Aia Tajun Kapeh Biru

Aia Tajun Kapeh Biru atau Coban Kapas Biru marupoan Sarasah nan talatak di Kabupaten Lumajang, Provinsi Jawa Timur. Objek wisata iko dibukak untuak umum sajak tahun 2015.Alun diketahui pasti total katinggian Sarasah iko namun dipakirokan sakitar 100 meter. Aia Tajun Kapeh Biru iko batingkek 2 jo tingkek bawah satinggi 90 meter jo tingkek ateh satinggi 10 meter jo diapik tabiang nan sumber aianyo bamulo dari aliran anak Sungai Besukbang/Sungai Lengkong nan bahulu di lereang Gunuang Semeru. Aia Tajun Kapeh biru marupoan salah satu dari banyaknyo Sarasah nan tabantuak ditapian lembah-lembah curam Sungai Besukbang-Glidik di perbatasan Kabupaten Malang - Kabupaten Lumajang. Pamandangan disekitar Aia Tajun dikaliliangi tabiang-tabiang nan tinggi bawarna coklat kamerahan jo sisipan lumuik-lumuik ijau .Debit aianyo cukuik dareh talabiah katiko musim panghujan sahinggo bahayo bana jiko barado tapek dibawah guyuran Sarasah iko.

Air Terjun Kapas Biru
Air Terjun Kapas Biru
Tampek	Desa Pronojiwo, Kecamatan Pronojiwo, Kabupaten Lumajang, Provinsi Jawa Timur, Indonesia
Koordinat	8°13′12.6″S 112°56′25.2″E
Jinih	Plunge
Tinggi total	100 meters (328 ft)

Tampek

Aia Tajun Kapeh Biru talatak di Dusun Mulyoharjo, Desa Pronojiwo, Kecamatan Pronojiwo, Kabupaten Lumajang, Provinsi Jawa Timur, Indonesia.

Akses tampek

Aia Tajun Kapeh Biru talatak sakitar 51.6 kilometer dari pusek Lumajang dan bila dari kota Malang bajarak sakitar 70.1 kilometer. Jiko sanak dari Malang arahkan kendaraan sanak manuju Kepanjen - Gondanglegi - Turen - Dampit - Tirtoyudo - Ampelgading - Pronojiwo hingga tiba di Polsek Pronojiwo. 100 meter setelah Polsek Pronojiwo, tadapek banner Coban Kapeh Biru. Jiko sanak dari Lumajang, ikuik an jalan nasional Lumajang - Malang yakni malewati Sumbersuko - Tempeh - Pasirian - Candipuro - Pronojiwo hinggo sampai di lapangan Pronojiwo. 300 meter satalah lapangan, tadapek banner Coban Kapeh Biru. Ikuikan patunjuk itu hinggo tibo di tampek parkir. Dari parkiran aia tajun iko bajarak sakitar 1,5 km.