Tambika (bahaso Indonesia: tembikar) adolah barang nan tabantuak dari tanah liek nan dikarehan jo caro dibaka. Mode tambika tamasuak gerabah, periuk, jo persolen. Dalam sijarah umaik manusia, tinggalan alah dikenal dari maso prasejarah, tapeknya sabalun zaman Neolitikum dan tamasuak panamuan manusia paliang tuo. Tambika dibuek manjadi benda-benda sasuai kainginan. Sudah itu, diangekan pado suhu tinggi (600-1600° C) dalam tungku pambakara untuk mambuek bantuaknyo manjadi kuek.

Di Minangkabau, karajinan tambika dikenal di sado daerah. Hal iko disebabkan dek tambika dijadian alaik-alaik dapua takah pariuak, balango, kuali, kumbuak, menggu, kendi mangkuak, teko, cangkia, jo sabagainyo. Caro mambuek tambika masih sederhana. Patamo, tanah liat dilumekan, ditumbuak jo kayu atau alu, lalu diinjak-injak sampai kalua gatahnyo, baru dibantuak sasuai nan dinio. Membuek tambika indak paralu cetakan, tapi hanyo bagantuang keahlian jo katarampilan tangan. Benda tambika nan lah dibantuak lalu dibaka di tungku pembakaran.[1]

Pado umumnyo, karajinan tambika dijadian usaho industri karajinan rumah tanggo.

Referensi suntiang

  1. http://repositori.kemdikbud.go.id/12666/1/DAPUR%20DAN%20ALAT-ALAT%20TRADISIONAL%20DAERAH%20SUMATERA%20BARAT.pdf