Mamak jo kamanakan

(Dialiahkan dari MAMAK DAN KEMENAKAN)

MAMAK DAN KEMENAKAN

Saudara laki-laki ibu, baik adiak maupun kakaknya. Sacaro khusus, Suatu lembaga atau badan nan batangguang jawek tahadok kelangsungan kaluargo matrilineal di Minangkabau. Bisa juo diartikan sabagai lembaga kepemimpinan nan mengurus hal-hal nan berhubungan jo adaik Minangkabau.

Kamanakan barajo ka mamak

Mamak barajo ka pangulu

Pangulu barajo ka mufakat

Mufakat barajo ka nan bana

Bana badiri sandirinyo

Bana manuruik alua jo patuik

Manuruik patuik jo mungkin.

Ungkapan tasabuik ditujukan untuak kemenakan. Kemenakan dan mamak mampunyoi hubuangan sabagai pamimpin dan urang nan dipimpin. Kemenakan surang mampunyoi arti sabagai barikuik sacaro umum anak saudaro padusi , baik laki-laki maupun padusi . sacaro khusus, kasado urang nan dipimpin di minangkabau.

Hubuangan mamak dan kemenakan adolah hubuangan bertali darah. Karena itu, mamak dan kemenakan adolah urang nan satu suku. Mamak akan batindak sabagai urang nan mamimpin dan urang nan dipimpin.
Hubuangan kaduo adolah hubuangan sako jo pusako. Sako adolah gelar kehormatan di Minangkabau dan pusako adolah harta dalam bantuak benda dan nonbenda.
Saroman ungkapan barikuik iko :

Biriak-biriak turun ka samak

Tibo di saamak makan padi

Dari niniak turun ka mamak

Dari mamak turun ka kami

Maksud ungkapan di ateh adolah sako dan pusako nan didapat dari ninik diturunkan ka mamak dan diturunkan lai untuak kemenakan. Sako dan pusako marupoan warisan turun temurun manuruik garih keturunan ibu atau manuruik kekerabatan bertali darah.

Oleh dek itu, mamak dan kemenakan sama-sama mamiliki hak dan kewajiban. Mamak sabagai urang nan dituakan dan manjadi pamimpin indak buliah sewenang-wenang, harus manuruik alur dan patut, sesuai hokum dan ketentuan nan berlaku di Minangkabau.

Kemenakan juo mamiliki tanggung jawek tahadok mamaknya. Andaikan mamaknya berhutang, kemenakan nan akan membayarnya. Sehingga beban mamak agak berkurang dan akan tapaliharo hubuangan nan harmonis antaro mamak dan kemenakan.

Mamak berperan dalam membimbing kemenakan, memelihara dan mangambangkan harta pusaka sarato mawakili kaluargo dalam urusan keluar.

Membimbing kemenakan adolah kewajiban mamak. Saroman ungkapan barikuik ini:

Kaluak paku kacang balimbiang

Daun bakuang lenggang-lenggangkan

Anak dipangku kamanakan dibimbiang

Urang kampuang dipatenggangkan

Mamak berkewajiban dalam membimbing kemenakan dalam bidang adat, bidang agama, dan bidang perilaku sehari-hari. Kalau kemenakan malakuan kesalahan, mamak akan ikuik malu. Masyarakat akan berkata begini, kamanakan sia tu, atau sia mamaknyo.

Peranan mamak nan lain adolah memelihara dan mangambangkan harta pusako. Harta pusaka itu dipelihara supaya jangan habis, indak buliah dijual, atau digadaikan. Mamak hanyo memelihara saja, sadangkan pemiliknya adolah ibu ( bundo kanduang ).

Peranan mamak nan katigo adolah mawakili kaluargo dalam urusan keluar. Urusan itu dapek tajadi dalam hal-hal nan baik atau kurang baik. Mamak akan batindak ateh namo kaluargo dan mawakili kaluargo dan juo akan batindak ateh namo kaluargo untuak panyalasaian sabauh sabauh masalah.

