Matrilineal Minangkabau
Matrilineal Minangkabau (matriarchaat dalam bahaso Balando [1]) adolah suatu sistem karabaik matrilineal nan berlaku di Minangkabau sajak dulu kala sampai saaik ko. Penerapan sistem matrilineal di Minangkabau dapek sajo babeda dalam sabagian aspek dibandiangan panarapan sistem ko di beberapo wilayah lainnyo di dunio.
Pado maso kini, sistem nan dianggap labiah tuo iko alah langko di dunio. Ado babarapo etnis di dunio nam masih manarapkan sistem ko, di antaronyo etnis Mosou di provinsi Yunnan dan Sichuan di China bagian selatan, etnis Kalash di wilayah lambah Chitral, Pakistan bagian utara, padusi Meghalaya di India, dan babarapo suku lainnyo.[2]
Masyarakek Minangkabau nan manganuik sistem matrilineal alah sajak lamo acok mambuek urang lua maambiak simpulan nan kaliru padonyo. Di ciek sisi masyarakek Minangkabau dipandang taaik maanuik Islam nan maanuik sistem karabaik patrilineal, samantaro di sisi lain tatok kokoh jo matrilinealnya.[3]
Di dalam sistem matrilineal ko, mamak manjadi laki-laki nan punyo tangguang jawab untuak kahidupan kamanakannyo. Sadangkan untuak suami atau ayah adolah sosok nan mudah datang jo pai nan kudian disabuik sabagai urang sumando. Manuruik ungkapan urang Minangkabau, urang sumando tu ibaraik langau di ikua kabau atau takah abu di ateh tungku. Budayo Minangkabau disabuik juo sabagai matrifokal, karano walaupun laki-laki dapek manjadi bagian dari iduik bini jo anaknyo, nan manjadi inti kaluarga adolah bini.[4]
Rujuakan suntiang
- ↑ Hadler 2010, hlm. 8.
- ↑ "Inilah Lima Tempat di Dunia nan Didominasi Perempuan" Republika.co.id, 14-10-2012. Diakses 21-11-2014.
- ↑ Kato, Tsuyoshi (2005). "Adat Minangkabau dan Merantau dalam Perspektif Sejarah" Balai Pustaka. ISBN 979-690-360-1.
- ↑ Hadler 2010, hlm. 9.
Daftar Pustaka suntiang
- Hadler, Jeffrey (2010). Sengketa Tiada Putus. Jakarta: Freedom Institute. ISBN 978-979-19466-5-0.
