Si Inthrathit (Thai: ศรีอินทราทิตย์; Malayu: Sri Indraditya), adolah salah surang pamimpin suku bangso Thai, nan kudian mandirian Karajaan Sukhothai jo manjadi rajonyo nan patamo.[1] Karajaan Sukhothai tasabuik badiri pado patangahan patamo abaik ka-13, iyolah satalah bangso Thai baasia lapeh dari panjajahan bangso Khmer.[1] Karajaan Sukhothai tu kudian taruih bakambang di bawah katurunan Si Inthrathit, antaro lain malalui panikahan jo kaluarga panguaso Thai lainnyo dari daerah lain, sarato malalui agamo Buddha Theravada nan samo dianuik jo sadonyo suku bangso Thai.[1]

Pho Khun Si Inthrathit
Rajo Sukhothai
Patuang Si Inthrathit, Sawankhalok, Sukhothai
Rajo Siam
Bakuaso1238 – 1270
PandauluKarajaan Khmer
PanaruihBan Muang
Lahia?
Maningga1270
WangsaDinasti Phra Ruang
PasanganNang Suang
AnakPho Khun Ban Muang
Pho Khun Ram Khamhaeng
dan tigo anak lainnyo

Pajuangan suntiang

Catatan-catatan lamo bangso Cino manyabuikan baso pado awanyo, tadapek babarapo kalompok wilayah nan diunyi dek suku-suku bangso Thai.[2] Labiah kurang suku-suku tu taseba di area nan kini barado di sabalah utara Myanmar, sabalah selatan Provinsi Yunan di Cino, sabalah timur Assam di India, iyolah wilayah Siam lamo.[2]

Si Inthrathit awanyo adolah salah surang panguaso wilayah suku bangso Thai tu, nan barado di bawah kakuasoan bangso Khmer (kini suku mayoritas paunyi nagara Kamboja).[3] Namo asali Si Inthrathit sabalun batahta di Sukhothai adolah Khun Bang Klang Hao.[3] Khun Bang Klang Hao basamo para kapalo suku Thai lainnyo manggabuangan pasukan mareka jo bajuang untuak dapek lapeh dari panjajahan bangso Khmer, nan lah lamo manguasoi babagai wilayah nan diunyi dek suku bangso Thai.[3]

Taun 1238, Si Inthrathit mandirian karajaan nan dinamoinyo Sukhothai, nan aratinyo 'tabiknyo kabahagiaan'.[3][4] Karajaan tu dibangunnyo di dataran tanah liek di tapi batang aia Yom, nan manjadi ibukota lamo Sukhothai.[5] Karajaan tu taruih bakambang salamo labiah kurang 100 taun inggo mancapai laweh nan ampia sarupo jo wilayah nagara Thailand kini ko, sabalun digantian dek karajaan bangso Thai nan baru di sabalah selatan, iyolah Karajaan Ayutthaya.[4]

Manuruik Prasasti Rajo Ram Kamhaeng, nan dibuek kiro-kiro taun 1292-93, tasabuik baso Si Inthrathit manikah jo Nang Suang.[6] Anak kaduonyo ado limo, laki tigo padusi duo.[6] Anak laki tatuo maningga samaso paja ketek, nan kaduo banamo Ban Muang, jo nan katigo Ram Kamhaeng.[6] Ram Kamhaeng mangabdi ka apaknyo Si Inthrathit samaso iduiknyo, kudian ka abangnyo Ban Muang nan manggantian kaduduakan apaknyo, satalah tu tahta Sukhothai dipacik dek Ram Kamhaeng surang sabagai rajo nan katigo.[6]

Katurunan suntiang

Barikuik iko rajo-rajo Sukhothai dari Dinasti Ruang,[7] nan marupoan katurunan Si Inthrathit, sbb.:[3]

  • Rajo Si Inthrathit (k. 1238)
  • Rajo Ban Muang (k. 1279)
  • Rajo Ram Khamhaeng (1279-1298)
  • Rajo Loethai (1298-1323)
  • Rajo Ngua Namthom (1323-1347)
  • Rajo Lithai (1347-1363)
  • Rajo Luethai (1363-1399)
  • Rajo Saileuthai (1400-1419)
  • Rajo Borommapan (1419-1438)

Rujuakan suntiang

  1. a b c Kapur-Fic (1998). Thailand: Buddhism, Society, and Women. Abhinav Publications. p. 24-25. ISBN 9788170173601. https://books.google.co.id/books?id=kaBW8Ao-18oC&pg=PA24&dq=Si+Inthrathit&hl=en&sa=X&ved=0ahUKEwinyqLT5sLXAhUKOrwKHfrUDiMQuwUIKDAA#v=onepage&q=Si%20Inthrathit&f=false. 
  2. a b Piyasīlo (1992). Buddhist currents: a brief social analysis of Buddhism in Sri Lanka and Siam. Enterprises for the Community of Dharmafarers. p. 87. ISBN 9789839030044. https://books.google.co.id/books?id=cGADAQAAIAAJ&q=Si+Inthrathit&dq=Si+Inthrathit&hl=en&sa=X&ved=0ahUKEwinyqLT5sLXAhUKOrwKHfrUDiMQ6AEITTAJ. 
  3. a b c d e Čhulālongkō̜nmahāwitthayālai. Continuing Education Center (1993). A Survey of Thai Arts and Architectural Attractions: A Manual for Tourist Guides. p. 3. ISBN 9789745787650. https://books.google.co.id/books?id=9dafAAAAMAAJ&q=Si+Inthrathit&dq=Si+Inthrathit&hl=en&sa=X&ved=0ahUKEwinyqLT5sLXAhUKOrwKHfrUDiMQ6AEIMDAC. 
  4. a b Tecco, Betsy Dru (2005). How to Draw Thailand's Sights and Symbols. The Rosen Publishing Group. p. 4, 20. ISBN 9781404227415. https://books.google.co.id/books?id=FKPm9rRvw-cC&pg=PA4&dq=Si+Inthrathit&hl=en&sa=X&ved=0ahUKEwinyqLT5sLXAhUKOrwKHfrUDiMQuwUILjAB#v=onepage&q=Si%20Inthrathit&f=false. 
  5. Sinlapākō̜n, Krom (2000). Thai heritage, world heritage. Office of Archaeological and National Museum III Phanakorn Sri Ayutthaya Fine Arts Department, Ministry of Education. p. 12. https://books.google.co.id/books?id=kZNuAAAAMAAJ&q=Si+Inthrathit&dq=Si+Inthrathit&hl=en&sa=X&ved=0ahUKEwinyqLT5sLXAhUKOrwKHfrUDiMQ6AEIRDAH. 
  6. a b c d Chulalongkorn University (1984). "Silacharuek Phokhun Ram Khamhaeng Dan Thi Nueng" ศิลาจารึกพ่อขุนรามคำแหง ด้านที่ ๑ [King Ram Khamhaeng's Inscription, Face 1]. Bangkok: Ramkhamhaeng University. Diakses tanggal 2015-09-03. 
  7. Lithai (Rajo Sukhothai) (1987). Traiphūmkathā. Published under the sponsorship of the ASEAN Committee on Culture and Information. p. 478. https://books.google.co.id/books?id=FGZkAAAAMAAJ&q=Si+Inthrathit&dq=Si+Inthrathit&hl=en&sa=X&ved=0ahUKEwinyqLT5sLXAhUKOrwKHfrUDiMQ6AEISDAI.