Pokat
| Pokat | |
|---|---|
| |
| Daun jo buah Pokat. | |
| Klasifikasi ilmiah | |
| Kingdom: | Plantae |
| Division: | Magnoliophyta |
| Class: | Magnoliopsida |
| Order: | Laurales |
| Family: | Lauraceae |
| Genus: | Persea |
| Species: | P. americana |
| Namo binomial | |
| Persea americana Mill. | |
| Artikel ko indak ado rujuakan sumber tapicayo jadi isinyo indak dapek dipastian. Bantulah mamelok-i artikel ko jo manambahkan rujuakan nan layak. Artikel nan indak dapek diverifikasi ka dihapuih bilo-bilo maso dek Panguruih. |
Pokat, pokaik, atau buah mantega (Persea americana) adolah tumbuahan panghasil buah meja jo namo sama. Tumbuahan iko barasal dari Meksiko jo Amerika Tengah jo kini banyak dibudidayakan di Amerika Selatan jo Amerika Tangah sabagai tanaman parak monokultur jo sabagai tanaman pakarangan di daerah-daerah tropika lainnyo di dunia.
Pohon, jo batang mancapai tinggi 20 m jo daun sapanjang 12 hinggo 25 cm. Bungonyo tasuruak jo rono ijau kakuniangan jo ukuran 5 hinggo 10 milimeter. Ukurannyo bavariasi dari 7 hinggo 20 sentimeter, jo massa 100 hinggo 1000 gram; biji nan gadang, 5 hinggo 6,4 sentimeter.
Buahnyo batipe buni, mampunyoi kulik haluih tak rato barono ijau tuo hinggo ungu kacoklatan, tagantuang pado varietasnyo. Dagiang buah pokat barono ijau mudo dakek kulik jo kuniang mudo dakek incek, jo tekstur haluih.
Sajarah suntiang
Namo pokat (dari bahaso Inggirih, avocado) barasa dari bahaso Aztek, ahuacatl (dibaco kiro-kiro "awakatl"). Suku Aztek barado di daerah Amerika Tangah jo Meksiko. Karano itu, buah iko pado awalnyo dikenal di daerah tasabuik.
Pado saat pasukan Spanyol mamasuki wilayah tasabuik sakitar awal abaik ka-16, babagai tumbuahan dari daerah iko, tamasuak pokat, dipakenalkan kapado panduduak Eropa. Urang patamo nan mampakenalkan buah pokat kapado panduduak Eropa iyolah Martín Fernández de Enciso, salah surang pamimpin pasukan Spanyol. Baliau mampakenalkan buah iko pado taun 1519 kapado urang-urang Eropa. Pado saat nan samo juo, para pasukan Spanyol nan manjajah Amerika Tangah juo mampakenalkan kakao, jagung, jo kantang kapado masyarakaik Eropa. Sajak itulah buah pokat mulai disebar jo dikenal dek banyak panduduak dunia.
Pokat dibaok ka Indonesia dek Balando pado abaik ka-19.
Manfaaik suntiang
Pokat mampunyoi banyak manfaik. Inceknyo digunokan dalam industri pakaian sabagai parono nan indak mudah luntua. Batang kayunyo dapek digunokan sabagai bahan bakar. Kulik batangnya digunokan sabagai parono rono cokelat pado produk dari bahan kulit. Dagiang buahnyo dapek dijadikan hidangan sarato manjadi bahan dasar untuak babarapo produk kosmetik jo kacantikan. Salain itu, dagiang buah pokat untuak maubek sariawan jo malambokan kulik nan kariang. Daun pokat digunokan untuak maubek kanciang batu, darah tinggi, sakik kapalo, nyeri saraf, nyeri lambuang, saluran angok mambangkak jo menstruasi nan indak taratur. Inceknyo dapek digunokan untuak maubek sakik gigi jo kanciang manih.
Pranala lua suntiang
| Wikimedia Commons mampunyoi media nan bahubuangan jo Persea americana |
| Wikispecies mempunyai informasi mengenai |
- (Indonesia) Betulkah Alpukat Bikin gemuk
- (Indonesia) Info Apokat
- (Indonesia) Apokat Buah Serbaguna dan Kaya Manfaat
- (Indonesia) Meronoi gambar buah apokat
