Abdullah Ahmad Badawi
Tun Haji Abdullah bin Haji Ahmad Badawi (lahia di Kepala Batas, Penang, Malaysia, 26 November 1939; umua 84 taun) adolah Pardana Mantari Malaysia taun 2003 - 2009.[1] Pardana Mantari Abdullah pulo manjabaik Presiden United Malays National Organisation (UMNO), sabuah partai politik di Malaysia nan bakuaso. Baliau pulo mamimpin parlemen koalisi pamarentahan, Barisan Nasional. Baliau sacaro indak rasmi dipanggie Pak Lah atau Mr. Clean. Baliau manggantian Tun Dr. Mahathir Mohamad.
 | |||||||||||||||||||
| Namo dalam bahaso usali | (ms) Abdullah Ahmad Badawi  | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| Biografi | |||||||||||||||||||
| Lahia | 26 Nopember 1939 (84 tahun (id) terjemahkan) Bayan Lepas (id)  | ||||||||||||||||||
19 Maret 2008 – 9 April 2009
3 Nopember 2003 – 23 September 2008
31 Oktober 2003 – 3 April 2009 ← Mahathir Mohamad – Najib Tun Razak →
31 Oktober 2003 – 15 September 2006 ← Mahathir Mohamad – Fidel Castro (id) →
31 Oktober 2003 – 3 April 2009
29 Januari 1999 – 31 Oktober 2003 ← Anwar Ibrahim – Najib Tun Razak →
15 Maret 1991 – 8 Januari 1999
11 Agustus 1986 – 7 Mai 1987
| |||||||||||||||||||
| Data pribadi | |||||||||||||||||||
| Agamo | Islam | ||||||||||||||||||
| Almamater | Universitas Malaya (id) Methodist Boys' School (en) Bukit Mertajam High School (en) | ||||||||||||||||||
| Kagiatan | |||||||||||||||||||
| Karajo | Diplomat (id) jo politikus | ||||||||||||||||||
| Partai politik | UMNO (id) | ||||||||||||||||||
| Kaluarga | |||||||||||||||||||
| Pasangan hiduik | Endon Mahmood (id) | ||||||||||||||||||
| Anak | Nori Abdullah Badawi (en) | ||||||||||||||||||
| Abak | Ahmad Badawi (id) | ||||||||||||||||||
| Kerabat (id) | Khairy Jamaluddin (id) (son-in-law (en) ) | ||||||||||||||||||
Baliau panah pulo jadi Katua Organisasi Konfrensi Islam (OKI).
Abdullah talahia dari sabuah kaluargo pantiang di Kepala Batas, Penang. Baliau manarimo gala Sarjana Seni dalam Kajian Islam dari Universitas Malaya pado 1964. Satalah luluih, baliau bagabuang jo Korps Pamarentahan jo Diplomatik Malaysia (namo rasmi untuak pagawai nagari). Baliau mundua pado taun 1978 untuak manjadi anggota parlemen wilayah pamilihan Kepala Batas, nan masih dipaciknyo inggo hari ko.
Abdullah sacaro indak rasmi diimbau jo sabutan Pak Lah. Pamarentah Malaysia alah mangaluaan panyatoan baso pardana mantari ko indak buliah dirujuak jo panggilan iko dalam artikel-artikel rasmi dan media massa, namun namo panggilan tasabuik masih digunoan sacaro indak rasmi. Abdullah pulo adolah katua umum Gerakan Non-Blok, dan alah mamacik jabatan tasabuik sajak manjabaik sabagai pardana mantari.
Kaputusan pamarentah pimpinannyo ateh pambarantian babarapo proyek mega-infrastruktur, tamasuak sabuah jambatan ka Singapura mambuek Mahathir Mohammad jengkel. Iko mangajuikan masarakaik Malaysia dan manciptakan raso kawatir mangingek kaduduakan Mahathir nan mandapek gala "Tun" satalah indak lai manjabaik pardana mantari. Mamparatian langkah damikian, pado 19 Juni 2006, dewan tatinggi partai UMNO manyatoan sacaro bulek mandukuang panuah langkah Abdullah Badawi sabagai pardana mantari.
Koran Harakah pado Januari 2007 mampacaliakan potonyo basintuahan tangan jo Michelle Yeoh dalam sabuah jamuan makan malam pado lomba parahu laya di Terengganu bulan Desember 2006. Aparaik pamarentah manyita koran oposisi Partai Islam Se-Malaysia tu dari lapak-lapak. Namun, aparaik manyatokan baso panyitaan dilakuan karano koran tasabuik saaruihnyo anyo baeda di kalangan anggota partainyo sajo.
Kontroversi suntiang
Satalah garakan untuak manuduh urang-urang pantiang sarupo Eric Chia jo Isa Abdul Samad jo korupsi, usao pamarentahan Abdullah untuak mambarantas korupsi dikatokan jadi kurang transparan. Masih dikaji apokoh Abdullah masih taruih malawan korupsi sacaro diam-diam atau baliau alah sangajo mampalambek usao dalam maapuih korupsi. Walaupun Abdullah mangato baso komentar atau karitik nan mambantu; mamelokan pamarentahannyo dianjuakan, baliau alah mambari paringatan kareh kapado Mukhriz Mahathir nan mangkaritisi kabijakan ekonominyo pado rapek aguang UMNO 2006. [1] Baliau pulo cubo mangawasi sumber-sumber “bawah tanah” sarupo situs web, forum, dan blog; manganggap mareka nan mangkaritisinyo malalui media ko sabagai “urang indak ado kredibilitas”. [2] Archived 2007-09-29 di Wayback Machine.
