Nitrogen adolah anggota paliang ringan dari golongan 15 tabel periodik, acok disabuik pniktogen. Namo itu barasa dari bahaso Yuniani πνίγειν "tersedak", marujuak lansuang kapado sifek asfiksiasi nitrogen. Nitrogen adolah unsua umum dalam alam semesta, dikiroan barado pado urutan ka-7 total kalimpahan dalam galaksi Bima Sakti dan Tata Surya. Pado suhu jo takanan standar, duo atom unsua iko berikatan mambantuak dinitrogen, suatu gas diatomik nan tak bawarna jo indak babaun, jo rumus kimia N2. Dinitrogen mambantuak sakitar 78% atmosfer bumi, mambueknyo sabagai unsua mandiri nan paliang banyak. Nitrogen tadapek dalam sadoalah organisme, tautamo dalam asam amino sarato protein, dalam asam nukleat (DNA jo RNA) sarato dalam molekul pamindah energi adenosin trifosfat (ATP). Tubuh manusia manganduang sakitar 3% nitrogen (badasarkan massa), jo marupoan unsua paliang banyak ka-4 di dalam tubuh satalah oksigen, karbon, jo hidrogen. Siklus nitrogen manjalehan pergerakan unsua dari udaro, mamasuaki biosfer jo senyawa organik, kamudian baliak ka atmosfer.

Banyak senyawa nan penting untuak industri, saparti amonia, asam nitrat, nitrat organik (propelan jo bahan peledak), sarato sianida, manganduang nitrogen. Ikatan rangkap tigo nan kuek bana dalam nitrogen elementer (N≡N), ikatan paliang kuek kaduo dalam molekul diatomik satalah karbon monoksida (CO), mandominasi kimia nitrogen. Hal iko manyababkan kesulitan untuak baik organisme maupun industri dalam maubah N2 manjadi senyawa nan bamanfaat, tatapi katiko wakatu nan samo, mambaka, maladakkan, atau manguraikan senyawa nitrogen untuak mambantuak gas nitrogen akan malapehan energi dalam jumlah gadang nan acok kali bamanfaat. Amonia jo nitrat sintetis adolah pupuk industri utamo, jo pupuak nitrat adolah polutan utamo dalam eutrofikasi sistem aia.

Talapeh dari panggunaannyo sabagai pupuak jo panyimpan energi, nitrogen adolah konstituen baragam senyawa organik saparti Kevlar nan digunoan dalam kain bakakuatan tinggi jo sianoakrilat nan digunoan dalam superglue. Nitrogen adolah konstituen dari sadoalah kelas obat farmakologi utamo, tamasuak antibiotika. Banyak ubek atau prodrug maniru molekul sinyal alami nan manganduang nitrogen: contohnyo, nitrat organik nitrogliserin jo nitroprusida mangandalian tekanan darah jo memetabolisme manjadi dinitrogen monoksida. Banyak ubek penting nan manganduang nitrogen, saparti kafeina jo morfin alami atau amfetamin sintetis, batindak salaku reseptor neurotransmiter hewan.[1][2]

Sajarah suntiang

Senyawa nitrogen mamiliki sajarah nan panjang, amonium klorida alah dikana dek Herodotus. Mereka takana pado Abad Pertengahan. Alkimiawan mangatahui asam nitrat sabagai aqua fortis (aia kuek), nan juo senyawa nitrogen lainnyo saparti garam amonium jo garam nitrat. Campuran asam nitrat jo asam klorida dikana sabagai aqua regia (air raja), untuak marayoan kamampuannyo malaruikan ameh.[3]

