Nyeri Kanker
Nyeri adolah hal partamo nan dirasoan dek penderita kanker. Raso nyeri datang dari panyakik kanker, karano sel-sel abnormal tumbuah sahinggo marusak jaringan di sakitarnyo. Raso nyeri akibat panyakik kanker acok manjadi momok manakuikan bagi para penderita. Sumber nyerinyo dirasokan karano saraf nan ado di sakitarnyo mandapekan tekanan dari kanker nan taruih bakambang. Raso nyeri pun datang sabagai efek sampiang terapi, sarupo kemoterapi, pambedahan, jo ubek-ubekan. Sahinggo, nyeri dapek manetap walaupun penderita alah dinyatokan bebas dari kanker. Ado banyak caro untuak mangurangi raso nyeri akibek kanker. Salah satunyo adolah maaangkek sumber nyerinyo, misalnyo lewat operasi, kemoterapi, radiasi, atau terapi kanker lainnyo.[1]
Tumor nan taruih manggadang jdapek manyebabkan tekanan pado saraf, tulang, atau organ, sahinggo manimbuakan raso sakik. Raso nyeri dapek barasal dari zat-zat kimia nan dilapehkan dek sel kanker ka bagian tumor. Walaupun baitu, raso nyeri nan dirasokan penderita babeda-beda tagantuang dari faktor sarupo lokasi kanker jo panyabab kankernyo, tamasuak efek sampiang ubeknyo.[2]
Sumber nyeri dirasokan karano saraf nan adao di sakitarnyo mandapekan tekanan dari kanker nan taruih bakambang. Raso nyeri muncua sabagai efek sampiang terapi, sarupo kemoterapi, pambedahan, jo ubek-ubekan. Bahkan, nyeri dapek manetap walaupun penderita tasabuik alah dinyatokan bebas dari kanker. raso nyeri bisa barasal dari kanker atau karusakan nan ditimbuakannyo dek jaringan dakek kanker. Sel kanker sarupo manggigik bagian-bagian tulang. Samakin tumor manggadang, samakin manyababkan tekanan pado saraf, tulang atau pun organ, sahinggo manyebabkan nyeri. Terapi lain nan bisa dilakuan untuak maredaan raso nyeri adolah akupuntur, akupresur, relaksasi, meditasi, sarato humor.[1][2]
Badasarkan step-ladder WHO, nyeri nan basifaik ringan hinggo sadang dapek diterapi manggunokan ubek-ubekan antiinflamasi nonsteroid. Sadangkan, nyeri derajat sadang hinggo barek dapek diatasi jo caro mamakan ubek dari golongan narkotik, seperti kodein jo morfin.[1]
Terapi intervensi nyeri pado kanker suntiang
Manuruik studi, 10 sampai 20 persen penderita nyeri kanker marespons randah tahadap terapi opioid atau bamasalah jo efek sampiangnyo, dapek mamparoleh manfaaik dari prosedur intervensi untuak mamutuihan sinyal nyeri dari saraf tapi ka utak. "Terapi ko dapek mambantu mangurangi efek sampiang tarhadok ubek analgesia, tarutamo golongan narkotik. Ado dua teknik intervensi nan dilakuan untuak mailangan nyeri kanker, yaitu teknik destruktif jo teknik nondestruktif. Teknik destruktif merupokan teknik parusakan jaringan saraf guno mahantikan impuls nyeri sacaro irreversible. Salah satu caronyo jo caro maagiahkan agen farmakologis, radiofrekuensi, jo pambedahan.[3]
Teknik destruktif umumnyo dapek dilakukn hanyo sakali, walaupun mungkin paralu pangulangan di kamudian hari.sahinggo teknik iko labiah manguntuangkan dari segi biaya jo kanyamanan. Tapi, efek sampiangnyo adolah karusakan saraf jo jaringan lain di lua sasaran.[3]
Sadangkan teknik nondestruktif untuak mahantian impuls nyeri sacaro reversible malalui ubek-ubekan atau rangsangan elektrik. Bantuak terapinyo barupo prosedur nang dilakuan sacaro bakala, pambarian infus anestesi lokal (tanpa steroid) taruih-manaruih, atau malalui parangsangan saraf.[3]
Ubek Herbal mailangan raso nyeri kanker suntiang
Kunyik marupokan ekstrak dari kunyik nan maliputi hampia 3 persen dari total bubuk kunyik. Curcumin dikenal jo khasiat anti kankernyo, nan indak hanyo maliputi kamampuan manakan raso sakik namun bisa mancari sumber sakik jo mahancuakannyo. kunyik manganduang zat anti-inflamasi jo antioksidan.[4]
Sabuah studi nan dilakuan dek pusek panalitian kanker nan babasis di New York, AS, manyimpuakan, kunyik labiah tapek untuak mahantikan inflamasi kalau dibandiangan jo aspirin.[4]
Yaitu ekstrak buah kaliki nan barasal dari kulik kaliki nan masih mantah. Banyak studi nan manunjuakan kalau Papain manyarang sel-sel tumor atau kanker sarato mamelokan imunitas badan. Kaliki alah tabukti mampu mangurangi efek radiasi. Kaliki ko dikonsumsi dalam bantuak suplemen atau dalam bantuak olesan.[4]
Ekstrak jahe sangaik manolong untuak mangurangi raso sakik jo inflamasi. Caro karajonyo manurunan kadar prostaglandins, yaitu suatu molekul nan mamicu raso sakik. Salain mangurangi sakik, jahe efektif dalam mangurangi mual. jahe nan elok dikonsumsi adolah jahe segar ataupun kariang. Jahe tasadio dalam babagai bantuak lain sarupo kapsul, minyak ataupun ekstrak.[4]
Aia memang indak tumbuhan herbal, namun samo vitalnya jo nan lainnyo. Aia sangeklah paralu untuak nan sadang dalam parawatan kemoterapi. Proses dari kemoterapi manyababkan badan kahilangan aia, sarato maningkekan kainginan untuak manyerap air jo frekuensi labiah. Aia mambantu manyingkiakan racun dari aliran darah jo mancegah panumpuakan siso-siso racun di ginjal. Aia mambantu mangurangi raso latiah.[4]
Rujuakan suntiang
- ↑ a b c "Mengatasi Deraan Nyeri Kanker". Republika Online. 2016-12-14. Diakses tanggal 2019-12-31.
- ↑ a b Ramadi, Edwin. "Memahami Nyeri yang Dirasakan Pasien Kanker". detikHealth (dalam bahasa Indonesia). Diakses tanggal 2019-12-31.
- ↑ a b c "Mengatasi Deraan Nyeri Kanker". Republika Online. 2016-12-14. Diakses tanggal 2019-12-31.
- ↑ a b c d e Liputan6.com (2017-03-09). "4 Obat Rumahan Ini Bisa Kurangi Rasa Sakit karena Kanker". liputan6.com (dalam bahasa Indonesia). Diakses tanggal 2019-12-31.