Rasuna Said

pahlawan padusi Indonesia

Hj. Rangkayo[1] Rasuna Said (14 September 1910 – 2 November 1965) adolah pejuang kemerdekaan dan politikus Indonesia nan dianugerahi gala pahlawan nasional Indonesia. Mode Kartini, inyo juo mampajungan adonyo pasamoan hak antaro laki-laki jo padusi. Inyo dimakamkan di TMP Kalibata, Jakarta.

Infobox orangRasuna Said
Biografi
Lahia14 September 1910 Edit nilai pada Wikidata
Maninjau Edit nilai pada Wikidata
Kamatian2 Nopember 1965 Edit nilai pada Wikidata (55 tahun (id) terjemahkan)
Daerah Kusuih Ibukota Jakarta Edit nilai pada Wikidata
Panyabab kamatianKanker payudara (id) Terjemahkan Edit nilai pada Wikidata
Tampek dimakamkanTaman Makam Pahlawan Kalibata (id) Terjemahkan Edit nilai pada Wikidata
Kalompok etnisUrang Minangkabau Edit nilai pada Wikidata
AgamoIslam Edit nilai pada Wikidata
AlmamaterDiniyyah Puteri Edit nilai pada Wikidata
Kagiatan
KarajoPolitikus Edit nilai pada Wikidata
Kaluarga
Pasangan hiduikDuski Samad Edit nilai pada Wikidata
Panghargaan

Kehidupan mulonyo suntiang

Rasuna Said dilahiakan pado 14 September 1910 di Desa Panyinggahan, Maninjau, Kabupaten Agam, Sumatera Barat.[2] Inyo marupoan katurunan bangsawan Minang. Ayahnyo banamo Muhamad Said, saorang saudagar Minangkabau, aktivis pergerakan, jo guru nan manjadi tokoh Taman Siswa.[3]

Keluarga Rasuna Said adolah keluarga baragamo Islam nan taat. inyo gadang di rumah pamannyo karano karajo ayahnyo nan mambuek ayahnyo acok indak barado di rumah. Indak mode saudara-saudaranyo, inyo basekolah di sekolah agamo, nan indak sekuler, jo salapeh pindah ka Padang Panjang, di mano inyo basekolah di Diniyah School, nan manggabungkan mato pelajaran agamo dan mato pelajaran khusus. Pado tahun 1923, inyo manjadi asisten guru di Sekolah Diniyah Putri nan baru didirikan, tetapi baliak ka kampuang halamannyo tigo salapeh sekolah itu hancur karano gampo. lalu inyo baraja salamo duo tahun di sekolah nan terkait jo aktivisme politik jo agamo, jo mancaliak pidato nan diagiah oleh direktur sekolah tentang nasionalisme jo kemerdekaan Indonesia.[4][5]

Salapeh manamaikan janjang pendidikan Sekolah Dasar (SD), Rasuna Said gadang dikiriman sang ayah untuak malanjuikan pendidikan di pesantren Ar-Rasyidiyah. katiko itu, inyo marupoan satu-satunyo santri padusi. Inyo dikana sebagai sosok nan pandai, cadiak, jo pambarani. Rasuna Said lalu malanjuikan pendidikan di Diniyah Putri Padang Panjang, laliu basuo jo Rahmah El Yunusiyyah, saorang tokoh gerakan Thawalib. Gerakan Thawalib adolah gerakan nan dibangun kaum reformis Islam di Sumatera Barat. Banyak pemimpin gerakan iko dipengaruhi oleh pemikiran nasionalis-Islam Turki, Mustafa Kemal Atatürk.

Rasuna Said sangaiklah mancaliak kemajuan dan pendidikan kaum padusi, inyo sempat mangaja di Diniyah Putri sebagai guru. Namun pado tahun 1930, Rasuna Said barenti mangaja karano mampunyoi pandangan bahwa kemajuan kaum padusi indak hanyo bisa didapaik jo mendirian sakolah, tetapi harus disertai perjuangan politik. Rasuna Said nionyo mamasuakan pendidikan politik dalam kurikulum sekolah Diniyah School Putri, tetapi ditolak. Rasuna Said lalu mendalami agamo pado Haji Rasul atau Dr H Abdul Karim Amrullah nan mangajaan pentingnyo pembaharuan pemikiran Islam jo kebebasan bapikia nan beko banyak mempengaruhi pandangan Rasuna Said.

