Wikipedia

Vaksinasi

Vaksinasi adolah upayo maagiah vaksin untuak maningkekan katahanan tubuah dari panyakik mamindah. Vaksin barasa dari mikroorganisme (virus atau bakteri) nan kudian dilamahkan, dimatikan, atau diambiak sabagian komponennyo. Hal iko dilakukan untuak maransang imunitas adaptif tubuah (imunitas nan didapek) sainggo dapek manoloang urang cegak atau tailak dari panyakiknyo.[1][2][3] Samakin banyak urang nan divaksinasi dapek mamunculkan katahanan kalompok (herd immunity) sainggo dapek malinduangi urang-urang nan indak bisa divaksin.[4] Salain itu, vaksinasi baguno juo untuak mailangan muncuanyo kasus panyakik (eradikasi), cando panyakik cacar (variola) nan dinyatokan WHO alah eradikasi global pado 1980.[5]

Vaksinasi
Intervensi
Anak padusi nan sadang mandapek vaksin malalui jarum suntiak di langan kidanyo.
ICD-9-CM99.3-99.5

Asa mulo vaksinasi adolah dari upayo inokulasi nan partamo kali tacataik di Cino pado abaik ka 16. Sangkek tu, inokulasi dilakukan untuak malawan panyakik cacar.[6] Inokulasi nan dilakukan tasabuik dikambangkan baliak dek panaliti-panaliti lain cando Edward Jenner, dari Inggirih, nan akhianyo manamukan vaksin cacar pado taun 1796. Kudian Louis Pasteur mangambangkan konsep ko dalam kajian mikrobiologinyo.[7]

Vaksinasi jo imunisasi acok batuka namo di masyarakaik awam. Vaksinasi marupokan bagian dari imunisasi dek gunonyo untuak manambah imunitas, nan sacaro spesifik mamakai vaksin. Samantaro inokulasi sacaro khusus mamakai patogen iduik nan dilamahkan.[4]

Vaksin jo mekanismenyo suntiang

Vaksinasi marupokan caro maningkekan katahanan tubuah jo mamakai vaksin. Vaksin marupokan mikroorganisme (virus/bakteri) atau toksoid (bagian toksin dari mikroorganisme) nan alah diubah sainggo patogenitas (efek panyakik) atau toksisitasnyo ilang, tapi sifat antigenitasnyo masih ado. Ado baragam caro untuak mamasuakan vaksin ka dalam tubuah, ado malalui muluik, adopulo nan malalui jarum suntiak.[8][3]

Vaksinasi bakarajo sacaro spesifik pado ciek panyakik sasuai jo jinih vaksin nan diagiah ka badan, sainggo vaksinasi tamasuak dalam mekanisme patahanan tubuah spesifik atau adaptif. Vaksin nan masuak ka dalam tubuah ka manjadi antigen dan tubuah akan maalami duo fase respon imun. Partamo adolah fase pangenalan nan tajadi katiko tubuah partamo kali tau jo antigen. Vaksin ka maagiah efek "infeksi ringan" sainggo tabantuaknyo antibodi sarato sel limfosit T nan spesifik malawan panyakik. Kudian fase kaduo adolah fase efektor. Fase efektor dimainkan perannyo dek antibodi jo sarato limfosit T nan alah tau jo antigen panyakiknyo, sainggo akan labiah capek malawan panyakik. Hal iko nan diarokan dari vaksinasi.[8][3]

Katahanan kalompok suntiang

 
Ilustrasi papindahan panyakik dek wabah pado kalompok nan rami indak divaksin jo kalompok nan rami divaksin inggo tacapai katahanan kalompok.

Katahanan kalompok atau katahanan kawanan (herd immunity) adolah palinduangan indak lansuang dari panyakik mamindah katiko rami urang alah divaksinasi, sainggo urang nan indak divaksin dapek talinduangi pulo. [9][10] Pado kondisi rami urang divaksin, rantai pamindahan panyakik dapek taputuih atau taambek.[11] Hal iko tajadi dek urang nan indak divaksin saketek kamungkinannyo bakontak jo urang nan tainfeksi. Dek itulah urang nan indak divaksin dapek talinduangi.[9]

