Luak Agam

Luak Agam marupokan salah satu kawasan konfederasi dari babarapo nagari dalam budayo Alam Minangkabau. Basamo jo Luak Tanah Data sarato Luak Limo Puluah tanamo jo namo Luak Nan Tigo.

Kawasan Luak Agam ko pado maso pamarintahan Hindia Balando dijadikan Onderafdeeling Oud Agam

Wilayah

Manuruik Tambo, asa mulo didirikannyo Luak Agam iolah papindahan panduduak dari nagari Pariangan nan balangsuang salamo ampek periode. Periode partamo, malahiakan ampek buah nagari, yakni Biaro, Balai Gurah, Lambah, jo Panampuang. Kudian di periode kaduo, malahiakan tigo buah nagari, yakni Canduang Koto Laweh, Kurai, jo Banuhampu. Periode katigo, malahiakan 4 buah nagari, yakni Sianok, Koto Gadang, Guguak, jo Guguak Tabek Sarojo. Dan di periode kaampek, malahiakan limo buah nagari, yakni Sariak, Sungai Puar, Batagak, jo Batu Palano.

Kudian lahia pulo nagari-nagari lainnyo sarupo Kapau, Gaduik, Salo , Koto Baru, Magek, Tilatang Kamang, Tabek Panjang, Pincuran Puti, Koto Tinggi, Simarasok jo Padang Tarok.

Rantau

Rantau Tiku Pariaman/Piaman Laweh

• Tiku
• Gasan
• Aua Malintang
• Malai Sungai Garinggiang
• Sungai Limau
• Limo Koto (Padang Alai, Kudu Gantiang, Limau Puruik, Sikucua, dan Cimpago)
• Tujuah Koto (Tandikek, Sungai Durian, Batu Kalang, Koto Dalam, Koto Baru, Sungai Sariak, dan Ampalu)
• Pariaman
• Nan Sabarih
• Ulakan
• Anduriang Kayu Tanam
• Guguak Kapalo Hilalang
• Duo Kali Sabaleh Anam Lingkuang Sicincin
• Pakandangan
• Parik Malintang
• Sintuak Lubuak Aluang
• Kasang
• Katapiang

Rantau Pasaman

Ujuang Darek Kapalo Rantaunyo

• Palembayan
• Silareh Aia
• Lubuak Basuang
• Kampuang Pinang
• Simpang Ampek
• Sungai Garinggiang
• Lambah Bawan
• Tigo Koto
• Garagahan
• Manggopoh
• Lubuak Sikapiang
• Bonjo