Kontroversi poligami pernah ramai manjadi polemik di ranah Minang tahun 1930-an. Iko akibaiknyo pado maningkaiknyo angko kawin cerai. Rasuna Said manganggap parangai iko bagian dari pelecehan terhadap kaum padusi.

Pajuangan Politik suntiang

Mulo pajuangan politik Rasuna Said katiko baraktivitas di Sarekat Rakyat (SR) subagai Sekretaris cabang. Rasuna Said lalu bagabuang jo Soematra Thawalib dan mendirikan Persatuan Muslimin Indonesia (PERMI) di Bukittinggi pada tahun 1930. Rasuna Said ikut juo maaja di sekolah-sekolah nan didirian PERMI jo salapeh mandirian Sekolah Thawalib di Padang, jo mamimpin Kursus Putri dan Normal Kursus di Bukittinggi. Rasuna Said sangaik mahir dalam bapidato mengecam pemerintahan Balando. Rasuna Said tacataik subagai padusi patamo nan kanai hukum Speek Delict, yaitu hukum kolonial Balando nan menyatakan bahwa siapopun dapek dihukum karano babicaro manantang Balando.

Pado tahun 1926, Rasuna Said aktif dalam organisasi Sarekat Rakyat nan baafiliasi jo komunis, dibubarkan salapeh pamberontakan komunis nan gagal di Sumatera Barat pado tahun 1927. Tahun barikuiknyo, inyo manjadi anggota Partai Sarekat Islam, naiak ka posisi kapamimpinan cabang Maninjau. Salapeh tagaknyo pado tahun 1930, inyo bagabuang jo Persatuan Muslim Indonesia (Permi), sabuah organisasi berbasis Islam jo nasionalisme. Tahun barikuiknyo, Rasuna baliak mangaja di Padang Panjang, maninggaan karajonyo salapeh basalisiah jo pamimpinnyo karano Rasuna alah maaja murid-muridnyo tentang paralunyo tindakan politik untuak mawujuikan kemerdekaan Indonesia, jo pindah ka Padang, di mano pimpinan Permi bermarkas. Di sinan, inyo mandirian sekolah untuak anak padusi.

Pado tanggal 23 Oktober 1932, dalam rapek umum bagian padusi Permi di Padang Panjang, Rasuna manyampaian pidato publik bajudul "Langkah-Langkah Menuju Kemerdekaan Rakyat Indonesia" di mano inyo mangutuak penghancuran mato pencaharian rakyat jo kerusakan nan dibuek pado rakyat Indonesia oleh kolonialisme. Barapo minggu salapeh itu, dalam pidato lain di Payakumbuh di hadapan saribu orang, inyo mangecekan kebijakan Permi adolah dibuek imperialisme subagai musuah. Hanyo mandapek paringakan dari saurang pejabat, inyo malanjuikan jo sakali lai mangacekan bahwa Al-Qur'an manyabuik imperialisme subagai musuah Islam. Inyo mamproklamirkan, "Kita harus mencapai kemerdekaan Indonesia, kemerdekaan harus datang." Indak lama salapeh itu inyo ditangkok dan didakwa "menebar kebencian", manjadi padusi Indonesia patamo nan didakwa jo Speekdelict — pelanggaran babicaro. lalu inyo dijatuahi hukuman 15 bulan panjaro, nan mambueknyo takana secara nasional karano jajak jo hukumannyo dilaporkan secara laweh. Inyo manggunoan persidangannyo untuak maajak kemerdekaan, jo manarik dukungan laweh. Inyo dipanjaro di Semarang, Jawa Tengah. Labiah dari saribu urang datang untuak mancaliak barangkwnyo kapal nan mambawonyo ka Jawa.[6][7]

Rasuna Said sempat ditangkok basamo kawan sapajuangannyo Rasimah Ismail, jo dipanjaro pada tahun 1932 di Semarang. Salapeh kalua dari panjaro, Rasuna Said manaruihan pendidikannya di Islamic College pimpinan KH Mochtar Jahja dan Dr Kusuma Atmaja.