Kemenakan laki-laki dan kemenakan padusi sama-sama dibutuhkan dalam kaluargo Minangkabau. Peranan keduanya di dalam kaluargo berbeda-beda.

Kemenakan laki-laki mamiliki paran antaro lain kader pamimpin ( mamak ) dalam kaluargo dan Membantu mamak dalam urusan-urusan keluarga. Kemenakan padusi mamiliki paran antaro lain, calon ibu (bundo kanduang ), calon panguaso harta pusaka, pelanjut ganerasi, Penghuni rumah gadang.

Ruang lingkup kepemimpinan Mamak sangaik bagantuang pado tanggung jawabnya. Jika inyo sabagai mamak pangulu, kaumlah nan dipimpinnya. Jika inyo sabagai mamak tungganai, tungganai nan tadiri ateh babarapo kaluargo nan dipimpinnya. Jika sabagai mamak rumah, satu rumahlahlah nan dipimpinnya.

Sabagai saurang pemimpin, mamak diibaratkan sabagai kayu gadang di tangah koto.  Inyo manjadi pelindung bagi kemenakannya. Seorang mamak adolah penegak hukum nan adil. Mamak indak akan memihak siapapun. Dia hanyo berprinsip ka nan bana.  Saroman ungkapan barikuik iko :

Mahukum adia, bakato bana,

Manimbang samo barek,

Maukua samo panjang,

Nan babasih nan bapaek,

Nan baukua nan di kabuang,

Tibo di mato indak dipicingkan,

Tibo di paruik indak di kampihkan,

Tibo di dado indak dibusuangkan.

Mamak manjadi tampek meminta nasehat bagi kemenakan. Jika kemenakan akan berjalan, pado mamaklah inyo bertanya. Jika kemenakan alah kembali, mamaklah nan akan menyampaikan kabar. Saroman ungkapan barikuik iko :

Kapai tampek batanyo

Ka pulang tampek babarito

Kusuik nan kamanyalasaikan,

Karuah nan ka manjaniahkan.

Mamak manjadi penyelesai babagai masalah. Penjernih dalam kekeruhan dan dibutuhkan kearifan dan kebijaksanaan. Saroman ungkapan barikuik iko :

Indak ado kusuik nan ndak salasai,

Indak ado karuah nan indak janiah,

Kusik bulu paruah manyalasaikan,

Kusuik banang dicari ujuang jo pangko,

Kusuik rambuik dicari sikek jo minyak,

Kusuik sarang tampuo api manyalasaikan.

Kemenakan adolah urang nan dipimpin. Saroman ungkapan barikuik iko :

Kamanakan barajo ka mamak

Kamanakan saparintah mamak

Namun jika perintahnya mengarah pado keburukan, kemenakan buliah menyanggahnya. Saroman ungkapan barikuik iko :

Rajo adia rajo disambah

Rajo lalim rajo disanggah

Kemenakan laki-laki acok disabuik urang mudo sampai mamiliki kearifan tersendiri. Inyo tahu akan tugasnya. Karena itu, inyo akan pergi sabalun disuruh dan akan dating sabalun dipanggil.

Kemenakan padusi mamiliki kepastian dalam hidup, berbuat, dan bertindak.

Namun indak mangurangi dan merendahkan martabatnya. Saroman ungkapan barikuik iko :

Bajalan si ganjua lalai

Pado pai suruik nan labiah

Alu tataruang patah tigo

Samuik tapijak indak mati.

Ungkapan tasabuik manyatoan kemenakan padusi jika berjalan tatok lamah gemulai namun pasti sampai inyo akan menembus sagalo haling rintang jo panuah kehati-hatian.

Rafiq Gusly Abdul Razak (1710743001), Padang 2018.

Dt. Sanggoeno Diradjo., Ibrahim (2009). Tambo alam Minangkabau : tatanan adat warisan nenek moyang orang Minang : adat dan budaya Minangkabau. Bukittinggi: Kristal Media. ISBN 9789791832700.