Diego Maradona

Revisi sajak 29 Nopember 2020 14.38 dek David Wadie Fisher-Freberg (rundiang | jariah)
(bedo) ← Revisi sabalunnyo | Revisi tabaru (bedo) | Revisi salanjuiknyo → (bedo)

Diego Armando Maradona (Lafal Spanyol: [ˈdjeɣo maɾaˈðona]; 30 Oktober 1960 – 25 November 2020) adolah surang pamain jo palatih sepak bola bakabansoan Argentina. Inyo acok disabuik sabagai salah satu pamain bola nan paliang hebat dalam sajarah.[1][2]

Diego Maradona sasudah mamanangan Piala Dunia FIFA 1986.

Maradona adolah surang pamain gelandang serang nan baposisi sabagai classic number 10. Inyo tacatat duo kali mamacahan rekor transfer dunia untuak pamain bola: partamo kutiko pindah ka Barcelona saarago £5 juta, dan kaduo kutiko pindah ka Napoli sanilai £6.9 juta.[3] Salain Barca jo Napoli, inyo juo pernah bamain untuak Argentinos Juniors, Boca Juniors, Sevilla, jo Newell's Old Boys.

Di tim nasional Argentina, Maradona mancatat 91 panampilan dan mancetak 34 gol. Inyo bamain di ampek kali Piala Dunia dan manjadi bagian dari tim Argentina nan mamanangan Piala Dunia 1986 di Meksiko sabagai kapten. Di edisi Piala Dunia ko, inyo tanamo dek duo gol nan inyo cetak di babak perempatfinal malawan Inggris: ciek gol nan tanamo sabagai gol tangan Tuhan, dan ciek lai nan dicetak salapeh malewati limo pamain Inggris sajauah 60 m (66 yd), nan tanamo sabagai Goal of the Century.[4]

Rujuakan

  1. "FIFA Player of the Century" (PDF). touri.com. 11 December 2000. Diarsipkan dari versi asli (PDF) tanggal 26 April 2012. Diakses tanggal 26 November 2020. 
  2. "Maradona or Pele?". CNN Sports Illustrated, 10 December 2000. Retrieved 13 March 2013
  3. Kutipan rusak: Tag <ref> indak sah; indak ado teks untuak ref banamo Times
  4. "Diego Maradona goal voted the FIFA World Cup™ Goal of the Century". FIFA (30 May 2002). Retrieved 13 March 2013