Kontroversi manganai Mahathir suntiang
Pada 2005, inyo alah dikatokan baso di bawah pamarentahan Abdullah, tadapek suatu paningkekan nan nyato dalam kasus-kasus kronisme manganai pambarian ijin impor (AP) untuak mobil buatan lua Malaysia. Bakeh pajabaik kudian Mahathir alah mausuaan panyalidikan ka dalam isu tasabuik, salain tu Mahathir mangkaritisi Abdullah karano mambataan banyak paroyek pambangunan nan dimuloi dek Mahathir, contohnyo pambangunan jambatan untuak mangganti jalan paubuang (causeway) antaro Malaysia jo Singapura. [3] Archived 2007-12-16 di Wayback Machine. Mahathir pulo mangato baso Abdullah alah mambari ijin kapado Angkatan Udara Singapura untuak tabang di ateh kawasan Malaysia dan manjua pasia kapado Singapura sabagai patukaran bagi pajanjian untuak pambangunan jambatan. Mahathir maliek iko sabagai suatu tindakan nan “manjua” karutuahan Malaysia.
Pado 2006, Mahathir taruih mangkaritisi Abdullah, manuduah baso kabebasan Media di bawah Abdullah alah pun bakurangan. Mahathir pulo manambah baso media jadi sagan manyiakan komentar Mahathir. Mahathir alah manyalahan Abdullah karano indak sasuai jo janji nan lah dibueknyo taadok kabijakan pamarentahan, dan karitiknyo nan paliang kuek wakatu tu iolah mangato baso Abdullah alah bakianaik taadok kapicayoannyo. Mahathir kasal karano mamiliah Abdullah sabagai panggantinyo, dan mangato baso pado mulonyo ingin wakia Abdullah, Najib Tun Razak, nan manggantikannyo. Najib nan katiko tu barado dalam kunjuangan rasmi ka India, capek manyatokan dukuang panuahnyo kapado Abdullah.[4] Archived 2007-12-16 di Wayback Machine.
Pado bulan Oktober 2006, Mahathir manyalahan Abdullah pulo karano alah babuek suatu tabiat nan manipu.[5] Archived 2007-12-01 di Wayback Machine. Iko bamulo katiko Abdullah dibaritokan bamasalah dalam mambuek kaputusan nan efektif. Dek tu, Abdullah acok maaadoki masalah apobilo kaputusannyo manimbuaan kontroversi di kalangan urang Malaysia, contohnyo dalam pambataan pambangunan jambatan Singapura-Johor. Dalam pangumumannyo, Abdullah acok manggunoan pakatoan “rakyaik”, jo manganggap baso sadonyo rakyaik manyokong kasaluruahan kaputusannya tanpa ragu.
Pangkaritik alah mambandiangkan pamarentahan Abdullah jo pamarentahan Mahathir, manganggap baso Mahathir labiah barasia dalam manjago kaharmonisan di kalangan etnis-etnis Malaysia.[6] Archived 2011-06-23 di Wayback Machine.
Abdullah pulo acok dikaritik dek blogger Malaysia jo media lua nagari karano acok mandiamkan karitik kapadonyo. Abdullah disabuik lah basumpah untuak manindak kareh urang-urang pro-demokrasi nan protes, jo mambari dukuangannyo kapado polisi untuak mambubarkan protes jo manangkok pasarato protes tu. [7] Manyusua pulo adonyo suatu seri larangan media tantang babarapo rapek kalompok pro-demokrasi, sarupo Perhimpunan Bersih 2007 nan diadokan pado 10 November 2007. Media satampek nan dijago dek pamarentah Malaysia indak manyiakan hal tasabuik sapanuahnyo, sadangkan kajadian tu lah disiakan dek media lua nagari sarupo Al-Jazeera, Reuters, BBC jo CNN. Abdullah kudian manyatokan baso baliau pantang ditantang. [8]
Pangaragoan suntiang
- Doktor Honoris Causa dari Universitas Islam Nagari Syarif Hidyatulah Jakarta untuak bidang pamikiaran Islam, 24 Juli 2006.
Kutipan suntiang
| “ | Saya memperkenalkan Islam hadhari atau Islam peradaban, pendekatan menuju Islam menyeluruh dan progresif. Islam tak hanya sebagai agama, tetapi juga acuan hidup. | ” |
Rujuakan suntiang
| Jabatan politik | ||
|---|---|---|
| Didaului jo: Anwar Ibrahim |
Wakil Perdana Menteri Malaysia 1999-2003 |
Digantian dek: Najib Tun Razak |
| Didaului jo: Mahathir bin Mohamad |
Perdana Menteri Malaysia 2003 – 2009 |
Digantian dek: Najib Razak |