Simpanse
Simpanse (Pan troglodytes)
Conservation status
Klasifikasi ilmiah
Kingdom: Animalia
Phylum: Chordata
Class: Mammalia
Order: Primata
Family: Hominidae
Subfamily: Homininae
Tribe: Hominini
Subtribe: Panina
Genus: Pan
Oken, 1816
Tipe spesies
Simia troglodytes
Blumenbach, 1775
Spesies

Pan troglodytes
Pan paniscus

distribusi penyebaran spesies Pan spp.

Simpanse, (Disingkek dalam Bahaso Inggirih, chimp), adolah namo umum untuak duo spesies nan masih iduik dari karo dalam genus Pan. Sungai Kongo mambantuak bateh habitat alamiah dari kaduo spesies iko:[1]

Simpanse adolah anggota dari keluarga Hominidae, basamo jo gorila, manusia, jo orangutan. Simpanse tapisah jo manusia dalam ranting keluarga sakitar 4 - 6 juta tahun lalu. Duo spesies simpanse di ateh adolah sanak nan paliang dakek jo manusia, sadoalah nyo anggota dari suku Hominini (berikut jo spesies nan punah dari sub-suku Hominina). Simpanse satu-satunyo anggota nan diketahui dari sub-suku Panina. Kaduo spesies Pan tersebut tapisah sakitar 1 juta tahun nan lalu.

Sijarah sacaro evolusi suntiang

 
Hubungan taksonomi dari Hominoidea

Genus Pan dianggap marupoan bagian dari sub-keluarga Homininae nan dima manusia juo salah satu bagiannyo. Kaduo spesies iko adolah kerabat nan paliang dakek jo manusia sacaro evolusi nan masih iduik, mamiliki kasamoan nenek moyang jo manusia anam juta tahun nan lalu.[2] Panalitian dek Mary-Claire King tahun 1973 manamukan 99% kasamoan DNA antaro manusia jo simpanse, walaupun panalitian lain alah maralat hasilnyo manjadi 94% kasamoan, jo babarapo perbedaan tadapek dalam non-coding DNA. Alah diusuakan bahwa troglodytes jo paniscus basamo jo sapiens ado dalam genus Homo, daripado dalam Pan. Salah satu alasan manganai hal iko adolah spesies lain nan alah diklasifikasi baliak manjadi genus nan samo berdasarkan persamaan genetis seperti nan tadapek pado manusia jo simpanse.

Fosil suntiang

Kabanyakan fosil manusia alah ditamuan, tatapi fosil simpanse indak dijalehan sampai pado tahun 2005. Populasi simpanse nan ado kini di Afrika Barat jo Tangah indak berbenturan jo situs besar fosil manusia di Afrika Timur. Namun, fosil simpanse kini alah dilaporkan barasa dari Kenya. Hal iko manjalehan bahwa manusia jo anggota dari clade Pan barado di Rift Valley Afrika Timur salamo Pertengahan Pleistocene.[3]

Anatomi dan fisiologi suntiang

 
Tengkorak dan otak manusia dan simpanse, diilustrasikan oleh Gervais' dalam Histoire naturelle des mammifères

