Nagasaki

Nagasaki dangaan (長崎市; -shi) adolah ibu kota jo kota tagadang di Prefektur Nagasaki nan taletak di pasisia sabalah barat dayo Kyushu, Japang. Lokasi geografisnyo adolah 32°44′ LU 129°52′ BT. Nagasaki adolah pusek pangaruah Eropa di Japang pado zaman patangahan. Kota Nagasaki nan marupoan kota palabuahan di Japang marupoan kota nan indak taisolasi pado wakatu Japang manarapan politik Isolasi (sakkoku). Pangaruah Eropa juo sabana nampak jo pesatnyo pakembangan agamo Kristen di kota Nagasaki pado zaman tasabuik jo banyaknya paninggalan basajarah barupo bangunan-bangunan Gareja nan masih tarawat hinggo saaik iko jo dijadian sabagai objek wisata.

Kota Nagasaki juo marupoan kota kaduo di mano bom atom dijatuahan dek Amerika Sarikat pado Parang Dunia II. Di kota iko juo dibangun Museum Bom Atom Nagasaki (Nagasaki Genbaku Shiryoukan) sabagai lambang paringatan bagi bangso Japang jo saluruah pangunjuang akan bahayo jo pandaritaan akibaik bom atom nan diladakan di kota tasabuik.

Awan babantuak cando cindawan akibaik ladakan nuklir di Nagasaki pado tanggal 9 Agustus 1945.

Nagasaki taletak di ujuang taluak nan panjang nan mambantuak palabuahan alami tabaiak di pulau selatan Jeaang Kyushu. Kawasan padagangan utamo jo wilayah pamukiman di kota iko taletak di dataran ketek dakek ujuang taluak. Duo batang aia nan dibealah dek sabuah gunuang mambantuk duo lambah utamo di mano kota iko talatak. Wilayah pusek kota iko dibatehi dek "terrain" indak labiah dari 4 mil pasegi dari total sakitar 35 mil pasegi kota iko sacaro kasaluruahan.

Pado 2003, kota iko mampunyoi populasi sabanyak 418.901 jiwa jo kapadekan panduduak 1.736,74 urang per km². Laweh wilayah totalnyo adolah 406,35 km jo laweh kota surang bajumlah 241,20 km².

Kota kamba

• Saint Paul, Minnesota, Amerika Serikat (1955) (Kota kamba tatuo di Japang)
• Santos, Brasil (1972)
• Porto, Portugih (1978)
• Middelburg, Belanda (1978)
• Fuzhou, Republik Rakyat Tiongkok (1980)
• Vaux-sur-Aure, Parancih (2005)

Caliak pulo

• Gunkanjima
• Pangaboman Hiroshima jo Nagasaki

Pranala lua

• (Inggirih) Situs rasmi Archived 2010-04-20 di Wayback Machine.
• (Inggirih) The Nagasaki Atomic Bomb Museum Archived 2007-01-11 di Wayback Machine.