Rumah Rasuna Said

Rumah Rasuna Said adolah rumah kalahiran dari pajuang kamardekaan nan juo pahlawan nasional Indonesia nan banamo Hajjah Rangkayo Rasuna Said atau nan labiah tanamo Rasuna Said asa Sumatra Barat. Bangunan rumahnyo babantuak pasagi panjang dan batingkek nan tabuwek dari kayu, atok seng, jo balantai simin. Pado bagian ateh lantainyo tabuwek dari papan. Pado 02 Februari 2013, PT. Garuda Indonesia mampaelokan bangunan rumah dan kini dijadian Musala An-Nur.

Rasuna Said, lahia di Maninjau  14 September 1910 dan maningga di Jakarta 2 November 1965. Rasuna Said adolah padusi nan punyo sumangaik kuwek, tu kareh jo kritis pado paraturan Pamarintah Kolonial Balndo saik tu. Pado 1923, baliau ditangkok dan dipanjaroan di Samarang. Ateh jaso jo jariahnyo wakatu pajuangan kamardekaan Indonesia, inyo ditatapan sabagai Pahlawan Nasional dari Surek Katatapan Presiden R.I. No. 084/TK/ Taun 1974 tanggal 13 Desember 1974. Namo baliau pun banyak digunoan untuak namo jalan di daerah, sarupo di Jakarta.