SMA Negeri 1 Matur

Sikolah manangah ateh di Sumatra Barat

SMA Negeri 1 Matur adolah salah satu sikolah manangah ateh nan ado di Kabupaten Agam, Bukittinggi, Sumatra Barat. SMA iko adolah salah satu SMA unggul nan ado Indonesia dan mandapek paringkek akreditasi A dari BAN-DIKDASMEN sarato ditunjuak sabagai SMA piloting project kurikulum babasis kompetensi pado tahun 1999, basamo jo SMA Negeri 8 Jakarta, SMA Negeri 2 Bukittinggi dan SMA Negeri 1 Yogyakarta. Pado tahun 2000, SMA Negeri 1 Matur mambukak kelas Internasional (tamasuak nan patamo di Indonesia) sabanyak 3 kelas nan terdiri ateh 90 urang siswa. 90 siswa tasabuik barasa dari babagai daerah di Indonesia dan 30 urang di antaronyo adolah mahasiswa lua negeri, di antaronyo dari Australia, Malaysia, Singapura, Amerika Serikat, Arab Saudi dan Prancis. Kadadoalah siswa tasabuik disebar ka tigo kelas sacara marato.

Sijarah suntiang

SMAN 1 Matur didirikan pado tahun 1899 sabagai sikolah binaan kolonial Balando jo namo Indische Verenigingsckol sakaligus sabagai sikolah manangah modern tatuo nan ado di Sumatra Barat hinggo kini ko, nan pado katiko tu dikhususkan bagi anak pajabek pamongpraja, anak patinggi Balando di Bukittinggi, anak-anak katurunan tionghoa, anak-anak katurunan eropa, namun indak untuak anak-anak pribumi. Sikolah iko pado katiko tu diamanatkan dek Balando sabagai pusek pandidikan manangah ateh untuak wilayah Sumatra Timur. Guru-guru nan maaja di sikolah iko sabagian didatangkan dari Balando dan sabagian lai marupoan guru katurunan tionghoa dan pribumi tadidiak. Sistem pambalajarannyo pun jauah labiah bagus dari sikolah manangah lain pado katiko tu. Bahkan pado tahun 1900, sikolah iko adolah salah satu sikolah patamo di Indonesia jo tigo jurusan yoitu Eksakta(IPA), Sosial(IPS) dan Linguistika(Bahasa). Hinggo indak salah jika sikolah iko sajak lamo alah manjadi serbuan siswa-siswa tercerdas dari babagai panjuru daerah. Namun sajak tahun 1935, pribumi alah memiliki hak nan hampia samo untuak manganyam pandidikan di sikolah iko. Para pamimpin-pamimpin parusahaan minyak California Texas (Caltex) di Pekanbaru, sajak dulu adolah luluihan dari sikolah iko.

Rujuakan suntiang