Panamuan nitrogen dianugerahkan kapado dokter bakabangsaan Skotlandia Daniel Rutherford pado taun 1772, nan manyabuiknyo sabagai udaro babahayo (bahaso Inggirih: noxious air).[4][5] Maskipun inyo indak maakuinyo sabagai zat kimia nan sapanuahnyo babeda, inyo jo tageh mambedaannyo dari "udara tetap"nya Joseph Black, atau karbon dioksida.[6] Tadapek komponen udaro nan indak mandukuang pambakaran cukuik jaleh bagi Rutherford, maskipun inyo indak manyadari bahwa itu adolah sabuah unsua. Nitrogen ditaliti juo pado wakatu nan samo dek Carl Wilhelm Scheele,[2] Henry Cavendish,[1] dan Joseph Priestley,[7] nan marujuaknyo sabagai udaro tabaka atau udaro terflogistikasi. Gas nitrogen cukuik inert sahinggo dirujuak dek Antoine Lavoisier sabagai "udaro mefitik" atau azote, dari Yunani (azotikos), "indak iduik".[8] Dalam atmosfer nan baisi nitrogen murni, hewan mati jo api padam. Maskipun namo usulan Lavoisier indak diterimo dalam bahaso Inggirih, karano itu manuduah bahwasonyo ampia sadoalah gas (tentu saja dengan oksigen sebagai satu-satunya pengecualian) adalah mefitik, nama tersebut digunakan dalam banyak bahasa (Prancis, Italia, Portugis, Polandia, Rusia, Albania, Turki, dll.; dalam bahaso Jerman Stickstoff marujuak ka karakteristik nan samo, yoitu sticken "tasadak atau tacakiak") jo tetap batahan dalam bahaso Inggirih dalam namo nan umum untuak banyak senyawa nitrogen saparti hidrazin jo senyawa dari ion azida. Akhianyo, iko mangarah ka namo "pniktogen untuak golongan dalam tabel periodik nan dimulai dek nitrogen, dari bahaso Yunani πνίγειν "tersedak".[3]

Rujuakan suntiang

  1. a b Priestley, Joseph (1772). "Observations on different kinds of air". Philosophical Transactions of the Royal Society of London. 62: 147–256. doi:10.1098/rstl.1772.0021.  ; see p. 225.
  2. a b Carl Wilhelm Scheele, Chemische Abhandlung von der Luft und dem Feuer [Chemical treatise on air and fire] (Upsala, Sweden: Magnus Swederus, 1777 ; and Leipzig, (Germany): Siegfried Lebrecht Crusius, 1777). Pado bagian bajudul "Die Luft muß aus elastischen Flüßigkeiten von zweyerley Art, zusammengesetzet seyn." (Udaro musti tagak dari duo macam fluida elastis), hal 6-14, Scheele manyajikan hasil dari dalapan percobaannyo nan manunjuakkan udaro bareaksi jo baragam zat. Inyo manyimpulkan (p. 13): "So viel sehe ich aus angeführten Versuchen, daß die Luft aus 2 von einander unterschiedenen Flußigkeiten bestehe, von welchen die eine die Eigenschaft das Phlogiston anzuziehen gar nicht äussere, die andere aber zur solchen Attraction eigentlich aufgeleget ist und welche zwischen dem 3:ten und 4:ten Theil von der ganzen Luftmasse aus machet.
  3. a b Greenwood and Earnshaw, pp. 406–7
  4. Rutherford, Daniel (1772) "Dissertatio Inauguralis de aere fixo, aut mephitico" (Inaugural dissertation on the air [called] fixed or mephitic), M.D. dissertation, University of Edinburgh, Scotland. English translation: Dobbin, Leonard (1935). "Daniel Rutherford's inaugural dissertation". Journal of Chemical Education. 12 (8): 370–375. doi:10.1021/ed012p370. 
  5. Weeks, Mary Elvira (1932). "The discovery of the elements. IV. Three important gases". Journal of Chemical Education. 9 (2): 215. Bibcode:1932JChEd...9..215W. doi:10.1021/ed009p215. 
  6. Aaron J. Ihde, The Development of Modern Chemistry, New York 1964.
  7. Priestley, Joseph (1772). "Observations on different kinds of air". Philosophical Transactions of the Royal Society of London. 62: 147–256. doi:10.1098/rstl.1772.0021.  ; see: "VII. Of air infected with the fumes of burning charcoal." pp. 225–228.
  8. Elements of Chemistry, trans. Robert Kerr (Edinburgh, 1790; New York: Dover, 1965), p. 52.

Daftar pustaka suntiang