Amfibia

Amfibia atau amfibi (Amphibia), umumnyo dimaknai sabagai hewan batulang balakang (vertebrata) nan hiduik di duo alam; yakni di aia dan di daratan.

Amfibi mampunyoi ciri-ciri:

• Amfibi marupakan satu-satunyo vertebrata yang mangalami metamorfosis langkok
• Talua biasonyo dilatakkan di dalam aia atau lingkungan lambok dan dibuahi sacaro eksternal (di lua)
• Bakulik haluih, tipih, babulu, bapori. Kulik manganduang kalenjar landia dan kalenjar racun
• Amfibi adolah hewan badarah dingin. indak sapati hewan badarah panas nan mangatua suhu tubuh sacaro internal (dalam), amfibi mangatua suhu tubuah dari lua tubuah mareka
• Jantuang tadiri dari 3 ruáng,2 atrium,1 ventrikel
• Respirasi dapek sacaro tapisah atau dalam kombinasi paru-paru,kulik, dan insang
• Mamiliki peredaran darah tatutuik
• Kaki basalapuik
• Anggota badan bakuran baragam jo anggota bagian muko labiah ketek dari anggota bagian balakang.

Contoh amfibia nan tadapek di Indonesia adolah bangso sesilia (Caecilia), sarata bangso kodok dan katak (Anura). Sesilia adolah samacam amfibia indak bakaki nan tubuahnyo sarupo cacing gadang atau baluik. Ciek lai bangso amfibia, nan indak tadapek sacaro alami di Indonesia, adolah salamander.

Adaptasi

Respirasi

Binatang amfibi sanang hidup di dakek aia tawar di musim hangat. Ado juo babarapo spesies nan tingga di rimbo-rimbo, gurun dan arktik. Amfibi dewasa manggunokan paru-paru dan mereka juo manghiruik oksigen malalui kulik mereka salamo kulik mereka basah.

Pertahanan

Amfibi bisa manutuikkan tubuh mereka jo manyuruak di antaro dadaunan atau sajenisnyo nan bawarna hijau atau coklat dan jo begitu mereka aman dari buruang dan reptil. Warna kulik mereka ikolah yang manjadi patahanan utamo mereka.

Kamampuan lainnyo adolah banyak amfibi lain nan mamiliki kulik babiso nan babahayo bagi predatornyo. Iko adolah patahanan yang penting untuak malawan predator. Kulik juo digunakan untuak paringatan jo manunjuakkan parubahan warno kulik yang dialami amfibi tasabuik. Mereka bisa manjadi bawarna tarang saroman sirah, hitam dan kuniang.

Penglihatan

Hewan amfibi mamiliki panglihatan warna dan sangek tajam. Mereka juo mamiliki katuik mato, kelenjar dan saluran yang manjago mato mereka tatok baraia. Iko adolah bantuak adaptasi untuak hiduik di daratan karano amfibi adolah vertebrata patamo nan mamiliki keistimewaan iko.

Pakambangbiakan

Babarapo amfibi malatakkan telua-teluanyo di lua aia (daun palem). Telua-telua itu pun taruih bakambang manjadi dewasa jo malewati tahapan kecebong. Amfibi lain bakambang biak jo caro nan babeda. Mereka malewati proses nan disabuik neoteny, mereka manjadi alah manjadi matang sacaro seksual katiko baru manjadi berudu dan malanjuikan hiduik mereka jo insang.

Buku Rujuakan

• Data tantang amfibia di Wikispecies
• Morgan, Sally (2004), Amphibians, Heinemann-Raintree Library, ISBN 1410910466 
• Richardson, Adele (2006), Amphibians, Capstone Press, ISBN 0736849416 
• Carroll, Robert L. (2009), The rise of amphibians: 365 million years of evolution, The Johns Hopkins University Press, ISBN 978-0-8018-9140-3 
• Stefoff, Rebecca (2007), The Amphibian class, Marshall Cavendish, ISBN 0761426922 
• Duellman, William Edward (1999), Patterns of distribution of amphibians: a global perspective, JHU Press, ISBN 0801861152 
• Wells, Kentwood (2007), The ecology and behavior of amphibians, Rosen Publishing Group, ISBN 978-0-226-89334-1