antaro 30-100 m, dan ampang tinggi labiah dari 100 m. Namun kadang-kadang, ado nan namonyo Ampang Sadel sabananyo adolah dike, yaitu tembok nan dibangun di sapanjang sisi danau untuak malindungi tanah di sakaliliangnyo sari banjir. Iko sarupo jo tanggua, yaitu tembok nan dibuek di sapanjang sisi sungai atau aia tajun untuak malindungi tanah sakitarannyo dari banjir.

Ampang Pengecek check dam adolah ampang ketek nan didisain untuak mangurangi sekaligus mangontrol arus erosi tanah.

Ampang kariang dry dam adolah ampang nan di disain untuak mangontorl banjir. Ampang tipe iko biasonyo kariang dan akan manahan aia nan katiko dibiakan akan mambanjiri daerah di bawahnyo.

Ampang Saparo

Ampang Saparo iversionary dam adaolah ampang nan indak manutuik sungai, hanyo sabagian dari arus nan ditampuah di danau tapisah, di mko ampang.

Ampang kayu

Ampang kayu kadang-kadang dipakai urang karano keterbatasan lokasi jo ketinggian di tampek nan dibangun. Ampang kayu dulu banyak digunokan, tapi kebanyakan alah diganti jo beton, khususnyo di negara-negara industri. Babarapo ampang masih dipakai. Kayu marupokan bahan dasar nan digunoan berang-berang, acok juo ditambah jo luluak dan bebatuan untuak mambuek ampang berang-berang.

Referensi

1. "JUMLAH BENDUNGAN BESAR DI INDONESIA CAPAI 284 BUAH". pu.go. id. Di akses tanggal 4 Oktober 2013
2. "Bendung Katulampa Bukan Bendungan". Kompas. Diakses 4 Oktober 2013