Limo Kaum, Lima Kaum, Tanah Datar
Limo Kaum adolah salah satu nagari nan tamasuak ka dalam wilayah kecamatan Lima Kaum, Kabupaten Tanah Datar, Provinsi Sumatera Barat, Indonesia. Nagari iko talatak di dakek Batusangkar, ibu kota dari Kabupaten Tanah Datar. Nagari iko sacaro bantangan alamnyo barado didaerah katinggian (bukit) jiko dibandingan jo daerah disakitaranyo. Sahinggo diparkiroan pado kawasan daerah iko dahulunyo marupoan daerah patahanan (kubu). Salain itu, pado zaman Balando indak jauah dari daerah iko pernah juo dibuek sabuah patahanan Balando nan disabuik namonyo jo Fort van der Capellen atau nan kiniko berubah namo menjadi Batusangkar.[1]
| Limo Kaum | |
|---|---|
 Batu basurek Kuburajo di Limo Kaum | |
| Nagara |  Indonesia |
| Provinsi | Sumatera Barat |
| Kabupaten | Tanah Datar |
| Kecamatan | Lima Kaum |
| Laweh | 23,00 km² |
| Panduduak | 14.131 urang (2010) |
Dalam sajarahnyo, di Nagari Limo Kaum ikolah diputuihan pandapek dek Datuak Perpatiah Nan Sabatang jo Datuak Katumangguangan untuak mambantuak sistem Kelarasan (pamarintahan) Bodi Caniago jo Koto Piliang nan kaduonyo sampai kiniko masih dipakai sabagai sistem adaik di MinangKabau.[2]
Nagari Limo Kaum iko punyo situs Cagar Budaya Batu Basurek nan barado di Jorong Kubu Rajo yang marupoan paninggalan Rajo Aditiawarman, Tadapek juo Batu Batikam di Jorong Dusun Tuo nan disabuik sabagai prasasti ikrar kato sapakaik manjalankan sistem Kelarasan Bodi Caniago dan Koto Piliang antaro Datuak Perpatiah Nan Sabatang jo Datuak Katumangguangan. Salain tu ado pulo Cagar Budaya Musajik Raya Nagari Limo Kaum nan picayoi sabagai salah satu musajik tatua di Kabupaten Tanah Datar dan ado pulo sabuah Rumah Gadang paninggalan Angku Datuak Bandaro Kuniang (Pucuak Bulek Bodi Caniago Limo Kaum Duo Baleh Koto).[2]
Rujuakan suntiang
- ↑ "Profil Nagari". Limo Kaum. Diarsipkan dari versi asli tanggal 2019-10-09. Diakses tanggal 2019-10-09.
- ↑ a b "Sejarah Nagari". Limo Kaum. Diarsipkan dari versi asli tanggal 2019-10-09. Diakses tanggal 2019-10-09.
