Zairin Zain
Dr. Zairin Zain (laia di Jakarta taun 1913) adolah surang pajuang kamardekaan nan manjadi diplomat sasudah Indonesia mardeka.[1] Sapanjang kariernyo sabagai diplomat, Zairin Zain pernah ditugehan sabagai duta basa Indonesia dibabagai negara. Pado taun 1961-1965, baliau manjadi Duta Basa Lua Biaso sarato Bakuaso Panuah Republik Indonesia untuak negara Amerika Serikat. Sabalunnyo baliau jadi duta basa pulo untuak Jerman Barat jo Inggirih.[2]
Zairin Zain | |
---|---|
Zairin Zain basamo John F. Kennedy, Presiden Amerika Sarikat. | |
Lahia | 1913 |
Kabangsaan | Indonesia |
Karojo | Diplomat |
Dikana dek | Duta Basa, pajuang kamardekaan Indonesia |
Urang tuo | Sutan Muhammad Zain Siti Murin |
Sasudah salasai batugeh di Amerika Serikat, baliau-pun dipindahan ka Bern manggantian Mohammad Nazir sabagai Duta Basa Lua Biaso sarato Bakuaso Panuah Republik Indonesia untuak nagaro Swiss marangkap Liechtenstein dari taun 1965-1967.[3]
Latar Balakang suntiang
Zairin Zain adolah putra dari surang ahli Bahaso Indonesia takamuko, Sutan Muhammad Zain jo Siti Murin nan barasa dari Sungai Pasak, Padang Pariaman, Sumatera Barat. Sabagai putra nan tuo, Zairin mampunyoi 6 urang adiak, diantaronyo Yetty Rizali Noor nan pernah bakarier sabagai Dekan Fakultas Kadokteran Gigi Universitas Trisakti, Katua Umum Kongres Wanita Indonesia sarato Anggota DPR RI, jo Harun Zain nan pernah manjabat Rektor Universitas Andalas Padang, Gubernur Sumatera Barat sarato Mantari Tanago Karajo jo Transmigrasi di maso Orde Baru.
Rujuak-an suntiang
- ↑ "KEPUTUSAN PRESIDEN REPUBLIK INDONESIA No. 237 TAHUN 1960" (PDF). Diarsipkan dari versi asli (PDF) tanggal 2014-02-22. Diakses tanggal 2013-05-13.
- ↑ TAHUN EMAS HUBUNGAN KOTA BANDUNG DAN BRAUNSCHWEIG[pranala nonaktif permanen]
- ↑ The Ambassadors of the Republic of Indonesia in Bern