Urang dapek tahan dari panyakik jo caro cegak dari infeksi sabalunnyo atau malalui vaksinasi.[11] Sabagian urang ado nan indak dapek divaksin dek alasan medis, cando urang jo imunodefisiensi atau imunosupresi, ataupun faktor umua, sainggo kalompok urang cando ko paralu katahanan kalompok untuak talinduangi.[12] Pado ambang jumlah urang tavaksin, katahanan kalompok dapek mailangan panyakik mamindah tatantu sacaro bajanjang.[13][14] Lambek laun, panyakik tasabuik dapek sabana ilang (eradikasi panyakik). Panyakik nan dapek ilang dek vaksinasi iolah variola pado taun 1977.[15] Namun, katahanan kalompok ko hanyo balaku untuak panyakik infeksi nan sangek mamindah dari urang ka urang.[14] Contoh panyakik infeksi nan bisa divaksin namun indak mampunyoi katahanan kalompok adolah tetanus.[12]

Antivaksin suntiang

Vaksinasi mandapek patantangan dari kalompok nan disabuik kaum antivaksin atau anti-vax. Kaum iko maragukan atau manulak untuak divaksin atau maagiah vaksin pado anaknyo walau dilakukan dek fasilitas kasihatan nan bakuaso. Dek WHO, kaum antivaksin dimasuakan sabagai ciek dari sapuluah ancaman kasihatan global pado taun 2019.[16][17] Argu men nan dipakai panantang vaksin batulak balakang jo konsensus ilmiah tantang kasalamatan jo efikasi vaksin.[18][19][20][8]

Utamonyo karaguan muncua dek pacacuangan publik tantang masalah medis, etika, jo hukum nan takaik jo vaksin. Karaguan ateh vaksin barasa dari baragam faktor tamasuak kurangnyo raso picayo diri ka vaksin atau layanan kasihatan, raso pueh diri (baso dirinyo indak paralu), sarato kanyamanan (akses mandapek vaksin).[21] Hal iko alah ado sajak panamuan vaksin. Argumen nan dibaok dek pandukuang antivaksin dapek barubah-ubah sairiang wakatu.[22] Karaguan ateh vaksin ko acok mambuek wabah jo kamatian dek panyakik nan sabananyo dapek diambek jo vaksin.[23][24][25][26][27]

