Ampadu Tanah (namo ilmiah: Andrographis Paniculata, Indonesia: Sambiloto) adolah tumbuahan terna (tumbuahan yang batangnyo lunak karano indak mambantuak kayu), yang tumbuah tagak, tinggi tanamannyo kiro-kiro 40-90 cm, bungonyo bawarna putih bagaris ungu. Rasonyo agak taraso paik. Tumbuahan ko biasonyo tumbuah sacaro lia, biasonyo tumbuah di rimbo, parak, ladang atau ditapi jalan.[1]

Ampadu Tanah

Ampadu tanah ko salah satu tanaman ubek unggulan indonesia selain tamulawak, pegagan, mangkudu, lada, lidah buayo dan kunik. Selain tu ampadu tanah ko tumbuah lia, jo punyo khasiak nan banyak karano punyo zat kanduangan yang langkok sahinggo dapek bamanfaaik sabagai ubek.[2]

Manfaaik suntiang

Ampadu tanah sebagai ubek tradisional manganduang banyak khasiaik sebagai pengobatan barbagai macam panyakik. Barikuik babarapo manfaaik dari ampadu tanah:

  1. Pancegah panyakik jantuang: Ampadu tanah nan manganduang Andrographis paniculata ko mampu maningkekan kesehatan jantuang, dapek mancagah panggumpalan darah pado jantuang dan bisa mamacah gumpalan darah tu
  2. mambantu mancagah diabetes: Kanduangan Andrographis paniculata bisa manurunan kadar glukosa, trigliserida jo kolesterol LDL.
  3. maureh infeksi: Ampadu tanah mampunyoi sisat anti bakteri, antivirus, jo antiparasit nan bisa mambantu manyambuahkan infeksi pado badan.
  4. mangubekan sistem pancernaan: Daunnan digunoan untuak manyambuahkan masalah pado sistem pancernaan, kanduangan serat pado daunnyo elok untuak mangatasi sembelit.
  5. mangobati flu: Ampadu tanah bisa mangatasi flu dan batuak, karano kanduangan nan aktif pado tanaman ko bisa maagaiah efek antiinfeksi jo maningkekan kekebalan badan sahinggo imun manjadi labiah baiak untuak malawan influenza.
  6. mancegah kanker: Efek antikanker nan takanduan tabukti bisa manghambek penggandaan dan induksi kematian sel kanker payudara, lambuang, kolorektal, hati, serviks. namun masih paralu dilakuan pangujian lanjutan manganai keamanan bahan aktif pado ampadu tanah nan bahubuangan jo sifaik toksik atau efek sampaing pado manusia.
  7. manurunan takanan darah.[3]

Kanduangan Zat suntiang

Kanduangan bahan aktif yang ado pado ampadu tanah iolah: Kalsium jo natrium, Flavonoid, Minyak Asiri, Zat Andrographolid, Alkane, Keton, Aldehid, Asam Kersik, dan Dammar, Kalium, Laktone. Flavonoid ko bafungsi untuak mancegah jo mangancuan pangumpalan darah, Minyak Asiri nan bafungsi sabagai antiradang, Zat Andrographolid ko mangasilan raso paik nan umumnyo manganduang racun, Laktone nan bafungsi sabagai antiradang dan antipiretik karano manganduang nonandrographolid jo andrographolid.

Rujuakan suntiang

  1. "Sambiloto | Situs Tanaman Obat Indonesia Terlengkap" (dalam bahasa Indonesia). Diakses tanggal 2019-11-26. [pranala nonaktif permanen]
  2. "√ Pengertian Sambiloto, Ciri, Kandungan, dan Manfaatnya | DosenPertanian.Com" (dalam bahasa Indonesia). Diakses tanggal 2019-12-13. [pranala nonaktif permanen]
  3. "√ Pengertian Sambiloto, Ciri, Kandungan, dan Manfaatnya | DosenPertanian.Com" (dalam bahasa Indonesia). Diakses tanggal 2019-12-13. [pranala nonaktif permanen]

https://dosenpertanian.com/sambiloto/ Archived 2019-12-13 di Wayback Machine.