Aku (puisi)

Aku adolah sabuah puisi babahaso Indonesia nan ditabikan taun 1943 karya sastrawan Chairil Anwar. Puisi iko adolah karya Chairil Anwar nan paliang tanamo sarato salah satu puisi nan paliang takamuko dari Angkatan '45. Puisi iko manggambarkan alam individualistis jo vitalitasnyo sabagai saurang panyair.

Chairil Anwar, panulih puisi "Aku"

Puisi

Puisi iko alah tamasuak dalam domain umum di Indonesia (50 taun satalah kamatian Anwar (1949 - 1999).

Bahaso Indonesia Kalau sampai waktuku 'Ku mau tak seorang 'kan merayu Tidak juga kau Tak perlu sedu sedan itu Aku ini binatang jalang Dari kumpulannya terbuang Biar peluru menembus kulitku Aku tetap meradang menerjang Luka dan bisa kubawa berlari Berlari Hingga hilang pedih peri Dan aku akan lebih tidak peduli Aku mau hidup seribu tahun lagi!	Bahaso Inggirih If my time has come I don't want anyone to beg Not even you I don't need that sniveling! I'm but a wild animal Exiled even from his own group Even if bullets pierce my skin I will still enrage and attack Wounds and poison I'll take running Running Until the pain leaves And I will care even less I want to live a thousand more years

Parilisan

Anwar patamo kali mambacoan "Aku" di Pusat Kebudayaan Jakarta pado bulan Juli 1943. Puisi iko kamudian ditabikan dek majalah Pemandangan nan bajudul "Semangat", sasuai jo pamikiran tokoh dokumenter sastra Indonesia, HB Jassin. Hal iko batujuan untuak manghindari sensor jo untuak mampromosian garakan kabebasan. "Aku" kamudian manjadi puisi karya Anwar nan paliang tanamo.

Puisi iko awalnyo ditulak dek Armijn Pane karano dianggap individualistis, talalu babau pamujaan tarhadap diri surang, tapi Anwar indak sakik ati. HB Jassin kamudian manjalehan bahwasonyo panulakan tasabuik bukan karano puisi itu buruak, tapi karano situasi zaman Japang katiko itu nan manulak kato-kato nan sipeknyo agiatif, sahinggo ditakuikan puisi tu bisa mamicu pargolakan. Chairil Anwar kamudian mandatangi Nur Sutan Iskandar, pamimpin redaksi majalah Timur. Meski indak sapakek jo sikap Anwar, Nur Sutan Iskandar satuju untuak mamuek puisi itu di majalahnyo, tapi mangganti judulnyo jo "Semangat".

Panulih Muhammad Balfas mancataik bahwa salah saurang panulih kontemporer nan sazaman jo Anwar, Bung Usman, manulih "Hendak Jadi Orang Besar???" (Nio manjadi urang gadang?) dalam mananggapi puisi "Aku". Balfas manyabuik kalau Usman galigaman jo "vitalitas jo caro hiduik nan baru" nan ditunjuakkan dek Anwar dalam puisi tu.

Simbol

Larik binatang jalang dari kumpulannya terbuang dapek diaratian sabagai urang nan salalu basikap mambarontak jo barado di lua organisasi formal. Pamilihan kato "binatang jalan" mancaminan kalau "aku" adolah urang nan indak dapek mangikuti aturan atau norma sosial nan balaku. Sahinggo inyo tabuang, indak diakui kabaradoannyo.

Analisis

"Aku" karya Anwar di sabuah dindiang di Leiden, Balando.

Manuruik saurang akademisi sastra Indonesia asa Timor, A. G. Hadzarmawit Netti, puisi "Aku" manakankan sipek individualistis Anwar, sadangkan puisi "Semangat" mancaminan vitalitas. Netti manganalisis puisi tu sabagai caminan kabutuhan Anwar untuak mangandalian lingkuangannyo jo indak dibantuak dek kakuatan dari lua, malalui panakanan duo bait partamo. Manuruik Netti, jo mangandalian lingkuangannyo, Anwar bisa malinduangi kabebasan jo sipek individualistisnyo. Netti manilai barih tarakhir sabagai caminan kabanggaan Anwar di alam individualistis, jo manyimpulkan baso Anwar saharusnyo satuju jo filosofi Ayn Rand tantang objektivitas.

Saurang cadiak pandai sastra Indonesia, Arief Budiman mancatat kalau "Aku" mancaminan pandangan si Anwar, jiko urang lain indak harus paduli kapado inyo, sabagaimano inyo indak paduli kapado urang lain. Budiman manilai pulo kalau bait katigo jo kaampek mancaminan pandangan Friedrich Nietzsche, bahwasonyo pandaritoan mambuek sasaurang manjadi labiah kuek.

Musik

Pamusik Igor Tamerlan mambuek sabuah lagu bajudul Aku, manjadian puisi iko sabagai liriknyo.

Buku

Puisi "Aku" manjadi asa muasa ditulihnyo buku biografi Chairil Anwar nan ditulih dek Sjumandjaja, buku nan mancaritoan parjalanan jo maso iduik Chairil Anwar. Judul buku tu didasarkan pado puisi "Aku".

Liek pulo

• Chairil Anwar

Rujuakan

Catatan kaki

Bibliografi

• Balfas, Muhammad (1976). "Modern Indonesian Literature in Brief". di dalam L. F., Brakel. Handbuch der Orientalistik [Handbook of Orientalistics]. 1. Leiden, Netherlands: E. J. Brill. ISBN 978-90-04-04331-2. https://books.google.com/?id=NbY3AAAAIAAJ. 
• Budiman, Arief (2007) (dalam bahaso Indonesian). Chairil Anwar: Sebuah Pertemuan [Chairil Anwar: A Meeting]. Tegal: Wacana Bangsa. ISBN 978-979-23-9918-9. 
• Djamin, Nasjah; LaJoubert, Monique (1972). "Les Derniers Moments de Chairil Anwar". Achipel (dalam bahasa French). 4 (4): 49–73. doi:10.3406/arch.1972.1012. Diakses tanggal 30 September 2011.  Pemeliharaan CS1: Bahasa yang tidak diketahui (link)
• Jassin, Hans Bague (1978) (dalam bahaso Indonesian). Chairil Anwar Pelopor Angkatan 45 [Chairil Anwar, Leader of the 45 Generation]. Jakarta: Gunung Agung. OCLC 30051301. 
• Netti, A. G. Hadzarmawit (2011) (dalam bahaso Indonesian). Sajak-Sajak Chairil Anwar dalam Kontemplasi [Chairil Anwar's Poems in Contemplation]. Surabaya: B You Publishing. ISBN 978-979-17911-4-4.