Aia Tajun Bayang Sani


Aia Tajun Bayang Sani adolah aia tajun satu-satunyo wisato yang barado di Kanagarian Koto Baru, yang talatak di Kacamatan Bayang, Kabupaten Pasisia Salatan, Provinsi Sumatra Barat. Aia tajun ko sabananyo ado 7 tingkek, tapi urang hanyo bisa mangunjuangi sampai tingkek ka 3. Aia tajun tingkek partamo, kiro-kiro katinggiannyo kurang labiah 80 meter, yang tadiri aia tajunnyo cabang tigo. Aianyo mangaliah di ateh batu cade. Sudah tu aia tajun tingkek ka duonyo, katinggiannyo kiro-kiro 25 meter. Aia tajun tinkek kaduo ko masih dikunjuangi wisato. Di bawah ado lubuak, yang aianyo bawarna ijau. Untuak manuju aia tajun tingkek kaduo ko, harus manampuah bukik, kiro-kiro bajalan 500 meter.[1]


Sejarah suntiang

Dulunyo pado zaman balando, aia tajun ko tanamo di urang balando. Aia tajun ko digunokan tampek mandi urang balando. Pado mulonyo aia tajun ko banamo Tarasah Ikuah Kudo. Katiko tahun 80-an, namo aia tajun ko baganti jo namo Aia Tajun Bayang Sani.[2]

Latak Aia Tajun Bayang Sani suntiang

Latak Aia Tajun Bayang Sani ko dakek dari kota painan, kiro-kiro 20 meter. Kalau dari padang labiah kurang 60 kilometer.[3]

Jalan Manuju Bayang Sani suntiang

Untuak ka wisato ko, awak bisa mulai dari jalan Raya Padang-Painan. Tibo di sampiang Gantiang, belok kida manuju Jalan Raya Gantiang sampai Pasa Baru. Lataknyo sabalun wisato Jambatan Aka.[4]

Harago Tiket Masuaknyo suntiang

sabalun masuak ka wisato ko, awak harus mambayiah biaya masuak. biaya masuak yang harus awak bayiah Rp. 5000. per urang. untuak biaya pakir bus Rp. 10.000. dan untuak pakir onda Rp.2000.


Rujuakan suntiang

  1. SEO, Master (2019-04-27). "Air Terjun Bayang Sani, Wisata Alam Mempesona di Pesisir Selatan". Rental Mobil Padang (dalam bahasa Inggris). Diakses tanggal 2019-10-22. 
  2. Haryanto, Bayu. "Air Terjun di Sumbar Ini Dulunya Tempat Mandi Noni Belanda". detikTravel (dalam bahasa Indonesia). Diakses tanggal 2019-10-22. 
  3. SEO, Master (2019-04-27). "Air Terjun Bayang Sani, Wisata Alam Mempesona di Pesisir Selatan". Rental Mobil Padang (dalam bahasa Inggris). Diakses tanggal 2019-10-22. 
  4. SEO, Master (2019-04-27). "Air Terjun Bayang Sani, Wisata Alam Mempesona di Pesisir Selatan". Rental Mobil Padang (dalam bahasa Inggris). Diakses tanggal 2019-10-22.