Siti Oetari
Siti Oetari Tjokroaminoto (1905–1986)[1][2] adolah anak padusi nan paliang tuo dari Hadji Oemar Said Tjokroaminoto, pamimpin Sarekat Islam sarato istri dari Presiden patamo Indonesia Soekarno. Kutiko Soekarno manikah jo Oetari, inyo alun baumua 20 tahun lai. Siti Oetari sandiri baumua 16 taun kutiko Soekarno manikahi inyo pado taun 1921 di Surabaya. Wakatu itu Soekarno manginap di rumah HOS Tjokroaminoto katiko inyo sadang baraja di SMA. Babarapo wakatu sasudah manikah, Bung Karno maninggaan Surabaya, pindah ka Banduang untuak malanjuikan pandidikannyo di perguruan tinggi di THS (Technische Hoogeschool te Bandoeng, kini ITB). Namun, Soekarno malakuan parnikahan tasabuik karano manghormati Tjokroaminoto, jo manuruik Soekarno, Oetari bukanlah cito-citonyo karano Oetari masih kanak-kanak jo indak dapek manandiangi sumangaik gairah Soekarno. Soekarno kamudian bacarai jo Oetari sacaro baiak.[3]
| Biografi | |
|---|---|
| Lahia | 1905  Ponorogo (id)  |
| Kamatian | 1986 (80/81 tahun (id) ) Indonesia |
| Kaluarga | |
| Pasangan hiduik | Soekarno (1921–1923) Sigit Bachroensalam (en) (1924–) |
| Anak | Harjono Sigit (en) |
| Abak | Umar Said Cokroaminoto , Suharsikin (en) |
Kahidupan awal
suntiangSiti Oetari Tjokroaminoto lahia pado taun 1905 di Ponorogo,[1] Hindia Balando sabagai anak padusi nan paliang tuo dari limo urang anak dari H. Oemar Said Tjokroaminoto (1882–1934) jo Suharsikin (1885–1920). Baliau punyo ampek urang adiak kanduang tamasuak Harsono Tjokroaminoto, mantan mantari dalam babarapo jabatan mantari di Indonesia.
Panikahan
suntiangOetari alah manikah duo kali.
Panikahan partamo
suntiangPado taun 1921, Oetari, baumua 16 taun, manikah jo saurang murik ayahnyo nan tingga di rumah mareka, Soekarno Sosrodihardjo yang katiko itu baumua 20 taun di Surabaya. Alasan mareka manikah karano Soekarno maraso basimpati mancaliak ibu Oetari, Suharsikin nan sadang sakik parah.[4]
Panikahan Oetari jo Soekarno balangsuang di rumah Tjokroaminoto jo kasederhanaan jo parsiapan nan minim. Ado ketegangan salamo acara pernikahan. Alasannyo dek pangulu mamintak Soekarno mangganti pakaian, yaitu jas jo dasi, karano indak sasuai jo adaik jo kabiasaan Islam wakatu itu. Soekarno berang dan basorak ka pengulu sarato maancam ka mambatalkan pernikahan. Namun, kudian inyo malapehan bangihnyo jo caro marokok, jari-jarinyo tabaka katiko inyo manyalokan rokok nan dianggap tando buruak untuak parnikahannyo.[5]
Indak lamo sasudah kawin, Suharsikin maningga. Sasudah itu, Soekarno mulai maraso indak cocok jo Oetari nan masih kakanak-kanakan. Disabuikan baso panikahannyo hanyo "panikahan gantuang" dek karano Soekarno jo Oetari alun siap untuak mambina rumah tanggo. Inyo indak pulo doh manikmati bulan madu. Soekarno labiah sibuk jo kagiatan politiknyo dan maikuti Tjokroaminoto dima-dimanyo. Dalam otobiografi Soekarno, inyo bakato indak pernah "maawai" Oetari.[5]
Indak lamo sasudah tu, Soekarno barangkek dari Surabaya untuak baraja di THS, Bandung. Pado taun 1923, Soekarno mangunjuangi Oetari, HOS Tjokroaminoto, jo kaluarganyo untuak mancaraikan Oetari sacaro baiak.[4][5]
Panikahan kaduo
suntiangSasudah bacarai pado umua 18 taun, Oetari manikah baliak pado taun 1924 pado umua 19 taun jo saurang laki-laki nan banamo Sigit Bachroensalam. Pernikahan ko malahiakan surang anak laki-laki:
- Ir. Harjono Sigit Bachroensalam (lahia 21 September 1939) — dikenal sabagai ayah seniman Maia Estianty
Panikahan ko barakhia sasudah Sigit maningga pado taun 1981 jo maninggaan Oetari sabagai jando pado umua 76 taun.
Kamatian
suntiangSiti Oetari maningga dunia limo taun salapeh suami kaduonyo, iyolah pado taun 1986 pado umua 81 taun di Indonesia.[6]
Rujuakan
suntiang- ↑ a b Marihandono, Djoko; Juwono, Harto; Tangkilisan, Yudha B.; Tjahjopurnomo, R. (2015). H.O.S. Tjokroaminoto : penyemai pergerakan kebangsaan dan kemerdekaan. Museum Kebangkitan Nasional. pp. 89-90. ISBN 978-602-14482-7-4. http://repositori.kemdikbud.go.id/18473/. "Kabar kelahiran Oetari terdengar juga oleh Tjokroaminoto, karena itu diputuskan untuk datang ke Ponorogo menemui isteri dan anaknya."
- ↑ Rachmawati, ed. (2021-02-21). "Perjalanan Cinta Siti Oetari dan Bung Karno yang Bersemi di Surabaya". Kompas.com (dalam bahasa Indonesia). Diakses tanggal 30-10-2024.
- ↑ Panumbangan, Abraham (2020). The Uncensored of Bung Karno. Yogyakarta: Anak Hebat Indonesia. pp. 124-126. ISBN 9786232443884. https://books.google.co.id/books?id=PYL1DwAAQBAJ&pg=PA125&dq=Siti+Oetari&hl=id&newbks=1&newbks_redir=0&source=gb_mobile_search&ovdme=1&sa=X&ved=2ahUKEwjNrcS_msj7AhUlSmwGHUqmDtcQ6AF6BAgHEAM#v=onepage&q=Siti%20Oetari&f=false.
- ↑ a b "Ketika Bung Besar Digugat Cerai". Historia - Majalah Sejarah Populer Pertama di Indonesia (dalam bahasa Indonesia). 2018-01-08. Diakses tanggal 30-10-2024.
- ↑ a b c Galih, Bayu, ed. (2016-02-14). "Siti Oetari, Istri Pertama yang Tidak Pernah "Disentuh" Soekarno". Kompas.com (dalam bahasa Indonesia). Diakses tanggal 30-10-2024.
- ↑ Andriyanto, S. Dian (19 Desember 2021). "Siti Oetari Putri HOS Tjokroaminoto Istri Pertama Soekarno, Nenek Maia Estianty". tempo.co.