Jahja Datoek Kajo

politisi Indonesia

Jahja Datoeak Kajo (lahia di Koto Gadang, Agam, Sumatera Barat, 1 Agustus 1874 – maningga 9 November 1942 pado umua 68 taun) adolah surang pajuang kamardekaan, politisi sarato anggota Volksraad nan takamuko. Baliau adolah ayah dari Daan Jahja nan pernah manjabat gubernur militer Jakarta pado taun 1950.

Jahja Datoeak Kajo
Lahia1 Agustus 1874
Maningga9 November 1942 (umua 68)
KabangsaanBendera Indonesia Indonesia
KarojoPolitisi
Dikana dekPajuang kamardekaan Indonesia
AnakDaan Jahja
Urang tuo- Pinggir Bandaharo Koeniang
- Bani

Maso ketek suntiang

Jahja Datoek Kajo laia dari pasangan laki-bini Pinggir Bandaharo Koening jo Bani, nan masiang-masiang anggota pasukuan Sikumbang jo Piliang. Pado taun 1882, Jahja mulai marantau basamo pamannyo. Di Suliki baliau sempat basakola salamo sataun, kudian nasib mambueknyo harus bapindah-pindah sakola di tampek nan babedo. Taun 1883 di Pasa Gadang, Padang lalu taun 1885-1887 sakola privat di Bukittinggi.

Karier suntiang

Taun 1888, Jahja magang pado kantua residen Padang Darek untuak labiah banyak mangataui dari dakek birokrasi pamarentahan kolonial Hindia Balando. Taun 1892-1895, Jahja bakarajo sabagai juru tulih magang di kantua kontrolir Agam Tuo. Tanggal 11 Mei 1895, Jahja mandapek gala Datoeak Kajo dan dipiliah manjadi Tuanku Lareh Ampek Koto.

Pado taun 1908, pajak (belasting) mulai dibalakuan di Sumatera Barat. Kajadian pado 2 Juli 1908 sangaik mamukul Jahja, dima baliau mancaliak anak nagarinyo dibantai dek tantara Balando karano manantang untuak malakuan pambayaran pajak. Pado taun 1919, kajadian nan disabuik "Tragedi Paladangan" ko ditulih lalu dilaporannyo ka atasan. Sajak itu, Jahja manjadi geram kapado tantara Balando.

Taun 1913, Jahja ditugehan marangkap jabatan, iyolah sabagai Kapalo Lareh Banuhampu. Kariernyo capek naiak, di taun 1914 baliau dipacayo manjadi damang Bukittinggi. Karano indak sapaham jo atasannyo dalam babagai hal, Jahja dimintak pindah lalu manjadi damang Payokumbuah (1915-1918), Padangpanjang (1919-1928), kudian Aia Bangih (1928-1929).

Volksraad suntiang

Jahja tapiliah manjadi anggota Volksraad manggantian Loetan Datoeak Rangkajo Maharadjo pado tanggal 16 Mei 1927. Baliau adolah salah surang dari 25 urang anggota golongan bumiputera. Jahja mawakili Minangkabau untuak pariode 1927-1931. Sasudah pansiun taun 1931, taun 1935 baliau tapiliah baliak sabagai anggota Volksraad.

Bahaso Indonesia suntiang

Volksraad nan dibantuak pado akhia taun 1917, sangaiklah diskriminatif kapado anggota bumiputera. Diantaronyo adolah palarangan digunoannyo Bahaso Malayu (sasudah Sumpah Pamuda, dikana sabagai Bahaso Indonesia) dalam sidang-sidang limbago tu. Namun pakacualian tu didapek-an dek Jahja Datoeak Kajo. Sajak 16 Juni 1927, dalam saluruih pidato-pidatonyo di Volksraad, Jahja salalu manggunoan bahaso Indonesia. Jahja mamintak kapado para hadirin nan nio manyela pambicaroannyo supayo manggunoan bahaso Indonesia. Baliau bataruih tarang baso di dalam sidang majelis Volksraad labiah suko mamakai bahaso Indonesia karano maraso surang Indonesier. Pidatonyo nan baapi-api jo bahaso Indonesia di Volksraad mambuekt wakil-wakil Balando berang. Karano kabaraniannyo itu, koran-koran pribumi maagiahnyo gala "Jago Bahasa Indonesia di Volksraad".

Rujuak-an suntiang

  • Azizah Etek, Mursjid A.M., Arfan B.R., Koto Gadang Masa Kolonial, LKiS, 2007, ISBN : 979-1283-29-x
  • Azizah Etek, Mursyid A.M, dan Arfan B.R. Kelah Sang Demang, Jahja Datoek Kajo, Pidato Otokritik di Volksraad 1927 - 1939. LKiS, 2008, ISBN : 979-1283-58-3