Tari Gandai Sibak
Tari gandai marupokan sabuah bantuak kesenian tradisional masyarakaik Nagari Sibak Kecamatan Ipuh Kabupaten Muko- muko. Pelaksanaan kesanian iko syaraik jo nilai- nilai adaik suku bangsa Pekal. Sabagai sabuah bantuak kagiatan karaaian, "tari gandai" bioasonyo diadokan pado acara "Barasan Rajo Panghulu". Katantuannyo adolah, pabilo "Tari Gandai" diadokan mako pihak tuan rumah harus mambantai taranak bakaki ampek, sarupo kabau, kambiang sakaligus harus mambuek "Bata Baanggik".[1]
Peserta dari tari gandai adolah kaum padusi, bajumlah sabanyak 12 urang panari sarato manganakan pakaian adaik. acara kesenian yang diadokan untuak mamariahkan acara baralek anak panghulu yang ka dihadiri dek para peramgkat nagari / para kapalo kaum. Urang tu ka hadir sakitar pukua 23.00 Wib. Di sampiang itu, pelaksanaan tari ka diikuti dek mempelai padusi, yang akan manari (bagandai) dihadokan para pamuko masyarakaik manggunoan "gandai adaik" yaitu "gandai nenennet" jo gandai elang baseluk".[1]
sacaro sosial budayo, kasenian "Tari Gandai" bafungsi sabagai media panghormatan masyarakaik nagari, tarutamo para pamuko masyarakaik, kapado kaluarga panghulu. Sabaliaknyo, kasenian ko bafungsi pulo sabagi proses pambalajaran bagi mampelai padusi sabalum tajun ka tangah masyarakai, tarutamo kapado para pamuko masyarakaik.
Tari gandai manjadi bagian dari kahidupan baradaik masyarakaik Nagari Sibak Kec.Ipuh Kabupaten muko- muko, tarutamo akan talihaik pado hampia satiok diadokan acara kawin. Sahinggo dapek pulo dikatokan sabagai Tari Adaik yng bararti diadokan pado saaik acara banuansa adaik, sakaligus disaksian dek tokoh adaik.[1]
Rujuakan suntiang
- ↑ a b c WARISAN BUDAYA TAKBENDA DI PROPINSI BENGKULU. Padang: Balai Pelestarian Nilai Budaya Padang. 20 Maret 2013. pp. 37-38. ISBN 978-602-8742-66-5.