Kabanyakan simpanse jantan mamiliki tinggi 1.7 m katiko sedang tagak, jo mamiliki barek 70 kg; nan batino labiah ketek. Panjang tangan simpanse umumnyo, bilo dilebaan, mamiliki rentang satu satangah kali tinggi badan jo tangan simpanse labiah panjang dari kakinyo. Bonobo saketek pendek jo kuruih daripado kabanyakan simapanse tatapi mamiliki tungkai nan labiah panjang. Kaduo spesies manggunoan tangannyo nan panjang jo kuek untuak mamanjek pohon. Di tanah, simpanse biasonyo bajalan manggunoan kaampeknyo jo bantuan baku tangan jo kepalan tangan, sabuah bantuak tanago panggerak nan disabuik jo knuckle-walking. Kaki simpanse labiah cocok untuak bajalan dibandiangan orangutan karano talapak kaki simpanse labiah lueh jo jempol nan pendek. Simpanse biasa jo bonobo dapek bajalan tegak jo kaduo kaki nyo katiko mambaok barang jo kaduo tangannyo. Bonobo sacaro proporsional mamiliki tungkai nan labiah panjang jo condong bajalan tegak dibandiangan Simpanse Biaso. Kuliknyo labiah galok; wajah, tangan, talapak tangan jo kaki tidak berbulu; jo simpanse indak mamiliki ikua. Kaduo spesies mamiliki warna pado kulik lua muko, tangan jo kaki nan baragam dari merah jambu sampai bawarna galok, tatapi mamiliki warna labiah tarang katiko mudo, manjadi labiah galok katiko alah galak. Panalitian Universitas Chicago Medical Center manamuan perbedaan genetis nan signifikan antaro populasi simpanse.[4] Tonjolan batulang diateh mato maagiah tampilan mundur pado dahi, jo iduangnyo data. Walaupun jo muluik manonjol, bibianyo hanyo mandorong kamuko katiko simpanse mancibia. Utak simpanse satangah dari ukuran utak manusia.

Testikel simpanse labiah gadang untuak ukuran badannyo, jo kombinasi barek sakitar 110 gram dibandiangan jo gorilla 28 gram atau manusia 43 g. Hal iko sacaro umum diatribusikan pado kompetisi sperma karano sifek poliandri alamiah pado parilaku perkawinan simpanse.[5] Simpanse mancapai maso puberti pado umua antaro 8 jo 10 tahun, sarato jarang iduik malabihi umua 40 di alam lia, tatapi diketahui iduik sampai 60 tahun salamo panangkaran.

Neoteny suntiang

Nancy Lynn Barrickman dari Departemen Evolutionary Psycholoy di Universitas Duke maklaim panamuan Brian T.Shea jo analisis multivariat bahwa Bonobo labiah neotenized dibandiangan simpanse biaso, jo maliek fitur saparti panjang batang tubuh nan labiah proporsional daro pado Bonobo.

Arga Ema suntiang

 
Bonobo

Perbedaan anatomi antaro Simpanse biaso jo Bonobo hanyo saketek, tatapi dalam seksual jo parilaku sosial mereka mamiliki perbedaan nan jaleh. Simpanse biaso mangkonsumsi sagalo macam makanan, mamiliki kultur berburu sacara bakalompok sasamo pajantan mudo nan dipimpin dek jantan alfa, jo hubuangan sosial nan kompleks bana. Bonobo, disisi lain, umumnyo pamakan buah jo egaliter, indak malakukan kekerasan, matriarki, sifek mengerti sacaro seksual.[6] Bonobo diketahui acok malakukan seks, jo norma biseksualitas untuak jantan jo batino, sarato manggunoan seks untuak mambantu mancegah jo manyalasaian konflik. Grup simpanse nan babeda juo mamiliki kultur nan babeda dalam pamilihan tipe pakakeh.[7] Simpanse condong maliekan tingkat agresi nan labiah tinggi daripado Bonobo. [8]

