Wikipedia:Pautan lua

(Dialiahkan dari Wikipedia:L)

Artikel Wikipedia dapek mancantuman pautan ka laman web di lua Wikipedia. Laman-laman tasabuik dapek mamuek riset labiah lanjuik nan akuraik dan sasuai topik; informasi nan indak dapek dimuek di dalam artikel karano alasan sarupo hak cipta atau banyaknyo detil (sarupo statistik atlet profesional, transkrip wawancara, atau buku teks taubuang); atau bahan-bahan lain nan bamakna dan relevan nan indak suai untuak dicantuman dalam suatu artikel (sarupo panilaian atau wawancara).

Babarapo pautan lua (bahaso Inggris: external link) diizinan untuak dicantuman, tapi bukanlah tujuan Wikipedia untuak mangumpuakan suatu daftar pautan lua komprehensif nan baubuangan jo tiok topik. Pancantuman suatu laman lua dalam artikel Wikipedia haruslah dapek dijustifikasi. Arok diparatikan baso karano Wikipedia mamakai tag nofollow, pancantuman suatu pautan lua indak ka maubah paringkek masin pancari.

Kok suatu situs atau laman nan ka Sanak pauikan mampunyoi informasi nan alun dijadikan bagian dari artikel, patimbangkan untuak manggunakannyo sabagai sumber talabiah dulu. Baco padoman kutipan untuak patunjuak baa mangutip sumber. Padoman ko mambahas panggunoan pautan lua salain sabagai sumber kutipan.

Hal pantiang untuak dimangarati suntiang

  WP:NOLINK
  1. Jumlah pautan musti dibuek saketek mungkin. Apobilo artikel kakurangan atau anyo mampunyoi saketek pautan lua, iko bukan alasan untuak manambah pautan lu baru.
  2. Jan agiah pautan lua pado bagian isi artikel. Latakan taruih pautan pado bagian "Pautan lua" di akhia artikel atupun jo kode

<ref>[pautan rujuakan]</ref>.

    • Kok Sanak nio manambahan sabuah gambar, jan latakkan pautannyo di artikel, tapi mueklah gambar tasabuik lewaik laman Templat:I. Caliak juo laman bantuannyp.
  1. Ilakan mambuek labiah dari ciek pautan lua ka situs nan samo. Carilah laman paliang tapek untuak dituju.

Pautan nan dilarang suntiang

Dek alasan kabijakan jo teknis, panyuntiang dilarang mambuek pautan barikuik, tanpa pangacualian:

  1. Situs nan malangga hak cipta urang lain. Mambuek pautan ka laman nan isinyo bahak cipta dibuliahan, tapi kok Sanak tau baso sabuah situs manampilan karya nan marupokan palanggaran hak cipta, Sanak indak bulieh mambuek pautan ka laman tasabuik.
  2. Situs nan tadaftar dalam blacklist spam. Pautan ko indak dapek disimpan.

Pautan nan saeloknyo diilakan suntiang

Jo pangacualian situs nan marupokan situs rasmi subyek artikel, pautan nan musti diilakan adolah:

  1. Situs nan indak maagiah informasi malabiahi apo nan alah ado dalam artikel kok artikel tasabuik alaha manjadi Artikel nan Tapiliah.
  2. Situs apopun nan manyasekan pambaci jo manyadiokan informasi nan indak akuraik atau indak dapek dipastian.
  3. Pautan nan batujuan untuak mampromosikan sabuah situs web.
  4. Situs nan fungsi utamonyo adolah sabagai situs panjua produk atau jaso.
  5. Situs nan mampunyoi banyak sangaik iklan.
  6. Situs nan mambutuahan pambayaran atau registrasi untuak mancaliak isinyo.
  7. Situs nan anyo dapek diakses dek sabagian pambaco, misanyo situs nan anyo bakarajo manggunoan browser web tatantu.
  8. Pautan lansuang ka dokumen nan paralu aplikasi eksternal sarupo Flash atau Java.
  9. Pautan ka search engine jo hasia pancarian search engine
  10. Pautan ka situs jejaring sosial (sarupo Friendster, Facebook, Twitter), forum internet, atau Usenet
  11. Pautan ka blog jo situs web pribadi, jo pangacualian apobilo situs tasabuik ditulih dek pihak bawenang.
  12. Pautan ka wiki tabukak, jo pangacualian apobilo wiki tasabuik mampunyoi sijarah nan stabil, jo jumlah panyuntiang nan signifikan.
  13. Situs nan anyo baubuangan sacaro indak lansuang jo subyek artikel; tujuan pautan musti baubuangan lansuang jo artikel.

Caro mambuek pautan suntiang

Pautan tanpa teks (kode jo contoh output):

[http://example.com/]

[1]

Pautan jo teks:

[http://example.com/ Situs example.com nan diatua RFC]

Situs example.com nan diatua RFC

Caro nan labiah tapek manggunoan teks:

[http://example.com/ Situs example.com] nan diatua [[RFC]]

Situs example.com nan diatua RFC

Caliak pulo suntiang