Monumen Bahari Sungai Pisang

Monumen Bahari Sungai Pisang adolah monumen nan dibuek sabagai pangingek kajadian parang sagitigo di sungai Pisang. Tugu iko dibuek pado taun 1987.

Sejarah

Sungai Pisang dapek bagian sabagai daerah Front Selatan katiko pambagian wilayah untuak perjuangan kemerdekaan, karano daerah iko labiah dominan lauik nan laweh. ALRI mambuek babarapo pos untuak patahanan dan mangintai jo sekalian maambek Pasukan Balando nan ka maisi bahan baka di Sungai Barameh. Karano panghadangan nan dilakuan ALRI, paralu Balando nan di taluak bayua ka taluak bayua tajadi karugian sarato tagaduah.

Balando akhirnyo mambaleh ALRI pado bulan September taun 1946. Balando manyarang ALRI dari darek jo lauik. Limo buah motorboat lengkap jo pasukannyo di pakai Balando untuak malindungi pasukan di darek nan ikuik menyerang. Karano kajadian panyarangan Balando iko, Kapten Emir Enyak dari ALRI jo babarapo pasukan Tentara Republik Indonesia (TRI) nan sakatek karano kalah jumlah akhirnyo labiah mamiliah mundua untuak manyalamaikan diri. Dek iko, Balando akhirnyo dapek manguasai tampek tasabuik.

Pasukan Balando nan alah manguasai Sungai Barameh akhianyo mulai manyarang Taluak Kabuang. Pasukan ALRI nan kalah akhianyo mambuek pos di Sungai Pisang. Indak disangko sangko, tanyato Balando mangaja sampai sungai Pisang. Sahinggo suatu katiko, pado bulan September 1946, pasukan Balando nan mambaok 3 motor boat nio manyarang Sungai Pisang jo caro menembak ka darek untuak mangamankan tampek pendaratannya. Pasukan ALRI hanyo diam, karano tau Balando ka tibo manyarang. katiko alah mandarat, pasukan ALRI langsuang manembak pasukan balando sahinggo tajadilah panembakan babaleh-baleh.

Pado akhianyo, pasukan ALRI nan lah bausaho sakuek mungkin dan gagah barani malawan Balando, kalah dek karano jumlah pasukan nan saketek dan sanjato nan ndak mamadai Balando manang. Meski mode itu, banyak juo nan maningga dari kaduo pihak. Ado 6 urang nan gugur, Sersan Robinhood, Wagimin, Iskandar, Hanfiah, dan duo urang lainnyo hilang ndak tau jasad nyo barado.