Struktur sosial suntiang

Simpanse iduik dalam kalompok sosial multi-jantan jo multi-batino nan gadang nan disabuik jo komunitas. Dalam sabuah komunitas tadapek hierarki sosial nan jaleh nan didiktekan dek posisi dari satu individu jo pengaruh dari individu tersebut bagi nan lain. Simpanse iduik dalam sabuah hierarki nan labiah ramping nan dima labiah dari satu individu bisa mandominasi anggota lain dari tingkek labiah randah. Biasonyo ado jantan nan labiah dominan nan dijuluki jo jantan Alfa. Jantan Alfa adolah jantan jo tingkek paliang tinggi nan maatur kalompok jo maagiah parintah salamo tajadi nyo pasalisiahan. Dalam masyarakat simpanse 'jantan dominan' indak musti nan jantan paliang gadang atau nan paliang kuek tatapi jantan nan labiah manipulatif jo politis nan dapek maagiah pangaruh taadok kajadian dalam suatu kalompok. Simpanse jantan biasonyo mandapekan dominasi lewat pangaruh sakutu nan nio manyadioan dukuangan bagi individu tersebut kironyo beko tadapek pasalisiahan kakuatan. Jantan alfa biasonyo maliekan sifek sombong untuak maningkekan kuaso supayo taliek menggertak jo kuek sadapek mungkin. Hal iko batujuan untuak maintimidasi anggota lain nan bausaho maambiak alih kuaso jo manjago autoritas, sarato paralu bana bagi jantan alfa batahan pado status nan dimilikinyo. Simpanse paringkek-randah akan maagiah raso hormat jo gestur patuah dalam bahaso tubuh atau menjuluaan tangannyo sambia mangaluaan bunyi dengkur. Simpanse batino maagiah raso hormat pado jantan alfa jo memperlihatkan saparampek bagian balakangnyo.

Simpanse batino juo mamiliki hierarki nan dipangaruhi dek posisi si batino dalam suatu kalompok. Dalam babarapo komunitas simpanse, batino mudo bisa mawarisi status tinggi dari ibu nan baparingkek-tinggi. Batino-batino juo ka mambantuak sakutu untuak mandominasi batino tingkek-randah. Babeda jo jantan nan tujuan utamo dari status dominasinyo yoitu untuak mandapaekan hak akses perkawinan jo takadang dominasi kekerasan taadok bawahan, nan batino mamparoleh status dominasi untuak mandapekan sumber saparti makanan. Batino tingkek-tinggi biasonyo mandapek akses patamo taadok sumber. Sacaro umum, kaduo kelamin mainginkan status dominan untuak maningkekan kadudukan sosial dalam suatu kalompok.

Terkadang batinolah nan memilih jantan alfa. Bagi simpanse jantan supayo dapek status alfa, inyo musti mamparoleh panarimoan dari batino-batino dalam suatu komunitas. Batino-batino msuti mayakinkan bahwa kalompoknyo musti mamparoleh pasokan makanan nan cukuik. Dalam babarapo kasus, kalompok batino dominan akan mausia jantan alfa nan indak sasuai jo pilihan inyo jo ka mambantu jantan lain nan mereka liek bapotensi mamimpin kalompok sabagai jantan alfa nan sukses.

Inteligensi suntiang

 
Diagram dari otak. Pemetaan grup utama dari foci dalam ruang motor pada Simpanse

Simpanse mambuek pakakeh jo manggunoannyo untuak mandapekan makan jo dipertontonkan; mereka mamiliki strategi baburu nan canggih nan mambutuahkan karajosamo, influensi jo tingkatan; inyo mamiliki status, manipulatif jo mampu mangicuah; inyo mampu baraja manggunoan simbol jo mamahami aspek dari bahaso manusia tamasuak beberapa sintaks relasi, konsep dari angko jo urutan numerik;[9] sarato inyo bisa mambuek perencanaan spontan untuak kaadaan atau kajadian pado masa depan.

Panggunoan pakakeh suntiang

Salah satu panamuan nan penting adolah pado Oktober 1960 katiko Jane Goodall maobservasi panggunoan pakakeh di antaro simpanse. Panalitian nan paliang baru mengindikasikan bahwa panggunoan pakakeh batu pado simpanse tajadi sakitar 4.300 tahun lalu. Panggunoan pakakeh pado simpanse tamasuak manggali sarang rayap manggunoan pakakeh sabuah tungkek kayu gadang, jo manggunoan tungkek kayu ketek untuak mamanciang rayap kalua.[10] Panalitian nan paliang baru maungkap panggunoan pakakeh labiah canggih saparti galah, di mana Simpanse di Senegall maasah galah jo giginyo nan digunoan untuak manusuak Senegal Bushbaby lewat lubang ketek di pohon.[11][12] Sabalun panamuan panggunoan pakakeh pado simpanse, inyo dipicayo bahwa manusia satu-satunyo spesies nan mambuek jo manggunoan pakakeh, tetapi babarapo spesies pangguno-pakakeh lainnyo kini ko alah diketahui.[13][14]