Rasuna dibebaskan dari pajaro pado tahun 1934. Inyo baraja di Sakolah Pendidikan Keguruan Permi di Padang salamo ampek tahun. inyo bakarajo sebagai jurnalis, manulih artikel nan mengkritik kolonialisme Belanda di jurnal sekolah keguruan Raya. Pado tahun 1937 inyo pindah ke Medan, lalu baliak ka Padang salapeh invasi Jepang ka Hindia Belanda. Inyo ditangkok oleh Jepang karano keanggotaannyo dalam organisasi pro-kemerdekaan Indonesia, tetapi dibebaskan salapeh waktu nan singkek karano pihak berwenang khawatir manyebabkan ketidakpuehan publik. Pado tahun 1943 inyo bagabuang jo pasukan sukarelawan militer Giyugun nan sangek nasionalis, nan alah didirian oleh Jepang di Sumatra. Inyo mambantu mandirian bagian padusi, Hahanokai.[8][9]

Kehidupan Pribadi suntiang

Pado tahun 1929, Rasuna manikah jo Duski Samad, inyo saurang rekan pengajar jo aktivis politik. Urang tuonyo indak marestui panikahan tasabuik. Urang-urang tu punyo seorang putri, tetapi pernikahan itu barakhir jo caraian pado awal tahun 1930-an. lalu inyo diam-diam manikah jo Bariun AS, meskipun inyo mangecekan bahwa pajuangan kemerdekaan labiah penting daripado suaminyo.[10]

Maningga dunia suntiang

Rasuna maningga di Jakarta karano kanker darah pado 2 November 1965. Inyo maninggalkan seorang putri (Auda Zaschkya Duski) jo 6 cucu (Kurnia Tiara Agusta, Anugerah Mutia Rusda, Moh. Ibrahim, Moh. Yusuf, Rommel Abdillah dan Natasha Quratul'Ain). Janazahnyo dimakamkan di Taman Makam Pahlawan Kalibata, Jakarta Selatan.

Rujuakan suntiang

  1. Indrawati, Indrawati; Tarjana, Sri Samiati; Nurkamto, Joko (2019). "Globalization and Language Hegemony". Digital Press Social Sciences and Humanities. 2: 00010. doi:10.29037/digitalpress.42261. ISSN 2654-9433. 
  2. Agnesti, Narani; Sanjaya, Ageng (2022-01-15). "PERJUANGAN HJ. RANGKAYO RASUNA SAID SEBAGAI PEJUANG POLITIK DAN PEMIKIR PERGERAKAN PADA MASA PRA KEMERDEKAAN". Kalpataru: Jurnal Sejarah dan Pembelajaran Sejarah. 7 (2): 153–160. doi:10.31851/kalpataru.v7i2.7163. ISSN 2621-7058. 
  3. Prosiding Seminar Nasional & Call for Paper "Peran Perempuan Sebagai Pahlawan di Era Pandemi" PSGESI LPPM UWP. 9 (01). 2022-11-16. doi:10.38156/gesi.v9i01. ISSN 2355-2611 http://dx.doi.org/10.38156/gesi.v9i01.  Tidak memiliki atau tanpa |title= (bantuan)
  4. Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022. 
  5. Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022. 
  6. Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022. 
  7. Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022. 
  8. Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022. 
  9. Aswati, Lydia; Jurnalis, Yusri Dianne; Sayoeti, Yorva; Bachtiar, Hafni (2016-11-16). "Faktor-Faktor yang Berhubungan dengan Kadar Anti-Hbs pada Anak Sekolah Dasar Setelah 10-12 Tahun Imunisasi Hepatitis B Di Kota Padang". Sari Pediatri. 14 (5): 303. doi:10.14238/sp14.5.2013.303-8. ISSN 2338-5022. 
  10. Sihombing, Elvina; Rifayanti, Rina; Putri, Elda Trialisa (2021-12-27). "Kecerdasan Emosional Dengan Penyesuaian Pernikahan Pada Istri yang Menikah Berbeda Suku Dengan Pasangan". Psikoborneo: Jurnal Ilmiah Psikologi. 9 (4): 876. doi:10.30872/psikoborneo.v9i4.6812. ISSN 2477-2674. 

Pautan lua suntiang