Adit Sopo Jarwo the Movie

Adit Sopo Jarwo the Movie adolah pilem drama komedi jalan animasi 3D Indonesia tahun 2021 nan diadaptasi dari seri televisi Adit Sopo Jarwo dek Eki N.F., Deddy Otara, jo Zulfa Asliha. Pilem nan marupoan prekuel dari seri televisinyo ko mancaritoan kisah patamo kali Adit, Sopo, jo Jarwo basuo katiko dalam pajalanan ka Yogyakarta. Pilem ko diproduksi dek MD Pictures basamo MD Animation jo produser Manoj Punjabi sarato sutradara Eki N.F. jo Hanung Bramantyo. Pilem ko manjadi pangalaman patamo Hanung ikuik sato dalam produksi pilem animasi. Pilem ko tayang sacaro eksklusif di Disney+ Hotstar pado 30 April 2021.

Adit Sopo Jarwo the Movie
Sutradara	Hanung Bramantyo Eki N.F.
Produser	Manoj Punjabi
Panulih	Anto Malaya Beni Susanto
Pamain	Muzakki Ramdhan Musripah Hanung Bramantyo Surawijaya Dharmawan
Musik dek	Rion ALB
Panyuntiang	Anom Sukarno Iboy Djabrigzt
Parusahaan produksiy	MD Animation MD Pictures
Distributor	Disney+ Hotstar
Tangga rilis	30 April 2021 (2021-04-30)
Durasi	82 menit
Nagara	Indonesia
Bahaso	Bahasa Indonesia

Sinopsis

Adit basamo ayah jo bundanyo pai balibur ka Yogyakarta manggunoan kareta api. Di tangah pajalanan, kareta baranti sabanta di Stasiun Cirebon. Bunda Adit nan sadang hamil mandadak sakik paruik, Adit pun baniek mambali kue untuak bundanyo tapi indak mamintak izin ka bundonyo. Katiko Adit baliak dari mambali kue, karetanyo alah barangkek sahinggo Adit tatingga kareta surang diri di stasiun. Sopo nan katiko itu karajo sabagai porter manghampiri Adit dek maraso ibo. Sopo pun maajak Adit ka rumah makan Gudeg Jogja. Mancaliak Adit nan risau, Jarwo, nan turun dari kareta tadi manawaran untuak maantaan Adit ka Yogyakarta. Pajalanan panjang Adit, Sopo, jo Jarwo ka Yogyakarta pun dimulai.

Pangisi suaro

• Muzakki Ramdhan sabagai Adit
• Hanung Bramantyo sabagai Ayah Adit
• Musripah sabagai Bunda
• Jessica Iskandar sabagai Bunda
• Nurul Ulfah (suara bayi) sabagai Adel
• Ery Makmur sabagai sabagai Jarwo
• Dharmawan Susanto sabagai Sopo
• Surawijaya
• Ahmad Rosikin
• Lilis Jubaedah
• Freddy Marhawino
• Anom Sukarno
• Rina Susanti
• Marina Anggerini
• Betul Solihin
• Sri Purwaningsih
• Agus Yuniawan
• Eki N.F. sabagai Baba Chang
• Boim Imoet
• Aristea
• Novi KD
• Dedi Kampleng
• Edian Munaedi
• Indra Prasto
• Farah Adilla Nur Syafira
• Shally Fadhila
• Putri Mailina
• Iboy Djabrigzt
• Iswahyudi
• Simon Karsimin
• Bobby Kardi
• Bener Bahureksa
• Arya Loma
• Jodi Juliansya
• Nurul Fajrin Haq
• Tya Setia Ningsi
• Fajri Khoirun
• Gadis Saidah Rahmani
• Kayla Prameswari

Produksi

Sasudah marilis seri televisi Adit Sopo Jarwo pado tahun 2014 mandapek respons positif dari masyarakaik, para pambuek animasi mausulan ka Manoj Punjabi untuak mambuek serial tu dalam versi nan labiah panjang. Pilem ko disiapan sajak tahun 2015 jo mulai diproduksi pado tahun 2018. Eki N.F. nan marupoan pambuek seri televisinyo ditunjuak sabagai sutradara pilem tu. Hanung Bramantyo ikuik sato pulo sabagai sutradara untuak mandampingi Eki dalam segi penjagaan naskah, suasana hati, jo akting masiang-masiang pangisi suaro.

Darmawan Susanto, pangisi suaro Sopo di seri jo di pilem mangatoan basonyo proses rekaman untuak pilem paralu wakatu nan labiah lamo sampai bahari-hari dibandiangan jo rekaman untuak seri nan wakatunyo hanyo sajam sampai duo jam. Pilem ko balatar di 10 kota di Indonesia nan diantaronyo Brebes, Yogyakarta, jo, Cirebon. Eki nio maagiahan kesempatan ka panonton anak-anak untuak mancaliak tampek-tampek eksotis di Indonesia.