Pembuatan-sarang suntiang

Pambuatan-sarang, takadang dianggap sabagai panggunoan pakakeh, tacaliak pado simpanse nan mambangun sarang di pohon jo manyatuan dahan dari satu atau labiah pohon. Hal iko mambantuak bagian nan paliang penting dalam parilaku, tautamo dalam kasus katiko ibu nan maajaan parlilaku iko ka anaknyo. Sarang tadiri dari matras, didukuang dek fondasi nan kuek, jo dilapisi jo daun-daun nan lembut jo rantiang. Sarang dibuek dalam pohon jo diameter minimal 5 m nan talatak pado katinggian 3 – 5 m. Siang jo malam sarang dibuek. Sarang bisa tadapek dalam kalompok.[15]

Rujuakan suntiang

  1. "ADW:Pan troglodytes:information". Animal Diversity Web (University of Michigan Museum of Zoology). Diakses tanggal 2007-08-11. 
  2. "Chimps and Humans Very Similar at the DNA Level". News.mongabay.com. Diakses tanggal 2009-06-06. 
  3. McBrearty, S. (2005-09-01). "First fossil chimpanzee". Nature. 437 (7055): 105–8. doi:10.1038/nature04008. PMID 16136135. 
  4. "Gene study shows three distinct groups of chimpanzees". EurekAlert. 2007-04-20. Diakses tanggal 2007-04-23. 
  5. "Why are rat testicles so big?". 2003–2004. Diakses tanggal 1 September 2009. 
  6. Courtney Laird. "Bonobo social spacing". Davidson College. Diakses tanggal 2008-03-10. 
  7. "Chimp Behavior". Jane Goodall Institute. Diarsipkan dari versi asli tanggal 2007-09-27. Diakses tanggal 2007-08-11. 
  8. de Waal, F (2006). "Apes in the family". Our Inner Ape. New York: Riverhead Books. ISBN 1594481962. http://books.google.com/books?id=lDP4TPccgC8C&pg=PA30&dq=chimpanzee+bonobo+aggresion&ei=aJbQSJbULIH-sQPwlOHbAw&sig=ACfU3U0LoKGF-b2Q8gMffVix_d1xsHxFDA#PPA31,M1. 
  9. "Chimpanzee intelligence". Indiana University. 2000-02-23. Diarsipkan dari versi asli tanggal 2016-09-17. Diakses tanggal 2008-03-24. 
  10. Bijal T. (2004-09-06). "Chimps Shown Using Not Just a Tool but a "Tool Kit"". Diakses tanggal 2010-01-20. 
  11. Fox, M. (2007-02-22). "Hunting chimps may change view of human evolution". Diarsipkan dari versi asli tanggal 2007-02-24. Diakses tanggal 2007-02-22. 
  12. "ISU anthropologist's study is first to report chimps hunting with tools". Iowa State University News Service. 2007-02-22. Diarsipkan dari versi asli tanggal 2007-08-16. Diakses tanggal 2007-08-11. 
  13. Whipps, Heather (2007-02-12). "Chimps Learned Tool Use Long Ago Without Human Help". LiveScience. Diakses tanggal 2007-08-11. 
  14. "Tool Use". Jane Goodall Institute. Diarsipkan dari versi asli tanggal 2007-05-20. Diakses tanggal 2007-08-11. 
  15. Wrangham, Richard W. (1996). Chimpanzee cultures. Chicago Academy of Sciences, Harvard University Press. pp. 115-125. ISBN 9780674116634. http://books.google.com/books?id=IzBIHPeE45IC&pg=PA115. Diakses pado 2 Juli 2011.