Sierra Leone

Sierra Leone atau sacaro rasmi Republik Sierra Leone adolah sabuah nagara di pantai barat daya Afrika Barat. Nagara ko babatehan jo Liberia di tenggara sarato Guinea di utara. Jo laweh daratan 71.740 km2 (27.699 mil persegi), nagara ko punyo lingkungan baragam mulai dari sabana hinggo hutan hujan, sarato iklim nan tropis. Ibu kota negaranyo iolah Freetown nan marupokan salah ciek palabuhan alami nan tagadang di dunia.

Bandera Sierra Leone

Sierra Leone adolah sabuah nagara republik konstitusional dimano Presiden dipiliah lansuang jo legislatif unikameral. Sistem pamarentahannyo didasarkan kapado Konstitusi Sierra Leone tahun 1991. Sierra Leone punyo pamarentahan pusek nan dominan jo pamarentahan daerah nan lamah. Presiden adolah pajabat nan paliang bakuaso. Parlemen tadiri dari 146 kursi nan dipiliah dari 14 distrik sabanyak 132, sarato 16 kursi lainnyo diisi dek pamimpin nan tatinggi di 16 distrik.

Pado tahun 2019, panduduak nagara ko bajumlah 7.813.215 jiwa. Sabagian gadang dari panduduaknyo marupokan kaum mudo jo tingkek patumbuahan sagadang 2,2% per tahun. Akibaik migrasi ka kota, panduduak manjadi labiah banyak tingga di perkotaan jo pakiroan tingkek urbanisasi 2,9% per tahun. Manuruik pakiroan tahun 2020 dek Pew Research Center, 78,5% panduduaknyo adolah Muslim (kabanyakan Sunni), 20,4% Kristen (kabanyakan Protestan) jo 1,1% maanuik agamo tradisional Afrika atau kapicayoan lainnyo.