Museum Tuanku Imam Bonjol

Museum Tuanku Imam Bonjol talatak di Bonjol, Pasaman, Sumatera Barat nan manyimpan barang-barang paninggaan Tuanku Imam Bonjol. Bangunan museum tadiri dari 2 lantai. Pado lantai partamo diisi jo barang-barang punyo Tuanku Imam Bonjol diantaronyo sanjato-sanjato, lukisan jo silsilah kaluargo Tuanku Imam Bonjol. Dilantai duo diisi jo barang-barang kuno diantaronyo paralatan dapua, pitih kuno, baju ulama, naskah kuno dan lainnyo. Pado lantai duo diisi jo barang-barang nan indak bahubuangan jo Tuanku Imam Bonjol karano hanyo saketek barang-barang punyo baliau nan basobok.Museum Tuanku Imam Bonjol marupokan sabuah Museum yang diparuntukkan mengenang jaso pahlawan nasional Tuanku Imam Bonjol.

Sijarah

Tuanku Imam Bonjol adolah saurang pamimpin kaum paderi di Bonjol. Dalam malawan pamarintahan Balando pado paparangan nan disabuik jo namo parang paderi. Imam Bonjol banamo asli Muhammad Shahab, lahia di Bonjol, Pasaman, Sumatera Barat pado 1 Januari 1772. Tuanku Imam Bonjol maningga dalam pangasiangan pado 6 November 1864 di Lotta, Minahasa. Namo Tuanku Imam Bonjol didapek dari tanah kalahiaannyo karano diangkek manjadi pamimpin di daerah itu.

Untuak manganang perjuangan beliau, di bangunlah museum nan diagiah namo Museum Tuanku Imam Bonjol. Museum Tuanku Imam Bonjol badampiangan jo tugu Equator. yaitu tugu nan manjadi panando maso daerah itu di lalui garih khatulistiwa.

Koleksi

Koleksi museum tadiri dari koleksui sajarah pajuangan, etnografi, numismatik, karamik, sarato koleksi panunjang sarupo peta, lukisan dan foto. Museum didirian duo lantai, lantai partamo barisian barang-barang surang sarupo sanjato yang dipakai maso paparangan, lukisan-lukisan dan silsilah dari kaluarga Tuanku Imam Bonjol. Naiak ka lantai duo, dipajang barang-barang kuno sarupo paralatan dapua, pitih dulu, karamik antik dan lainnyo. Pado lantai duo iko emang diisi jo barang-barang yang indak bahubuangan jo Tuanku Imam Bonjol karano masih saketek tamuan barang-barang surang milik Tuanku Imam Bonjol.