Rujuakan suntiang

  1. ↑ Fiore, Anthony E.; Bridges, Carolyn B.; Cox, Nancy J. (2009). Seasonal influenza vaccines. 333. 43–82. doi:10.1007/978-3-540-92165-3_3. ISBN 978-3-540-92164-6. 
  2. ↑ Chang Y, Brewer NT, Rinas AC, Schmitt K, Smith JS (July 2009). "Evaluating the impact of human papillomavirus vaccines". Vaccine. 27 (32): 4355–62. doi:10.1016/j.vaccine.2009.03.008. PMID 19515467. 
  3. ↑ a b c Liesegang TJ (August 2009). "Varicella zoster virus vaccines: effective, but concerns linger". Canadian Journal of Ophthalmology. 44 (4): 379–84. doi:10.3129/i09-126. PMID 19606157. 
  4. ↑ a b "Herd immunity (Herd protection) | Vaccine Knowledge". vk.ovg.ox.ac.uk. Diakses tanggal 2020-11-12. 
  5. ↑ "Smallpox". WHO Factsheet. Diarsipkan dari versi asli tanggal 21 September 2007. 
  6. ↑ Behbehani AM (December 1983). "The smallpox story: life and death of an old disease". Microbiological Reviews. 47 (4): 455–509. doi:10.1128/MMBR.47.4.455-509.1983. PMC 281588  . PMID 6319980. 
  7. ↑ Lombard M, Pastoret PP, Moulin AM (April 2007). "A brief history of vaccines and vaccination". Revue Scientifique et Technique. 26 (1): 29–48. doi:10.20506/rst.26.1.1724. PMID 17633292. 
  8. ↑ a b c U.S. Department of Health and Human Services. "Vaccines.gov". Vaccines.gov (dalam bahasa Inggris). Diakses tanggal 29 October 2020. 
  9. ↑ a b Fine, P.; Eames, K.; Heymann, D. L. (1 April 2011). "'Herd immunity': A rough guide". Clinical Infectious Diseases. 52 (7): 911–16. doi:10.1093/cid/cir007. PMID 21427399. 
  10. ↑ Gordis, L. (14 November 2013). Epidemiology. Elsevier Health Sciences. pp. 26–27. ISBN 978-1455742516. https://books.google.com/books?id=7YX6AQAAQBAJ&pg=PA26&pg=PA26#v=onepage&q&f=false. Diakses pado 29 Oktober 2020. 
  11. ↑ a b Merrill, R. M. (2013). Introduction to Epidemiology. Jones & Bartlett Publishers. pp. 68–71. ISBN 978-1449645175. https://books.google.com/books?id=tV5LSztaS2wC&pg=PA68&pg=PA68#v=onepage&q&f=false. Diakses pado 29 Oktober 2020. 
  12. ↑ a b "Herd Immunity". Oxford Vaccine Group, University of Oxford. Diakses tanggal 29 October 2020. 
  13. ↑ Cliff, A.; Smallman-Raynor, M. (11 April 2013). Oxford Textbook of Infectious Disease Control: A Geographical Analysis from Medieval Quarantine to Global Eradication. Oxford University Press. pp. 125–36. ISBN 978-0199596614. https://books.google.com/books?id=AqhDZkWJjPQC&pg=PA125&pg=PA125#v=onepage&q&f=false. Diakses pado 29 Oktober 2020. 
  14. ↑ a b Somerville, M.; Kumaran, K.; Anderson, R. (19 January 2012). Public Health and Epidemiology at a Glance. John Wiley & Sons. pp. 58–59. ISBN 978-1118308646. https://books.google.com/books?id=2rnPItVn_oEC&pg=PA58&pg=PA58#v=onepage&q&f=false. Diakses pado 29 Oktober 2020. 
  15. ↑ Kim, T. H.; Jonhstone, J.; Loeb, M. (September 2011). "Vaccine herd effect". Scandinavian Journal of Infectious Diseases. 43 (9): 683–89. doi:10.3109/00365548.2011.582247. PMC 3171704  . PMID 21604922. 
  16. ↑ "Ten health issues WHO will tackle this year". Who.int (dalam bahasa Inggris). Diakses tanggal 29 October 2020. 
  17. ↑ PM, Aristos Georgiou (2019-01-15). "The anti-vax movement has been listed by WHO as one of its top 10 health threats for 2019" (dalam bahasa Inggris). Diakses tanggal 29 October 2020. 
  18. ↑ "Communicating science-based messages on vaccines". Bulletin of the World Health Organization. 95 (10): 670–71. October 2017. doi:10.2471/BLT.17.021017. PMC 5689193  . PMID 29147039. 
  19. ↑ "Why do some people oppose vaccination?". Vox. Diakses tanggal 29 October 2020. 
  20. ↑ Ceccarelli, Leah. "Defending science: How the art of rhetoric can help". The Conversation (dalam bahasa Inggris). Diakses tanggal 29 October 2020. 
  21. ↑ Larson, HJ; Jarrett, C; Eckersberger, E; Smith, DM; Paterson, P (April 2014). "Understanding vaccine hesitancy around vaccines and vaccination from a global perspective: a systematic review of published literature, 2007–2012". Vaccine. 32 (19): 2150–59. doi:10.1016/j.vaccine.2014.01.081. PMID 24598724. 
  22. ↑ Gerber JS, Offit PA (February 2009). "Vaccines and autism: a tale of shifting hypotheses". Clinical Infectious Diseases. 48 (4): 456–61. doi:10.1086/596476. PMC 2908388  . PMID 19128068. 
  23. ↑ "Frequently Asked Questions (FAQ)". Boston Children's Hospital. Diarsipkan dari versi asli tanggal October 17, 2013. Diakses tanggal 29 October 2020. 
  24. ↑ Phadke VK, Bednarczyk RA, Salmon DA, Omer SB (March 2016). "Association Between Vaccine Refusal and Vaccine Preventable Diseases in the United States: A Review of Measles and Pertussis". JAMA. 315 (11): 1149–58. doi:10.1001/jama.2016.1353. PMC 5007135  . PMID 26978210. 
  25. ↑ Poland GA, Jacobson RM (January 2011). "The age-old struggle against the antivaccinationists". The New England Journal of Medicine. 364 (2): 97–99. doi:10.1056/NEJMp1010594. PMID 21226573. 
  26. ↑ Wallace A (2009-10-19). "An epidemic of fear: how panicked parents skipping shots endangers us all". Wired. Diakses tanggal 29 October 2020. 
  27. ↑ Poland GA, Jacobson RM (March 2001). "Understanding those who do not understand: a brief review of the anti-vaccine movement". Vaccine. 19 (17–19): 2440–45. doi:10.1016/S0264-410X(00)00469-2. PMID 11257375. 

Pautan lua suntiang

Ado kategori tantang Vaksinasi di Wikimedia Commons
Diambiak dari "https://min.wikipedia.org/w/index.php?title=Vaksinasi&oldid=2430832"