Tugu Padang Area

(Dialiahkan dari Monumen Tugu Padang Area)

Tugu Padang Area adolah sabuah tugu nan dibuek untuak mancaritoan jo maingek pajuangan urang Kota Padang pado wakatu panjajahan Balando dulu nan talatak di Jalan Dr. Sutomo, Simpang Haru. Tugu ko babantuak lidah api nan manyalo dan babedo jo tugu-tugu nan ado di Kota Padang. Pado dindiang tugu ko dihieh jo lukihan atau gamba palawanan urang Kota Padang kapado Balando sarato ditambah jo taman hieh hijau di sakuliliangnyo.

Monumen Padang Area
Monumen Padang Area
ParancangIbenzani Usman
TipeMonumen
Konstruksi partamo17 Agustus 1990
Tanggal salesai1992
Didedikasikan padoPeristiwa Padang Area
Biaya pambangunanRp200 juta

Tugu iko salasai dibangun pado taun 1992. Konsepnyo dirancang dek guru gadang seni rupo Universitas Negeri Padang Ibenzani Usman.[1]

Sajarah suntiang

Menuruik sajarah, pado wakatu panjajahan dulu, di sakuliliang tugu ko dijadian tampek pabatehan, tampek baparang jo tampek manyimpan sanjato sarato ado nan mancaritoan sabananyo tampek tugu ko adolah tampek dimano urang palaja jo masyarakaik di sakuliliang Simpang Haru ko manyarang tantaro sakutu. Panyarangan ko lah nan mamaciang panyarangan-panyarangan salanjuiknyo jo gajolak pajuangan di Kota Padang malawan sakutu Balando nan masuak ka kota Padang. 

Tugu ko dibangun sajak taun 1991 dan sudah pado taun 1992. Wakatu bulan Mei pado taun 2016, Pamarintah Kota Padang alah malakuan pambaruan jo pabaikan di tugu Pajuangan Kota Padang ko sahinggo tampek ko taliek rancak jo nyaman. Panambahan landmark kato “Tugu Padang Area” di tampek tugu ko juo manambah daya tariak sarato manjadi panyumarak.[2]

Namo lainnyo suntiang

Tugu Padang Area ko punyo banyak namo nan babedo-bedo di masyarakaik Kota Padang diantaronyo: Tugu Simpang Haru, Tugu Padang Area, Tugu Api, dan Tugu Tigo Tungku Sajalin.

Rujuakan suntiang

  1. Rahmat Irfan Denas (26 Februari 2019). "Tetenger Kota Padang, "Sandera" Sejarah Tugu Padang Lidah Api". Harian Khazanah. 
  2. "Tugu Tali Nan Tigo Sapilin; Monumen Perjuangan Kota Padang di Tengah Hiruk Pikuk Jalanan - infoSumbar". www.infosumbar.net (dalam bahasa Inggris). Diakses tanggal 2018-08-12.