Alcázar

Alcázar (Spanish: [alˈkaθar], Galician: [alˈkaθaɾ]), alcácer (Portuguese: [ɐɫˈkasɛɾ]) tajano jie alcàsser (Catalan: [əɫˈkasər]) marupo-an ciek jinih kastil bakeh Spanyol jo Portugal nan tatagak-an dek rajo untuak tampek tinggal. Sitilah nangko baramulo bakeh jano baso Arab القصر al-qasr nan aratinyo "benteng" sadang jano baso Arab rueh sene baramulo bakeh jano Latin 'castrum', nan buarati tampek basinggah tentara sarato disabuik jie benteng. Sambuah koto-koto bakeh Spanyol punyo alcázar, Spanyol punyo juo benteng-benteng Moor nan taagiah namo alcazaba. Tak sadoalah kastil bakeh Spanyol taagiah namo alcázar,Bakeh kasambuahan e disabuik castillo. Indak tiok-tiok 'alcazar' atau 'alcazaba' bakeh Iberia tatagak-an jo banso Moor, sambuah kastil jo namo-namo saroman iten nan tatagak salapeh Moor, alah tajujuik dari Samananjuang Iberia.

Kajadian-kajadian tapantiang

Alcázar Segovia tatagak bakeh abaik kaduo baleh. Sangkek Abad Tangah bakeh wakatu Karajoan Kastilia, alcázar Segovia marupo-an tampek singgah nan amaik katuju dek kasado pangguriah Kastilah , sarato jangko satiok rajo mampasambuah-an bagian baru bakeh bangunan nangko, maubah bantuak benteng asli ka bakeh tampek singgah urang istano sarato mampalaweh-an bangunan benteng sampai abaik kaanam baleh sangkek rajo Felipe II manambuah menara karucuik jo atok batu tulih. Bakeh taun 1862, tabaka inggo baruliah mambuek sabagian gadang atok ancua, tapi alah tapaelok bakeh kurenah nan saroman co mano 300 taun sabalunnyo. Alcázar iten jie marupo-an tampek nan sangkek bakeh taun 1492 Ferdinand jo Isabella mancawan parentah untuak ma-arak Yahudi bakeh Spanyol.
Alcázar Madrid tatagak-an jo Kaisar Carlos V (tatagak baliek dek anak jantannyo, Felipe II)^[1] sarato marupo-an tampek basinggah untuak karajo-an tagadang bakeh Madrid sampai Istana Buen Retiro maambiak tampek e bakeh abaik tujuah baleh. Istana nangko lenyai dek sabek tabaka bakeh taun 1734, sarato nan kini Istana Karajaan Madrid tatagak bakeh laman nangko sarato dalam biaso e tajano Palacio Nuevo sarato bakeh sabalunnyo alun tajano alcázar.
Alcázar Toledo taguno-an untuak tampek baraja jo balatiah kusuih bakeh jaman modern. "Sarangan Alcázar" bakeh Parang Dunsanak Spanyol manunjuak ka bakeh istano nangko, nan taalek-an jo saurang palopor kabanso-an José Moscardó Ituarte manggalapua tantaro Republik. Tantaro Republik manyakok anak jantan dari Moscardó nan sangkek rueh baumua 24 taun jo namo Luis, sarato bakeh 23 Juli 1936 Moscardó taagiah tantu bahaso jikok nyo indak maagiah-an alcázar rueh bakeh wakatu sapuluah minik mangko anak jantan ka tabunuah. Sangkek Moscardó indah namuah maagiah-an Alcazar, Luis kanai hukum mati, indak lakeh tapi ciek bulan salanjuiknyo, bakeh 23 Agustus.^[2]
Alcázar Sevilla, bakeh laman istano Muwahhidun tajano sabagai al-Muwarak, tatagak bakeh kiro-kiro taun 1360-an dek saurang tukang pasinamuah Moor bakeh kurenah Mudéjar, nan alah amaik kodok tabuek baru. Istano iko bakeh mulo taguno-an jo Pedro bakeh Kastilia jo saurang selir Maria de Padilla. Panyusunan sarato taman kastil nangko marupo-an Laman Warih-warih Dunia UNESCO.
Alcázar de los Reyes Cristianos, tajano jie jo Alcázar Córdoba barado bakeh Córdoba, Spanyol adolah sabauh istano Moor salapeh Reconquista Córdoba bakeh abaik tigo baleh. Moor alah mambuek laweh istano Visigoth ka bakeh bangun-bangun nan labiah gadang jo taman sarato pustako-pustako gadang.^[3] Alcázar iten marupo-an rumah musim paneh Raja Ferdinand jo Ratu Isabella, sarato tampek pasobok-an urang iten jo Christopher Columbus sabalun palabuahan tanamo e ka Amerika.

Bakeh luar Spanyol

Bakeh Portugal, tadapek ciek koto nan banamo Alcácer do Sal (Al Qaşr), nan marupo-an saedaran wilayah administrasi Moor bakeh maso-maso Islam Al-Andalus di Samananjuang Iberia.

Istano kolonial bakeh Santo Domingo nan daulu baramulo bakeh tatagak-an ka bakeh anak Christopher Columbus, Diego bakeh taun 1509, bakeh bantuak biaso e tajano jo Alcázar de Colón sarato tatagak jo kurenah Andalusia.

Catatan

↑ Philip of Spain dek Henry Kamen
↑ Hugh Thomas, The Spanish Civil War, revised and enlarged edition (1977), New York: Harper & Row. ISBN 0-06-014278-2. p. 324
↑ Reed, Tony (2005). "Alcazar de los Reyes Cristianos - Cordoba". Infocordoba.com. Diarsipkan dari versi asli tanggal 11 May 2006. Diakses tanggal 4 April 2006.

Pautan luar

(Inggirih) Daftar dalam situs web Great Buildings - Alcázar Segovia.

[1] Philip of Spain dek Henry Kamen

[2] Hugh Thomas, The Spanish Civil War, revised and enlarged edition (1977), New York: Harper & Row. ISBN 0-06-014278-2. p. 324

[infocordoba-3] Reed, Tony (2005). "Alcazar de los Reyes Cristianos - Cordoba". Infocordoba.com. Diarsipkan dari versi asli tanggal 11 May 2006. Diakses tanggal 4 April 2006.

[1]

[2]

[3]