Musajik Rayo Sumatera Barat

musajik di Sumatra Barat
(Dialiahkan dari Masajik Rayo Sumatera Barat)

Musajik Rayo Sumatera Barat adolah musajik nan tagadang di Sumatera Barat, talatak maadok Jalan Khatib Sulaiman, Kecamatan Padang Utara, Kota Padang. Musajik ko masih dalam tahap konstruksi sajak palatakan batu partamo pado 21 Desember 2007. Pambangunan dikarajokan sacaro batahap dek anggaran dari provinsi nan tabateh.

Musajik rayo sumatera barat

Koordinat: 0°55′26″S 100°21′44″E / 0.92380°S 100.3623°E / -0.92380; 100.3623

Musajik Rayo Sumatera Barat

Masjid Raya Sumatera Barat

Latak Kota Padang, Sumatera Barat, Indonesia
Kapamimpinan Pamerintah Provinsi Sumatera Barat
Deskripsi arsitektur
Arsitek Rizal Muslimin
Dimulai 21 Desember 2007
Dibuko 7 Februari 2014
Spesifikasi
Kapasitas 5.000–6.000 urang
Panjang 65 meter (213 kaki)
Leba 65 meter (213 kaki)
Tinggi (maks) 47 meter (154 kaki)

Muski indak rutin, Musajik Rayo Sumatera Barat ko alah dipusatkan sabagai tuan rumah kagiatan kaagamoan skala regional sarupo tablig akbar, patamuan jamaah, panyalanggaroan Salat Ied inggo Salat Jumaik satiok pakannyo. Sajak awal taun 2012, pamarintah provinsi mamusatkan kagiatan wirid rutin jajaran pagawai nagari sipil untuak mangenalkan musajik.[1][2] Namun, frekuensi pamakaian musajik untuak aktivitas ibadah masih tabateh dek karano alun sudahnyo fasilitas listrik jo alun tasadionyo aia barasiah.[3]

Konstruksi musajik tadiri dari tigo lantai. Ruang utamo nan dipakai sabagai ruang salat talatak di lantai duo, tahubuang jo barando tabukak nan malandai ka jalan. Denah musajik babantuak pasagi nan marunciang di kaampek suduiknyo, manampilkan bantuak bantangan kain katiko ampek kabilah suku Quraisy di Mekkah babagi kahormatan mamindahan batu Hajar Aswad jo maegang masiang-masiang suduik kain. Bantuak suduik lancip sakaligus mawakili atok bagonjong pado rumah adaik Minangkabau rumah gadang.

Rujuakan suntiang

  1. "Masjid Raya Sumbar Alternatif Tempat Shalat Id". ANTARA. 14-08-2012. Diakses tanggal 21 Desember 2014. 
  2. "Melihat Efektivitas Pengajian di Masjid Raya Sumbar". Harian Haluan. 21-03-2012. Diakses tanggal 21 Desember 2014. 
  3. "Pembangunan Masjid Raya Sumbar Dikebut". Padang Ekspres. 16 Juli 2012. Diakses tanggal 21 Desember 2014.